¹ Arokeke ikamake josoe, ora timagantsi Israeri yosamiteri tosorintsi, ikankeri; ''¿payry anterine irichita Cananeosati iñisabakakema? ² ''Tosorintsi ikane;'' Juda anterine . Aroke nopëry itimomento ibagokë''. ³ Ira irogomere pañachara Jura ikantaygeri irogomere irasi Simeon, irentyegi; '' popogagapë intsomaige kebatsigë ipëgaira aito antagaisati eiroegi antaigairi Cananeosati." Aisati eiroegi ajatagae kebatsigera ipëtaigaimira.'' Yamëga ira iseraritejegi Simeón yogeataganakeri. ⁴ Ira irogomere Judá igisabakaganaka, ira tosorintsi ipëri ibagokera ira cananeosati ayke ferezeos. Itake tojaisanoriginte kara Bezec. ⁵ Ineiteri Adoni Bezec kanta Bezekenta, igisabakaganaitabaka ayke itsongaigeri cananeos ayke ferezeos. ⁶ Ira Adoni Bezec isiganaga , yogeitaganakeri aike yagaigeri, ikarashatatagegeri ibagoketira ayke igabiketira . ⁷ Adoni Bezec ikanke;''setenta itigomi , itoshatatagegeri ibagoketira ayke igabiketira , yapatobitogitero perintsipage osobira opamento. nakankeranaro,aisati tosorintsi ikantakenaro.'' Yamaigabero Jerusalén aito ikamake. ⁸ Ira irogomere Judá igisabakaganaitabaka kara timagantsi Jerusalén ayke iganataigagaro. yoganaitabaganaga itaganero timagantsi. ⁹ Arogeke itakero timagantsi, ira irogomere Judá iatasitaigeri irantaygeri cananeos itimi kara otisikë , kara Neguev , aike tongagari iki paba. ¹⁰ Jura iatasikeri cananeosati itimaiki Hebrón(ora ibairo Hebrón ijitani Quiriat Arba jiraisonori) , ayke yogamaigeri Sesai , Ahiman ayke Talmai. ¹¹ Aro kara,ira irogomere Judá iatasikeri timaigatsi Debir(ora ibairo Debir ijitani jirai Quiriat Séfer). ¹² Caleb ikanke ; ''ira kamegerone ora Quiriat Sefer ayke iraganatemaro timagantsi , nomeri nasinto Acsa,irajinantemaro.'' ¹³ Otoniel , ira itomi Quenaz,(ireinti igarashiki Caleb) yagïgeri Debir , yameka Caleb ipëri Asca,irisinto , irajinantemaroni. ¹⁴ Paretapaa Acsa kara Otoniel , ayke iroro pamanapënentiro iriro iromanakeri iriri irantimantemara. Iroontige iroro pagëge kara asnokë , Caleb yosamitero;''¿payro nomitokogimi?'' ¹⁵ iroro okanë ; '' pomëtoseretina.Aroge popënaro kebatsi asi Neguev , pomenaro aisati ora nijara.'' ira Caleb ipëro ora nija jonogaty ayke osobitira. ¹⁶ Ira timaigatsi Ceneo irigoñiri Moisés, iatagë timangantsikë Palmas ikaratanëri timaigatsi Judá kara ini Arad. ¹⁷ ira irogomere Judá ikarataiganajiri irogomerejegi Simeón, ireintiegi, ayke igisageri Cananeos itimabetaigari kara Sefat ayto itsongasantero. Ora timagantsi ojita Horma . ¹⁸ Ora timagantsi Judá aisa yagaigeri ira Gaza aisa ikaratiro kebatsi , Ascalón aisa ikaratiro kebatsi,aisati ora Ecron aisa ikaratiro kebatsi . ¹⁹ Ira tosorintsi ikarataigeri timangatsi Judá imitokotaygeri iraigaigero kebatsira, teni iragabeiro iragiri timaigatsira kara Llanura aitinta irashi ora yomisigantaro kara koshorisonori ²⁰ Hebrón ipëgegani ira Caled(kara ikankeri Moisés), aike iriro ijogëtaigeri kara aysa maba itomi irashi Anac. ²¹ ora timagantsi irashi Benjamin teni irajogaberi ira Jeboseosatira itimaigi Jerusalén. Aisati Jebuseos itimagë itimomentokë Benjamín kanta Jerusalen iroti yamëka. ²² Ira irogomere José yobetsikasiganakaro kara irantaigero ora Betel , ira tosorintsi ikarataigeri irirojegi. ²³ irirojeki igataigeri irogomere kara iranetsentero Betel (ora timagantsi jiraisonori ojita Luz ). ²⁴ Ira netsagetatsira inegë paniro serari isotoganëni kara timagantsikëra , ayke ikantaigeri ; ''poñagaigenaro,jegaraka nanganemara nanganake kara timagantsikëra aike nagaganinataigemi oviro. ²⁵ Iriro yoniaganeri abatsi kara añenake timagantsikë. ayke irirojegi intaygëro timagantsira ipogotasitaykero sabiri, karari ijokaneri ira serarira aisati antagaisati imatsigenga ireatagae. ²⁶ Ira serarira iataji kara timagantsikë Hititas aike ikanpai timagantsi ijigero Luz, përo ojita yamëka. ²⁷ Ora timagantsi irasi Manasés teni irajogiri timaigatsira kara timagantsikë Bet Seán ayke itimantaikara ,Taanac aysa itimantaikara, aisati timaigatsi kara Dor aisa itimantaikara , ira timatsi kara Ibleam aisa itimantaigara, aisa inasegaigatsira kara Meguido aisa itimantaigara , aisonori Cananeosati ikogasantaygero irantimaige kara kebatsigera. ²⁸ kara isintsitaiganake ishiraeri. Irirojegi igaganasanteri Cananeos irantarabagabentëri nabage , karari teni irajogiro antagaisati. ²⁹ Efrain teni irajogaigeri Cananeos kara itimaigi Gezer, aisa Cananeosatira përo itimaigë kara Gezeer antagaisatijegi irirojegi. ³⁰ Zabulón teni irajogaigeri timatsira Quintrón ,aisa timaigatsira kara Naalal ,përosati Cananeos itimaigëri ikarataigeri, ira Zabulón igataigeri Cananeos irantarobagabentiri napage. ³¹ Aser teni irajogaikeri timatsira Aco, tenisaty timatsira Sidón ,tenisati timatsira Ahlab,Aczib,Helba,Afec ayke Rehob. ³² Ira imachigengajegi irashi Aser itimakagagari cananeos(timatsira kebatsigë)tenta irajogopërine. ³³ Ira imatsigenga Neftalí teni irajogaigeri timaigapatsira kara Bet Semes, aisati teni irajogaigeri timatsira Bet Anat. Ira irogomere Neftalí itimakagagairi Cananeos (Ira matsigengajegi timagetachira kebatsikë).Ayke timaigatsira kara Bet Semes aike Bet Anat igaganataigeri irantagetineri irashi Neftalí. ³⁴ Ira Amorreos igaganataigeri irogomere Dan irantimapae pasnigë kebatsi , kero iabanenti kara Llanura. ³⁵ Ira Amorreos itimaige kara Monte Heres, kanta Ajalón ayke kanta Saalbim , ira sorarojegi inatsi ibangokë José yagaigë aisaty irirojegi igaganaitaigeri irantagete. ³⁶ Kara okaraguiteti irashi Amorreos iati igebatsiteke Acrabim kanta Sela , iroti otishikë.