¹ Moneni ukuti mwila bomba imilimo isuma iya bulungami pamenso yabantu pakwe bati bamimone, ngamwacita ifyo ninshi tamwa kakwate icilambu ukufuma kuli wiso uwaku mulu. ² Elo wapela, wilaitakisha we mwine kwati ba mbikishi ifyo balepanga muma sinagogo namunshila, pakwebati babatashe ku bantu. Mucishinka nebo ndimu kumyeba, bena balipoka icilambu conse. ³ Nomba elo wapela, wileka ukuboko kwa ku kuso kwishibe ifyo ukuboko kwa kulyo kule panga. Icabupe cobe upeele mukufisama. ⁴ Elo na wiso uumona mukufisama akamilambula. ⁵ ''Elo mwapela, mwilaaba ngaba mbikishi, ico bena baitemwa ukwimaninako pakupela muma Sinagogo na muma mpatu yamisebo pakwebati abantu babamone. Mucishinka nebo ndimukumyeba, bena bali poka kale icilambu conse. ⁶ Nomba webo elo watampa ukupepa ingila mu chumba cobe. Upinde na kuciibi nokupepa kuli wiso, uwa munkama. Elo wiso uumona munkama aka kulambula. ⁷ Elo mulepepa, mwila bwekesha bwekesha amashiwi ngaba senshi abashaishiba Lesa, pantu bena batontonkanya ukuti ni mukulanda amashiwi ayengi elo bakomfwika. ⁸ Eico, mwiba kwati nibena, pantu wiso alishiba ico ukabila libe taulamulomba. ⁹ Eico mulepepa ngefi: 'Mwe Tata wa mu mulu, ishina lyenu lisumbulwe. ¹⁰ Ubufumu bobe bwise. Ubufwayo bobe bucitike pano calo namu mulu. ¹¹ Tupeleni icakulya cacila bushiku. ¹² Tweleni inkongole shesu, ngefyo nafwebo twelela abatukwatila inkongole. ¹³ Mwitutwala mumatunko, nomba mutupusushe kubalwani.' ¹⁴ Ngamwaelela abantu ukubifya kwabo, namwebo wiso wa mu mulu akamyelela. ¹⁵ Nomba ngatamubelele ukubifya kwabo, na wiso takamyelele inkongole. ¹⁶ ''Elo mwaleka ukulya, ifinso fyenu fiiba ifya bulanda ngaba mbikishi, pantu bena babwesha ifinso fyabo pakuti babamone kubantu ati naba leka ukulya. Mucishinka ndimukumyeba, bena balipoka kale icilambu cabo conse. ¹⁷ Nomba mwebo, Elo mwaleka ukulya musambe pamenso musube namafuta ku mutwe. ¹⁸ Pakutila tafimoneke kuli bambi ukuti mwacileka ukulya, nomba fimonekefye kuli wiso uwaba mukufisama; na wiso uwaba mukufisama akamilambula. ¹⁹ ''Mwisungila ifyuma fyenu pano calo, apo ifishishi ne ndalawa fyonaula, naba kabolala balesa nokutoba nokwiba. ²⁰ Lelo, sungileni ifyuma fyenu kumulu, uko ifishishi ne ndalawa tafyonaula, naba kabolala tabengila nokwiba. ²¹ Ukuli icuma, ekuba nomutima. ²² Ulubuuto lwa mubili obe linso. Eico, ilinso ngalili bwino, ninshi umubili obe uli mu lubuuto. ²³ Nomba ilinso ngatalili bwino, ninshi umubili obe onse uli mumfimfi, ninshi nimfimfi yacipesha amano! ²⁴ Umuntu umo tekuti abombele bashikulu bakwe babili, pantu kuti apatapo umo umbi amutemwa, nangu kuti alemenena kuli umo nokusuulapo umo. Naimwe tekuti mubombele Lesa nobunoshi bwa fyuma. ²⁵ Eico ndimukumyeba ukutila, mwisakamana pa bumi bwenu, ukuti ndelyenshi nangu ndenwenshi; nangu pamibili yenu ukuti twala fwala inshi. Bushe umweo wenu tawacila ifyakulya, nomubili ukucila ifyakufwala. ²⁶ Moneni ifyoni fya mu mulu. Tafilima nokusombola nokubika mumatala, nomba wiso wakumulu alatuliisha. Bushe tamwa cindamapo patoni? ²⁷ Bushe ninani pali mwebo nangu engasakamikwa shani engalundilako inshiku sha bumi bwakwe? ²⁸ Cinshi musakamikilwa palwa fyakufwala? Tontonkanyeni pamaluba ya mpanga, ifyo yakula. Tayabomba nangu ukupikula insalu shakufwala. ²⁹ Lelo nebo ndemyeba, na Solomoni wine nangu ali umunonshi nganshi tatalile afwalapo ngefi. ³⁰ Apo Lesa afwika ifi amaluba yampanga, ayakuti yalipo lelo bwaisaca yaposwa mumulilo, bushe imwe nimwe ashingasa kamana ukufwika, mweba cisumino cinono? ³¹ Kanshi mwilasakamikwa amuti, bushe finshi tulelya?' Nangu finshi tulenwa?' Nangu finshi tukafwala? ³² Abena fyalo bafwaya ifi fintu, na wiso wa mumulu alishiba ukuti mulafikabila. ³³ Nomba tampilenipo ukufwaya ubufumu nobulungami bwakwe, na fyonsefi fika bikwapo. ³⁴ Eico, mwisakamana pa bushiku bwa mailo, pantu mailo ikaisakamana. Cila bushiku bwaliba ne sakamika lya buko.