¹ Ibuku lya mfyalwa yakwa Yesu Kristu, mwana Dabidi, mwana Abraamu. ² Abraamu ali niwishi wakwa Isaki, elo isaki wishi kwa Yakobo, elo Yakobo wishi wakwa Yuda, elo naba munina. ³ Yuda ali wishi wakwa Pelese elo na Sera ukuti Tama, Pelese wishi wakwa Isoni, elo Isoni wishi kwa Lamu. ⁴ Lamu wishi kwa Aminadabu, Aminadabu wishi kwa Nashoni elo Nashoni wishi kwa Samoni. ⁵ Samon wishi kwa Boase, Boase wishi kwa Obedi muli Luti, Obedi wishi kwa Yese. ⁶ Yese ali niwishi kwa Devedi mfumu Devedi wishi kwa Solomoni umukashi wakwa Ulia. ⁷ Solomoni ali niwishi kwa Lobaamu, Lobaamu wishi wakwa Abiya, Abiya wishi kwa Asa. ⁸ Asa wishi kwa Yesefati wishi kwa Yolamu, elo Yolamu wishi kwa Asiya. ⁹ Asiya wishi kwa Yotamu, Yotamu wishi kwa Ahase, Ahase wishi kwa Hisekiya. ¹⁰ Hisekiya wishi kwa Manase wishi kwa Amoni, elo Amoni wishi kwa Yosiya. ¹¹ Yosiya ali wishi kwa Yachoniya elo naba munina pa nshita yakutwalwa ku Babiloni. ¹² Panuma yakutwalwa ku babiloni Yachoniya ali niwishi Shelitele, Shelitele wishi kwa Selubabele. ¹³ Selubabele ali niwishi Abiudi, wishi kwa Eliyakimu, elo Eliyakimu wishi kwa Asole. ¹⁴ Asole wishi kwa Sadoki wishi kwa Akimu, elo akini wishi kwa Eliudi. ¹⁵ Eliudi wishi kwa Eleasali, Eleasali wishi kwa matani, matani wishi kwa Yakobo. ¹⁶ Yakobo wishi kwa Yesefe, Yosefe mukashi wakwa Maliya umo Yesu afwelwe, uwitwa Kristu. ¹⁷ Inkulo yonse uku tula pali Abrahamu paka pali Devedi yali ikumi limo na shisano, ukutula pali Devedi mpaka mu kasendwa mu Babiloni mpaka na Yesu yali ikumi limo nashine. ¹⁸ Uku fyalwa kwa kwa Yesu Kristu kwa citike mu nshila ngeyi, nyina, Asangilwe nefumo lya kumu pashi wa mushilo. ¹⁹ Nomba Yosefe, umukashi wakwe ali uwasanguluka elo tule fwaya ukumusebanya, alefwaya uku mulubula munkama. ²⁰ Acili aletontonkanya palici fintu, malaika wakwa Lesa amoneke kuli ena mu ciloto, nokulanda, ''Yosefe mwana Devedi, Yosefe mwana Devedi, witina uku pita Maliya ngo mukashi obe, pantu uyo na mayo ifumo emite, lya kuli mupashi wa mushilo. ²¹ Ali nokupapa umwana, elo uka mwita Yesu, ukaba nikapususha wa bantu kumembu.'' ²² Ifi fyonse fya citike uku fikilisha ukulingana nobusesemo, uboshikulu alandile ukupitila muli bakasesema, ukulanda.'' ²³ Moneni, nacisungu ali nokwimita elo akapapa umwana umwaume, elo baka mwita neshina Imanowele''-icailulwa ukuti, ''Lesa ali naifwe.'' ²⁴ Elo Yosefe aimine mutulo acitile ukulingana nefyo umungeli wakwa shikulu wamwebele, elo amusendele ngo mukashi. ²⁵ Nomba taishibe mubili wakwe mpakafye apelwa umwana mwaume. Nokumwita ishina Yesu.