¹ Eico ndemupapata, mwe bamunyinane, ku luse lwa kwa Lesa, ukutuula imibili yenu nge lambo lya mweo, ilya mushilo, ilyapokelelwa kuli Lesa uku ekupyunga kwenu ukwamano. ² Mwipalana no bwikashi bwe sonde lino, lwlo mwa lubwe cipya cipya mu mano ya mitima yenu. citeni ci pakwishiba ukuyana, ukwapokelelwa kabili ukufwaya kwa kwa Lesa ukwapwililika. ³ Ico ni ku kusenamina ukwepelwe kuli ine eko ndesosela kuli cila umo muli imwe; mwiyitontonkanishisha mwebene ukucilapo pafyo mufwile ukuba, lelo nga cingacitwa, tontonkanyeni no bupingushi ubwaikatana, cila umo ukulingana no mulingo wa citetelekelo ico Lesa amupela. ⁴ Ico twakwata ifilundwa ifingi mu mubili umo, lelo tefilundwa fyonse fyaba no mulimo umwine. ⁵ Mu nshila imoine, ifwe fwebaba abengi twaba umubili umo muli Klistu, kabili twaba cila umo icilundwa ca mubiye. ⁶ Twakwata ifyabupe ifyapusana pusana ukulingana no kusenamina kwapelwa kuli ifwe nga icabupe ca umo kusesema, lekeni cicitwe ukulingana no mulingo wa citetekelo cakwe. ⁷ Nga icabupe ca umo kukoselesha, lekeni akoseleshe. Nga icabupe ca umo kupela, lekeni acicite na bukapekape. ⁸ Nga icabupe ca umo kutungulula, lekeni acicite no kupimpa. Nga icabupe ca umo caba mukulanga uluse, lekeni cictwe ne nsansa. ⁹ Lekeni ukutemwa kube umwabula bu bumbi munda. Pateni ifyabipa; ikatilile ni kuli fyo ifyawama. ¹⁰ Ukulosha ku kutemwa kwa bumunjinane, mube abatemwana kuli umo no mubiye ukulosha ku mucinshi, cindikaneni umo no mubiye. ¹¹ Ukulosha ku kukalambana mwi nemuko. ukulosha ku mupashi wa bantu, mube ababilima, ukulosha kuli shikulu mu pyungileni. ¹² Sekeleleni mwi subilo, shipikisheni mu macushi, mube abacishinka mu mapepo. ¹³ Peleniko abashila ishingi isha kutangata abeni. ¹⁴ Paleni abo abamupakasa, Paleni kabili mwitipa. ¹⁵ Sekeleni nabo abalesekelela; losheni nabo abalelosha. ¹⁶ Mube abelangushi umoline pali umo no mubiye mwiba no musango wa kuyisansabika, lelo ampaneni na balanda. Mwiba abashilimuka mu mano yenu mwebene. ¹⁷ Mwibwesesha ububi pa bubi citeni icisuma ku menso yababtu bonse. ¹⁸ Nga cingoocitwa, ngacishintililefye pali imwe, ikaleni mu mutende na bantu bonse. ¹⁹ Mwicita cilandushi mwebene mweka, mwebatemwikwa. Lelo peleni ubukali bwa kwa Lesa apakupita pantu calembwa aciti, ''icilandushi candi, nkalyotola efyo shikulu asosa.'' ²⁰ ''Nga amulwani obe ali nebsala, mulishe. Ngali necilaka, mupele icakunwa, ico nga wacita ici, iwe uka tuulika amabwe ya mulilo pa mutwe wakwe.'' ²¹ Mwicimfiwa ne fyabipa, lelo mucimfye ifyabipa ku busuma.