¹ Cho chirhumire,obu ba n'ogwo mukolo,okubwonjo rhwahabirwe,rhurha rhurharhere obushibirizi. ² Rhukabulir'ebintu by'enshonyi bika jirwa omu ihwe,rhurha gwerhi obworhere bwokurhebana rhuhrana hindula oluderho lwa Nnamahanga. Chikwone,omu ku yalagaza okuli,rhuchirhumire n'entimanya zoshi z'omulume emalanga ga Nnanahanga. ³ Erhi akaba enyigirizo zirhu zichiri nfunike ,zilinfunike oku bo ba hera. ⁴ Okwa balya barha yemiri bo ba mulirima beyi myakula ba busize obwenge,lyo barhagi bona obulangashane bw'enygirizo zo bukuze bwa Kristo,buli omu nshushano ya Nnamahanga. ⁵ Rhurha chi yigiriza rhwene.Chi Yesu Kristo Nakasane ye rhuli rhwa yigiriza,rhunali rhwa chi derha bakozi binyu enyanya za Yesu. ⁶ Bylya Nnamahanga ,adesire:Obulangashane bwa ishi langala omu ndalala z'emizizi!alomeka obulangashane omu mirhima yirhu lyo ayalagaza obumanye bw'obukuze bwa Nnamahanga emalanga ga Kristo. ⁷ Rhudwirhe ogu muhako omu bichuma by'abadaka,ly'obwo buhashe buhamu buhabwe Nnamahanga,chi arhali rhwe. ⁸ Rhuli dubaduba omu byoshi,chi kwoki rhurha lesirwi oku buzinda;omu bululu,chi arhali omu kurhachi kubagira; ⁹ Rhu rhindibusire,chi rhuhra yasirwi;rhushangusire,chi rhurha heziri; ¹⁰ kuheka ngasi mangohaguma na nirhu omu mibiri yirhu okufa kwa Yesu,ly'akalamu ka Yesu nako kachiyerekena omu mubiri yirhu. ¹¹ Bulya rhwe rhulamire,rhuli buzira kuleka rhuhanyirwe oku kufa enyanya za Yesu,lyo oku lama kwa Yesu kubonekana omu mibiri yirhu yo lufu. ¹² Ntyo olufu luli lwa kola omu rhwe,n'obuzine buli bwa kola omu mwe, ¹³ Nk'oku rhugwerhe murhima muguma gwo bwemere,guli gwa kola omukanwa k'emyandiko:Na yemire,byo bya rhumire na naderha!na nirhu rhu yamire,n'enyanya lye byo lyo rhudesire, ¹⁴ kwo kumanya oku owa fuzire Nakasane Yesu ayishi rhufula nirhu rhweshi na Yesu,aishi rhu bonesa na ninyu embere zage. ¹⁵ Bulya ebyo byoshi bihisire enyanya zinyu,ly'olukogo hano luyushuka,luluze, olukogo lwa Nnamahanga,ebijiro by'olukogo gw'omuganjo munene. ¹⁶ Cho chi rhumire rhurha rhere obushibirizi.Na chiru ankaba omuntu wirhuw'embuga ankashabuka,omuntu wirhu we ndalala ali achijira muhyahya ngasi lusiku. ¹⁷ Bulya amazibu girhu,malembu g'amango ga buno gaburya omu rhwe ,kurhaluka ngasi chipimo, ¹⁸ Obuzirho bw'ensiku na mango bwo bukuze,bulya rhunaka lola,arhali omu bintu bili bya bonekana, chikwone omu byo birha bonekana;bulya ebintu byokubonekana bili bya kugera n'ebirhabonekini bili by'emyakula.