¹ Yaga,erhi mwanka ndembera hitya h'isirhe!Chikwone mundembire! ² Bulya indi n'obwagalwa bwinyu oku yagalwa na Nnamahanga,bulya nabashebire muhya mulume muguma,lyo mbayerekana emwa Kristo nka mubikira ochire. ³ Ngasi kangi,nka kulya enjoka ya rhebaga Eva obwenge hushu bwayo,nyobohire oku entimanya zinyu za shubirira za rhebwa ,n'okwa chigaluka oku bwirhonzi bwoku yerekera kuli Kristo. ⁴ Bulya nk'owindi alibayigiriza owindi Kristo kuleka ezolya mwayigirizibagwa,erhi kandi mwanka yankirira owindi muka mwimana muleke oyu mwayankirire erhi kandi ezindi nyigirizo zirhali zilya mugwerhe muna muyunvirhize bwinja. ⁵ Chikwone,nchi kebirwe oku ntasigire wa buzinda omu byoshi omntumwa nkulu bwenene. ⁶ Erhi ankaba mba mwinjaomu nderho,arhali enyanya z'obuhwinja rhwa yersire baguma binyu omu ngsi bulyo n'omu byoshi. ⁷ Erhi kandi nka na hushire bulya omu ku chi rhohya kwani niene lyo muyinamulwa,namuhire omwanzi gwa Nnamahanga busha? ⁸ Namzire agandi ma kanisa,naja nahabwa mwo oluhembo,mpu lubarhabale.Na amngo nali emwinyu n'erhi nchishigana ndi omu bulagirire,ntali rhimbizize ndi; ⁹ Bulya bene wirhu ba rhengaga e Makedonia ba mpire ebi ntali gwerhe.omu byoshi nali chilangalire lyo ntagi bazidoheza,nana chilanga. ¹⁰ omu okulikwa Kristo oli omu ndalala zani nmpamirizize oku eyo myanzi y'obukuze erhakantenga mwo omu chuhugo che Akayi. ¹¹ Bulya gurhi?...bulya ntabasimiri?...Nnamahanga abi manyire! ¹² Chi mbi jijire nana chi bijira nkwo,lyo ndahira abja ba lonza ahantu barhahabwe ahantu,lyo akaba omu ako kanwa bachikuliza babonekane nka rhwe. ¹³ Abo bantu bali nkola maligo bakozi ba bushumi,bachijira kuba ntumwa za Kristo. ¹⁴ N'ebyo birhanka somerine,bulya lyangombe anachihindule malaika wobulangashane. ¹⁵ Arhanali chiru kurhali kudarhi abaganda bage nabo bachihindule ntumwa zobushinganyanya.Obuzinda bwabo bwayishi ba kushimbana n'ebijiro byabo. ¹⁶ Nchiziri kuderha,nta muntu wakanderha nka mwisi wa bantu;chikwone,munyankirire nka mwisi wa bantu,lyo na nani nchi kuza hitya. ¹⁷ Oku ndesire,haguma n'obumanye bwokuchi kuza,ntakudesiri nka Namahanga,chi kwone nk'oku isirhe. ¹⁸ Bulya hali banji bali bachikuza kushibana n'omubiri,nani naishi chi kuza. ¹⁹ Bulya munaka lembera abahwija mwe mugwrhe obumanye. ²⁰ Nka banka mukolesa nka baja,nka baka murhola ebinyu,nka baka muganyagusa,nka bankabashurha e malanga,muna bi lindirire. ²¹ Nunvirhe e nhonyi z'oku biderha,rhwa yerekine obwolo.Cho chi rhumire,ebi hankajira owa bijira ,nmbidesire nk'omu isirhe,na nani nana chi chigera. ²² ka bali Bahebraniya? nai ntyo.Ka bali ba Israeli? nani ntyo.ka bali iburha lya Abrahamu? nani ntyo. ²³ Ka bali bajinji ba Kristo? ndi na derha nka mulume orha gwerhi bwenge.na nkuli bwenene kandi:Oku mikolo,binja kulusha,omu kushurhwa,bwinja kulusha,omu kushwekwa,ngasi mango omu kanga kokufa. ²⁴ Karhanu nayankirire abayahudi bifundo makumi gani kurhenza chuguma, ²⁵ kasharhu na shusirw'emikoba,liguma nashurwa amabuye,kasharhu na lohomire,na yusize mushi muguma na budufu buguma omu nyanja. ²⁶ Kanji kanji omu kubalama ,enyishi za mpusha,nahushwa n'ebishumusi,nahuswa n'abemwirhu,nahushwa n'abapagani,nahushwa omu bishagala,nahuswa omu irungu,nahushwa n'enyanja,nahushwa na bene bani babi. ²⁷ Nali omu mikolo n'omu malibuko,nalala ntahuniri,oku ishali n'oku nyorha,nachishalisa kanji kanji,omu mboho n'omu mwizizi. ²⁸ Na,buzira oku derha kundi,na kangalala omu rhima ngasi lusiku enyanya zokurhanya amkanisa goshi. ²⁹ Ndi oli ngonyo,nta nabe ngonyo?ndi ohirimire,ntana hiri? ³⁰ Nka kukwa nine oku chikuza,ali enyanya z'obwolo bwani lyo nali naishi chikuza. ³¹ Nnamahanga,ndi ishe wa nahamwirhu Yesu,oli mugishe emyaka n'emyakula,amnyire okuntashuma!... ³² Omu Damaski,aba jinji ba mwami Areta banjijire oku langa ebihugo bye dameski,lyo bagwarha omu nye; ³³ chikwone bamponola omu idirisha,omu lukuta luli,nana fuma ntyo omu maboko gabo.