¹ Polo, ntumwa ya Yesu Kristo oku bulonza bwa Nnamhanga,na mwene wage Timoteo,omu ka Nnamahnga kali e korinto,noku bachesibwa bali e Achai. ² Olukogo n'omurhula gwa larha Nnamahanga na nyakasane Yesu Kristo bibe haguma na ninyu. ³ Ayagirwe Nnamahanga,ishe wa Nakasane Yesu Kristo,larha w'olukogo na Nnamahanga w'oburhulirize bwoshi. ⁴ Oka rhuliriza omu ngasi malibuko girhu,lyo nirhu rhuka rhuliriza ngasi boshi bali omu malibuko. ⁵ Bulya,kwo nokwo,kw'amlibuko ga kristo gaba manji omu rhwe.Kkwo nokwo oburhulirize bwirhu buli bwinji kurhenga kristo. ⁶ Erhi akaba rhuli rhwa libuka,ali enyanya lyo burhulirize bwinyu n'okubuchunguke bwinyu nk'akaba rhurhulirizibwe,ali enyanya z'oburhulirize bwinyu bukahikirira omu kulindirira amalibuko rhuli rhwabona. ⁷ N'obulangalire bwirhu emalanga gawe busezire bulya rhumanyire oku,nkaba muli mwa yunv'amlibuko, kwo mugwerh'olushangi omw'obwo burhulirize. ⁸ Rhurha lonzizi,om'okwo,rhubaleke muyibagire,bene wirhu,enyanya ly'akavulindi ka rhu yishiraga e Asia.Kali rhuzibuhire yo bwenene kulush'emisi yirhu,rhwa chiziguluka rhwa manya mpu rhurha lame. ⁹ rhwalikola rhuli rhwa lola nka rhuli omu kanga kokufa lyo rhurhagi chi kubagira rhwene chi kwone rhubihir'emwa Nnamahanga,oka fula abafire. ¹⁰ Ye wa rhuchizize na ye wanaishi rhuchiz'omwolwo lufu,rhunagwerh'obwo bulangalire oku anachiri rhulikuza. ¹¹ Ninyu mwene munakarhusengerera n'amahuno ginyu,ly'olukogo rhuhabwa na ninyu oku banji lube emwa banji kbe kasangi ka kuvug'omunkwa enyanya zirhu. ¹² Buly'ebijir'obukuze bwirhu,al'obudima bwe ntimanya zirhu oku rhuhesirwe n'igulu,bwenene emalanga girhu,n'obushinganyanya n'obuchesibwe emalanga ga Nnamahanga,arhali oku bumanye bw'omubiri,chi oku lukogo lwa Nnamahanga. ¹³ Rhurha muyandikiri bindi ahanyuma lye bi mulimwasoma,n'ebi mumanyire.Na ndangalire oku mwamwa ishi genderera mwa bimanya kuhika oku buzinda, ¹⁴ Nk'oku munakola mumanyire bisungunu oku rhuli bukuze bwinyu kwonokwo kwo mwanayishi ba birhu olusiku lwa nawirhu Yesu ¹⁵ Omu obwo bwikubagire,nalilonzize ntangi ja emunda muli,lyo muhabw'olukogo kabirhi; ¹⁶ Nalonzize ngere emwinyu inje e Makedonia,hano ntenga e makedonia nje emwinyu,muna yishi ndusa e yudea. ¹⁷ Komu kulonza okwo ka narhanyize kubi?erhi kandi,k'amashuzo gani ga shuzibwe nka ga mubiri,lyo habire omu nye nechi na nanga? ¹⁸ Okunali Nnamahanga ab mwikubagirwa,akanwa rhwa hanyire karhali nechi erhi nanga. ¹⁹ Bulya mugala wa Nnamahanga,Yesu Kristo,owayigirizibagwa na nirhu omukagarhi kinyu,na nani na Silvano,na Timoteyo,arhali nechi erhi nanga,chikwone nechi ye wali omu kandalala kage. ²⁰ .Bulya,ebiyerekine ebiragane bya Nnamahanga,omu ye mwomuli nechi;byo nirhumire kandi bibentyo adesirwe nanirhu ok bukuze bwa Nnamahanga. ²¹ N'owanka rhuzibuhya haguma na ninyu omu kristo,ye wanarhushigaga ali Nnamahanga. ²² Ye wanarhu hebaga kw'echimanyiso anahira omu mirhima yirhu e misi ya muka mwimana. ²³ Nobwo ntozire Nnamahanga nka muhamirizi w'omurhima gwani,bulya oku kubabera bwonjo ntahik'ekorinto. ²⁴ Rhurha lonza rhumuseze mpu muyemere,chikwone rhuna murhabale omu bushagaluke bwinyu,bulya musezire omu bwemere.