¹ Ngasi oyemire oku Yezu ali kristu abusirwe na Nyamuzinda,nangasi osima ishe, anasime n'omugala obusirwe naye. ² Okwe ci, rhumanyire oku rhusima abana ba Nnamuzinda . Amango rhusimire Nnamuzinda na marhegeko gage. ³ Lolaga obuzigire bwa Nnamuzinda oku rhulange amarhegeko gage . N'amarhekeko gage garhali mazibu. ⁴ Bulya ngasi obusirwe na Namuzinda ana hime Igulu.Alaga ebihima Igulu: Bwemere bwirhu. ⁵ Indigi oyo wahimire Igulu? Yolya wa yemire oku Yezu ye mugala wa Nnamuzinda. ⁶ Lolaga owa yishire na mishi n'omuko Yezu kristu, ayishire arhali na mishi gone ci haguma na mishi n'omuko. ⁷ Bulya hali basharhu bahamiriza: ⁸ Omuka, Amishi n'omuko.Nabo basharhu baba omu bunvikane. ⁹ Erhi rhwaka habwa obu hamirize bwa bantu, obuhamirize bwa Nyamuzinda buli bunene. Bulya obuhamirize bwa Nnamuzinda erhi kwokulya ahamirize omugala. ¹⁰ Ngasi yeshi oyemire mugala wa Nnamuzinda agwerhe obuhamirize muli yenene. Ngasi orha yemera Nnamuzinda amujizire munywesi. Bulya arhayemeraga obuhamirizi Nnamuzinda ahamirizagya omugala. ¹¹ Nalolaga obu hamirize: Nnamuzinda arhu hire akalamo k'emyakula, n'akakalamo kali omu mugala. ¹² Ojira omugala, ajira akalamo. Orhajira mugala wa Nnamuzinda arhajira kalamo. ¹³ Nabayandikire ebi bintu lyo mumanya oku mugwerhe akalamo k'emyakula, kuli mwe muyemire izino lya mugala wa Nnamuzinda. ¹⁴ Nakandi lolaga obwikubagire rhugwerhi embere zage: kuli oku erhi rhwa nga muhuna ciru akaba bici,kushimbana n'obulonze bwage, anarhuyunve. ¹⁵ Nakandi erhi rhwa nka manya oku anarhuyunve , ciru ebirhu muhunyire rhumanyire oku rhu gwerhe ebi rhwa muhunaga. ¹⁶ Ngahali obwine mwene wabo ajira echaha cirhaka heka omulufu, amushengere N'a Nnamuzinda anamuha akalamo. Ntanyize kwa balya echaha cirhaheka omulufu;hali echaha ciheka omulufu; ntadesiri nti rhuba sengerere. ¹⁷ Ngasi bulyalya chiri caha, ci hali ecaha cirhaheka omulufu. ¹⁸ Rhumanyire oku ngasi yeshi obusirwe na Nyamuzinda arha jira caha. Ci olya obusirwe na Nnamuzinda anachilange achizibwe. N' olya mulyalya arhaka mujira kubi. ¹⁹ Rhumanyire oku rhuba ba Nyamuzinda, na oku Igulu lyoshi liba lyolya mulyalya ²⁰ Ci rhumanyire oku omugala wa nyamuzinda ayishire n'arhuhire obwenge lyo rhumanya olya wokuli. Kwo nokwo rhuli mwolya wo kuli,omugala Yezu kristu.Ye Nnamuzinda wokuli na kalamo k'emyakula. ²¹ Bana bazigirwa, mucilange n'eshushano.