¹ Sinzagi obuzigire buci larha arhuhire mpu lyo rhu hamagalwa bana ba Nnamuzinda erhi ko rhu nali! kulioko, igulu lirha rhumanyaga, bulya lirha manyaga larha. ² Bene wirhu bazigirwa, kurhenga ene rhuli bana ba Nyamuzinda, n'oku rhwa yishiba kurha cifululwa. Rhumanyire oku olusiku Yezu ayisha, rhwa yishiba nkoku ali, n'okumubona nkoku anali. ³ Na ngasi yeshi ocikubagire oku galuka kwage anaci cese,nkoku yene anaba acire. ⁴ Ngasi yeshi ogenderera oku jira ecaha ana goma irhegeko, bulya ecaha kuba kurhakenga irhegeko ⁵ Mumanyire oku Kristu ayishire mpu lyo okûla ebyaha birhu, na muli ye murhaba caha. ⁶ Ngasi yeshi odahire muli ye arhaka cigenderera ajira ecaha. Nangasi yeshi ogenderire ajira ecaha arha mubona arhanamumanyaga. ⁷ Bana bani bazigirhwa, murhazigaga omuntu abarheba. Ngasi ojira obushinganyanya aba mushinganayanya, nkoku Kristu yene aba mushinganyanya. ⁸ Ngasi yeshi ojira ecaha aba wa Lyangombe, bulya lyangombe ajijire ecaha kurhengera ahamurhondero. Cocirhumire mwana wa Nnamuzinda aciyerekine mbulyo ahongola ebijiro bya lyangombe. ⁹ Ngasi yeshi wa busirwe na Nnamuzinda arha cijira caha, bulya emburho ya Nnamuzinda eri muli ye. Arhaka cigenderera ajira ecaha bulya abusirwe na Nnamuzinda. ¹⁰ Mulîoko, abana ba Nyamuzinda na balya ba Lyangombe bayeresirwe. Ngasi yeshi orhajira obushinganyanya arhaba wa Nnamuzinda, na ngasi yeshi orhasima mwene wabo. ¹¹ Lolagi omwanzi ogo mwayunvirhe kurhangira murhondero: Oku bishinganine rhusimane rhwene na rhwene. ¹² Arhali nka Kaini wali wa Lyangombe wa yirhaga mwene wabo. Carhumaga amuniga? bulya ebijiro byage byali bibi n'ebyamwene wabo byali binja. ¹³ Murha someragwa bene wirhu igulu lika bashomba. ¹⁴ Rhumanyire oku rhwagezire omulûfu n'okuja omubûzine bulya rhusimire bene wirhu. Orhagwerhi buzigire muliye, alamire omulufu. ¹⁵ Ngasi yeshi oshomba mwene wabo aba munizi. muna manyire oku buzine bwe nsiku na mango burhaba omu munizi. ¹⁶ Rhwamanyire obuzigire bulya Kristu ahanyire akalamo kage kuli rhwe, nirhu ntyo, rhushinganine oku hana akalamo kirhu oku benewirhu.? ¹⁷ Ci ojira ebinja byen'igulu, Nolya obona mwene wabo ali omulwifinjo, amuyigalire omurhima gwage gwe ntimanya, gurhi obuzigire bwa Nyamuzinda bwakaba muli ye. ¹⁸ Bana bani bazigirwa rhurhasimaga omibinwa n'omululimi, cyo mubijiro n'omukuli. ¹⁹ Kuli oko, lyo rhwa manya okurhuli omukuli, narhwa yishi komeza emirhima yirhu emalanga gage. ²⁰ Bulya nkomurhima gwirhu gwankarhuhana, Nnamuzinda ali mukulu bwenene kulusha omurhima gwirhu anayishi ebintu byoshi. ²¹ Bene wirhu bazigirwa, akaba omurhima gwirhu gurhali gwa rhutwira olubanja, rhugwerhe obwikubagire bunene muli Nnamuzinda. ²² Naciru bici byankaba ebirwankahuna rhwana bihabwe naye, bulya rhulanzire amarhegeko gage nabu lya rhulirhwajira ebintu binja emwage. ²³ Neri liri irhegeko lyage rhubarhuyemire, omwizino lyo mugala Yezu Kristu, mpu rhuna simane rhwene na rhwene nkoku yene arhu simaga. ²⁴ Olya olanga amarhegeko ga Nnamuzinda analame muli ye na Nnamuzinda analame muli ye. Na mulîbi rhumanyire oku alamire muli rhwe,mulimuka arhu haga.