¹ Ebyali okumurhondero,ebi rhwa yunvirhe, ebi rhwabwine n'amasu girhu,rhwa bisingiriza, rhwabihumakwo n'amaboko girhu, okushimbana n'akalamu. ² Kabonesire, rhwakahamiriza, rhwana babwira uku'akalamu kali k'emyaka n'emyakya,ci nako kali Nnamuzinda na larha arhubonekera. ³ Ebi rhwabwine n'okuyunva rhwa ba manyisa byo, lyo ninyu muja mu cinyabuguma cirhu na larha n'omwana wage Yezu mushîgwa amavurha. ⁴ Rhuba andikire ebi bintu ly'owishingo gwinyu gushinganana. ⁵ Alagi akanwa rhwa yunvirh'emwage n'ebyorhwa bwizirwe : Nnamuzinda aba kamole na muliyenta mwizimya. ⁶ Erhi rhwankaderha mpu rhuli omulushangi naye,na nka rhwa nkagenda omumwizimya, erhi rhu nywesire na erhi rhurha kola ukuli. ⁷ Ci erhi rhwanka genda omu kamole,nkoku ali omu kamole, rhwanaba omulushangi rhwene na nene. N'omûko gwa Yezu mwana wage gurhu cese n'ecaha coshi. ⁸ Erhi rhwa nka derha oku rhurhagwerhi ecaha, rhunywesire rhwene,n'okuli kurhali m'ulirhwe. ⁹ Ci erhi rhwanka ci yunjuza ebyaha birhu, aliwokuli na mushinganyanya okurhubabalira n'okurhu cesa n'obulyalya bwoshi. ¹⁰ Erhi rhwanka derha oku rhu ha jiziri caha, rhwamamujira munywesi, n'akanwa kage karhali mulirhwe.