¹ Paulo, mundu wa muliki wa Yesu Kiristu, ne muala wabo Thimotheo kwa Filemoni, mutsiirwa, mwir'ethu na mukotsi wa mulimo hauma netwe, ² na ku bhabhali bhethu, na ku Akiripa,mutharumbu milikyethu, na kw'eramitso re rinakorana mwa nyumb'awe. ³ A' bhuholo bhube n'emwe na kubhuya kutokire ira mwa Ongo Ninakuwethu ne mubhake Yesu Kirisitu. ⁴ Kinsi kashangi thusime Ongo ni kw'ahwire bwa mahemo mani. ⁵ Nameumpfa nsii n'eimirira bye uwethe ma kathi ka mubhake Yesu Kirisitu na kubushi babawimirire boshi. ⁶ Ani babwira mbu kunchi a bhuuma ne re wimirira renyu ri wathe bhukochi na kinchi kinwa kikwirire mwa kathi kethu mwe shishi wa Kirisitu. ⁷ Kubhushi ne bha na lumoo n'bongabongwa kubushi bwa nsii'awe, kubushi a'mithima ya bemiritsi ai bongwabongwa nawe, munyakyethu. ⁸ kwikyo, na kiro nawatha maala moshi mu kathi ka Kirisitu, iku bwira kyo wanga kola kyara wanga koche kola, ⁹ he kubushi bwa nsii kwini hema ingye, Paulo ngye mungumwa, na mundu a muliki wa mwatsi mubuya wa Kirisitu Yesu. ¹⁰ Anikuhema kubushi bwa mwana'ani Onesmo, yara na bhuthaa mwa ndikiri sani. ¹¹ Kubushi mwa ndikiro ababa n'atha kumalirireki, he muno kashangi mundu wa munguruko kw'iwe nani. ¹² Namemuthuma iye wa kwa mweth'eani kwe fuluka ira mwawe. ¹³ Nilindire ashibae hauma nani kubushi anikolere ingye butsir'ewe, akashangi kawawe mwa ndikiri kwa mwatsi mubuya. ¹⁴ He nda shashire ikola kinsi kindu butsira rubhu lwawe. Na kubha batyo, kubushi kinwa kyoshi kyoshi kikwirire kithakolwaa mwitheeka, he kubushi wenawene washashaa ikolakyo. ¹⁵ Kuthi kubushi ahirwaa hale nawe ku kashangi, bya baa batyo. Ibhula mbu ubhe naye butsira nsindiro. ¹⁶ Ibhula mbu anthange ende bha mupfuku kandi, he kushe kalengyo ka mupfuku, nga mwan'ethu mutsiirwa, kalengyo kwingye na kalengu kutsibhu kwiwe mwa mubhiri na mwakathi k'Amubhake. ¹⁷ Na batyo , uli uniumpfirire bhoncho, ingye ni wimirire hauma nawe, umukokere kwa wanga nikoker'engye. ¹⁸ He washewe, ali akolire mabhala wa kinwa kyoshi kyoshi, neri mwinda woshi woshi kwa luhande lwani. ¹⁹ Ingye Paulo namechocholinga mwa minwe sani: ingye ne pfuha. Ndakubwire bwani kupfuhya a'buingo bwawe. ²⁰ Eh eh mwaal'ethu, lika iwathe lumoo lwa Mubhake etoko kwiwe: umoye a mwethe'ani mu kathi ka Kirisitu. ²¹ Nikeba na shashu kubushi bwa rewimirira rawe, nakuchocholingira ninichi ku wekola kalengyo kwaho kubyara nikuhema. ²² Akashangi ako,uthunganyanye akahetho ka bagheni kubushi bwani, kubushi ndi na mwimiriro kungatsukira 'aho mu biro bike ne kulambairira. ²³ Epefra mundu wa mulikuuma nathwe mwakathi ka Kirisitu Yesu akuketsa, ²⁴ nga kwara naira Mariko, Aristariko, Dema;Luka bakotsi hauma nani. ²⁵ Axumo ya MubakeYesu Kirisitu ibe hauma na mweth'awe. Amina.