¹ Habwokuba mwebwe mwenyine muramenya, bene wetu habwo kwizakwe owenyu taho kwarokwabusa. ² Muramenya komuntandikiro twabugene enakonyingi (twabonabwene) batukorera ebibi okwe Filipi, noko muramenya twagirire kuguma muri Ruhanga, kugamba injili ya Ruhanga nomunaku nyinchi. ³ Habwokuba okuhana kwetu taburugire mubunki, nangwa munziro, nangwamu kugira obwenge bubi. ⁴ Nyumayaho koko twayemererwe na Ruhanga, nakwemererwa injili niko kubagambira ngo tari habwokuba simisa abantu, aliko kusimisa Ruhanga. Niwe wenka, agambwa kugenzura emitima yetu. ⁵ Habwokuba ntaho twakoresise amagambo gokwi kundikirisa omwanya gwona, koko muramenya, nangwa nta twa koresize amagambo kago kubera habwokwirusa Ruhanga no musulizi wetu. ⁶ Nangwa ntaho twasakire oburungi habantu nangwa kuruga owenyu nangwa owabandi. Twarabasa kwihuza kukundirwa konkw'entunwa za Yesu kristo ⁷ Hanyuma ye twabere abitonzi hagatiyenyu koko omuzere akumakumaga abana be wenyine. ⁸ Munzira ezi twagirire orukundo owenyu. habwenzira eyi twagirire orukundo owenyu, twagirire ebyisimo byokubaha twebe injili ya Ruhanga, ahobwe nakubaho kwetu twenyine. Habwekuba mwaba abakunzi betu. ⁹ Habwokuba mwene wetu mwayibuka emirimo n'enaku zetu muchiro na mumusana, twabagata mukukora emirimo kugira tutiza kuremerera burimuntu wona omwanya ogwe twababurire injili ya Ruhanga. ¹⁰ Mwebe murabazulizi, na Ruhanga habwo kwera kwe buli bulingo guhe? Amazima atare mivumo koko twayitwarize benyine mumeso genyu mwabere mwayikiriza. ¹¹ Koko mwamenya nikule habwabulimuntu wenyu, koko tata abaga habanabe, koko twabihanangirize nokubahira mu mutima twabazurire. ¹² Koko muhenibwe koko bwabagaori, okuretwa kwenyu owa Ruhanga, ayabetire mu bwami no Burungi bure. ¹³ Habwecho twasima Ruhanga, kandi burikanya. Habwokuba burikanya komwayakirire kuruga owetu, enkuru ya Ruhanga oyo mwahurire, mwayakirire tariha burigambo yabana baadamu. Nyumaye mwayakirire komumasima gariho, igambo dya Ruhanga. Nigambo edi edyakorire emirimo mugati yenu murikirize. ¹⁴ Habwebyo mwebwe, bene wetu mube abantu bokurega amakanisa ga Ruhanga gari mubuyahudi muri Kristo Yesu. Habwokuba namwe mwabwene enako mumagambo ago ago kuruga bantu benyu, koko bwabere ha bayuda. ¹⁵ Babaga abayuda nibo bamxitire mukama Yesu hamwe na banabi. Nabayuda nibo batwirukireho kututaaheru. Nyaho bamusimisize Ruhanga kandi na bazigu habantu bona. ¹⁶ Batuyibire tutagamba na mahanga kugirango babone kurokoko. Ebwa yizire haburebyo niko bagumise munebwaha byabo hanyuma enakoza yizire owabo. ¹⁷ Twebwe, bene wetun twabaga twarekene namwe hachihechigufi, mumubire, tari mumutima. Twakorire mububasa bwetu nahabwo mwete muhangu kureba obuso bwenu. ¹⁸ Habwokuba twayendire kurisa owenyu, nyowe Paulo hamwanya gumwe nomwanya ogundi ariko sitani yatuzibire. ¹⁹ Habwokuba kuriyikirisa kwetu hanyuma nangwa kwisima nangwa empano yokwimatira ga mukama wetu Yesu mumwanya guri kwizakwe? Mbesi tarimwe chane koko bari abantu? ²⁰ Habwokuba mwebwe murabarungi na bwisimo vyenyu.