¹ Tchombo ko motanga ya iyeya na yakoseyama . ko motanga ya iyeya na obaba . ² Itokom'mbgba ande looki ango omo , iiteengame ande nakoebeseleka , iteabe ande koika kande ka Mokolo , itookobakameya ande Mungu yande . ³ Bakolobato bayo n'kati yayo bika basimba ba konowa ; babuki ba maondi mabo bikai m'mgba ya okonda ya iyo eya itosiyanga ande tchesima bondiya m'pendu . ⁴ Balondoi bayo bikai bato ba osi , na kokamba liti ; baabi bayo bama faefi booseyangai besima ba phfenena , boseya angile . ⁵ Mokolo ukai tchaa n'kati yayo , utoota ande kobeya kila m'pendu okoaba kobuka kande maondi mo phfololo , na buwa kokamba kota yo ; n'ndi owa webeye obuwaande na n'soni . ⁶ Namanangai mephfendi ; n'ngamba ekombe yo yamunekake ; natimbolake m'mboka yabo koika phfololo , moeti obuwa kae ! Metanga yabo ya manekake , buwa kae bato , buwa kae baa bika ko ! ⁷ Naenangai ambele ; aikange m'mba wetinange noo , weakowande koebeseleka , boikanyenyo yabe ambe itemuneke ande , n'ndi beololokei mokoseya maondi mabo moose . ⁸ M'mgbai kasa noo ; Mokolo na koena boobo , mo botu sioowa ekaimana noo , mo ibaanyeo , bondiya naingeleyaki kosonganesa mephfindi , kosonganesa metanga ya mekota . Mokobalangenesa lisomi yane kiyo nabo , kasomeya kane koose ; bondiya na kaya ka wivu wane metanga yoose yoolelekanai . 9 Mo boobo nokoesai bato bane metutu ya phfenena , ambele yalombese yoose lina Mokolo , mokoteleya we nakom'mgbesana komo . 10 Mo obalu si owa ophfe yaiyaba ya Etchopi balitosi bane , babalangani bane boolulelai noo na mafaefi . 11 Mobotu si oowo , otokom'mgba kae obaba komekambo yabe yoose mo eya weteleye noo kobeya ; bondia nootoesai n'kati yabe baa bolongeya na okomokomo ke ototakae omuli kayo ya mokondi yane ya phfenena . ¹² Nookoekai n'kati yabe bato bakoselela na baa angowa baa , bakoisama n'kati ya liina ya Mokolo . ¹³ Baa besiye mo Isalaele bitoota kae kobeya ephfe , bito koena kaye olanga ephfe , ke tcheami tcha kokesa tchitokoika kae mo toona tabo; n'ndi boolesai n'nyama , ke bomona , ke moto otoota kae bo iyeeya . ¹⁴ Sindekai maoki ma ome , moseka ya Siona ! Sindekai maoki ma kolengeya , Isalaele ! Lengeya ke nakolongeya na motema yabe yoose , moseka ya Yelusaleme ! ¹⁵ Mokota wasumbolake kolubeka kabe na maili , waisake mosekani wabe kpaaya ; Mokota ya Isalaele , Mokolo , uka n'kati yabe ; obuwa kaye na tchombo tcha kom'mgba tcho . ¹⁶ Mobutu si oowo , bokoenai na Yelusaleme : Buwa kotina ! Siona ekai mbele maako mabe mobuwa koena . ¹⁷ Mokolo , Mungu wabe uka n'kati yabe , ù'mba mobango si oowa yakoondesa ; otai owe ome yande ya ema ; otanganai na bii mo moboto yande ; otombeyi kobileka ka ome . ¹⁸ Noosonganesai baa bika n'kati ya tchombo , kpaaya na makeka ma emaema , baa beomoke komesolo yabe ; n'soni yeeteye kowakabo . ¹⁹ Monai , mo nyanga si eeyo , noo koimaneyai baa boose bokom'mgbesa owe obaba ; nookondosai bapki ba maao ke nootombai ba si baa bebengeleke , nootai mo esina yabo bondi ya okuku na kolombesa n'kati ya metanga si eeya ika bo na n'soni moyo . ²⁰ Mo n'nyanga si eeyo , noosumbolai bane ; mo n'nyanga si eeyo , noosonganesi bane ; bondiya nootai mo isina ino bondi ya okuku na kolombesa . N'kati ya bato boose ba tchese , abowa yoosumbola noo bato bino si baa bebundeke ko maiso mino Mokolo na koena boobo .