¹ Ei ngalu, ta Kilia bochakolomu la ambe bana binde, beke lolangi bo ta wewe, la yaiti ngo eingene losami bo, kanga aloko la kola batotina be balui ndjaso iwewe, ² okalo wewe we bombe ambesu, la bombo ngalaka liso ongoma la ongoma: ³ la ngbengbele, la bekueli belo la kimia ene imbaka liso ta bofono boya Mungu Afa, la fangi eya Yesu kilisito, Wana aya Afa, ta wewe la ta losamo. ⁴ Lokambaka la ofoka lo-oshe be bana batokenda ta wewe la bikela, to-oshi ambe Afa. ⁵ La kanikani, la kwani yeke lo lengelaka, Kilia, yaito andikomo ekela loyai, kanga yeke ingalaka liso kota liakoli iko lao tosamaneke, bamoi ta basia. ⁶ La losamo amo lombengo ko lao tokendeleke ngo ta bikela binde, ekela lamo ke okakai kota liako. ⁷ Okalo balimbiki babule, basiota ta wenda, baito be baitoimila lao Yesu masiya asioya ta bindo bi buto. Lambaka la weli oe'angene ke lao ui-bungisakai beku ii likuwa lino lao otoshai lifaefi lifi. ⁸ Kila buto atokaka felo aitokomaka ta liekesi lia Masiya la oko asiongala ta lio liekesi li likuwa lino, okalo ooshei lolipomo likama. ⁹ Imba amoi aoya ambenu ono atoka esika la aitongala ta bikela biya Kilisito, aiti ale la Mungu. ¹⁰ Imba lao amoi aoya ambenu la ani aiyesi liekesi lië, oyotisakaë ta mbele la oifakaë kalibo. ¹¹ La ono atobeka linde: kalibo! atongala linde ta bekeeli bibe. ¹² La lombe la mbeko ibule la loilangi oa-ndika ta looto la bosoni. La lombe la loenyelo loya ambenu, la obekana lino bonoko ta bonoko, la limengo lino liengane. ¹³ Bana baya welo botaali bochakolomu bofoë kalibo.