¹ Eyirhubona rhurhachigalire, rhwashusha okuyorha rhwenine e Atene, ² Rhwarhuma Timoteyo, mwenewerhu n'entumwa ya Nyamuzinda omukulanbagiza emyazi yo kunali ya Kristu, mpu ya muchweza yanamukomez'omubuyemere bwenyu, ³ Yi harhajira eyo murhima gwaluma mwagola malibuko, nenyu mwenine murhahabire oku echo chechigabi cherhu. ⁴ Bula rhuchiri emwenyu rhwakazagi mushonda oku kwanene rhubone amalibuko nkokola ebyola byanahikire, n'okumubiyinji. ⁵ Natyo mbona ntachigalire narhuma omuntu kuderha okumenye obulangalire bwenyu, mpu kwakan'aba omushombanyi mira amushumikaga n'omulimo gwerhu gube gwafire busha. ⁶ Aliko Timoteyo ochizindire hika juba hano emwenyu arhuhere emyazi minja yo bulagalire bwenyu, n'obwinja anarhubwira munayinji bulimango olwibuso lwinja kurhwabo nk'okurhwasima rhubabone oku nenyu mwakasima murhubone. ⁷ Nantyo, beneberhu, omumalumwa n'omumalibuko gerhu ga ngasi buko, obuyemere bwenyu bwarhuhere omurhima. ⁸ Nechi, rhuyunvirhe rhukola rhugerhw'emisi bulala mukomere mu Nahano. ⁹ Rhubwirage nerhu kurhe swagalaga kusimira Nyamuzinda koko kwaga masime goshi rhuherhe rhwayunva embere ya nyamuzinda! ¹⁰ Obudufu ne zuba, rhumuhuna rhusezeze okuderha kwarhuhe obuhashe bokubabona, n'okuyongeza ebibulire okubiyemere bwenyu. ¹¹ Aliko nyamuzinda yenine, darha nahamwerhu Yesu arhuchingulir'enjira yokuhik' emwenyu! ¹² Aliko Nahano ayongeze obunene mumwewe no kungambo yaboshi obu buguma rhuherhe rhwenine ku mwewe, ¹³ Natyo mukomez'emisima yenyo mujire myero kweru omukunali ebere zadarha Nyamuzinda, amango Nahano Yesu ayinja na bachesibwa bage boshi.