¹ Takka hinawe, maka nakaroduka atena Yunusa nya kana kede we mbutu ate na. ² Nya kana sabaya, patekkina, "O, Mori, ndaku tekki kipo ba ne'ipangga ne'e tana nggu? Ne nyawe hiti pona kaku kendu wangga ne'e Tarsis oro baku oande ngge, ne wo'u alla andua manawara ama lou atena mono abunduna manawara, enga milla nawe ate ne pona awuku napa dadi. ³ Ne hinnawa pandua, "O, Mori, deke konggawe ne lolo ngau nggu, na louka powe baku mate, inda pi'apa baku toleka. ⁴ Kahinawe, Maromba Allah napanewe natuba kado newo'u ba'u mbani? ⁵ Yunusa di'a kanna louso bana nggaige mono bana ndangngi wa'i ne'e tuba loddo koka. Na pakkede iya kareka, kanna mandi'i bana mawo. Kaku etawe adadi ne'e wanno dana. ⁶ Deku nge ne papatutuna Mori Maromba Allah, natimbu a mbu'u kadammu a seipawa Yunus pa mawo waina, katowana kana mallena ne mbutu atena. Yunusa na kalada langu takka ngge atena oro wasu kadammu. ⁷ Nyawe na mewangge tana, ammini loddo apota, dekungge papatuda;na na Maromba Allah, na iya kabaketta na rowiwa nakadammu dukki bana mawola. ⁸ Lengga napa pota loddo, dekkungnge patutuna Mori napa powi paringi loddo koka a mbangata eka nggai, nya we la loddo ambangata kana kawouka nyaka kana nggola bana dakke wekkina mono na mennengge bana mate. Patekki nandua po baku mate inda piapo baku tolekka. ⁹ nya kana panewe Maromba Allah mbara na yunus, patekkina ." Na tuba kadowe ne ba'u nbani oro na kandammo?" na walewwe Yunusa, "natuba mbaku bani dukkiwe baku mate." ¹⁰ Napa newe na Maromba Allah, ne wo'u manawarai na kandammo ndapa willi mu ndapa timbumu, na timbu iya ngedena na mate iya ngedena. ¹¹ Pande kando ngge baku manawa rangge Ninewe, wanno akaladana mono louka pangedana na ata wali ngau ndua kabullu rata ata dapande ngge nibbawe akawana mono awello, amangu rangana A allu?"