¹ Pavuli pa imfwa ya Yoswa, bana ba Aisreali ekosha Yehova, kuti, ''Nibani wati akatiyambile kukantha Akenani, kuyamba kunyatana nawo?'' ² Yehova eciti, ''Yuda ndiye watiakayambile. Onani, nabapasa ulamulilo wa ziko ili.'' ³ Ayuda beciti kwa anekwao, Asimiyoni, ''Welani m'mzinda wasu wepasiwa kwa seo kuti tizanyatane nawo Akenani. ndipo nase tikalute namwe ku mzinda wemwepasiwa.'' Teto mtundu wa Simiyoni weluta nawo. ⁴ Ayuda bethila nkhondo ndipo Yehova epasa kupambana pa Akenani napa Aperezi. Ndipo teni sauzande epayiwa ku Bereki. ⁵ Bepeza Adoni Bezeki, benyatane naye nakupambana Kenani na Perezi. ⁶ Koma Adoni Bezeki eutuka, ndipo bempitikisha mpaka bemkata nakuzo mtenda vikumo na vimbombo vikulu. ⁷ Adoni Bezeki eciti, '''Mafumu sevente, benzetendewa vikumo na vimbombo vikulu, benzesonkhanisha vakulya vao kufumila kunsi kwa thebulo langu. Mwenecitila newo, naye Mulungu ndiye mwawanicitila.'' Bemuleta ku Yerusalemu ndipo efwila kwamene kula. ⁸ Ayuda enyatana na mzinda wa Yerusalemu nakuutola. Bebakantha na nsonga ya lupanga nakuushoka namulilo. ⁹ Pavuli pake Ayuda beluta kuyonyatana na Akenani benzonkhala mziko ya m'malupili, ziko la Negevi, mu zigwa. ¹⁰ Ayuda efwendela kwa Akenani benzonkhala mu Hebroni (zina la Hebroni kale lenze Kiriyati Araba), ndipo begonjesha Sesai, Ahimani na Talimai. ^{11 12 13} Kufumila uko Ayuda beukila balaenzonkhala mu Debiri (zina la Debiri lenze Kiriyati Seferi). Kalebe eciti, '' Aliyense wati akanthe mzinda wa Kiriyati Seferi nakuulonda, nimpase mwana wangu, Akisa kuti ankhale mwanakazi wake. Otiniyeli mwana wa Kenazi (msaza wake wa Kalebe) egonjesha Debiri, ndipo Kalebe empasa Akisa, mwanawake, kuti ankhale mwanakazi wake. ¹⁴ Mosapita nthawi Akisa ewela kwa Otiniyeli, ndipo emukulumizya kuti abepemphe munda awisi. Penzoseluka pa bulu wake, Kalebe emukosha, (ufuna nikucitile cinji wewo?'' ¹⁵ Eciti kwa yeve, '' munipase madaliso. Pakuti mwanipasa ziko la Nagevi, munipase soti nyenje za manzi.'' Teto Kalebe emupasa nyenje zenze cakululu na zenze cakunyasi. ^{16 17} M'badwo wa wapongozi bake ba Mose mu Keni eluta kufumila ku mzinda wa Palamu na banthu ba Yuda, mcipululu ca Yuda, cili mu Negevi, kuyonkhala na banthu ba Yuda pafupi na Aradi. Ayuda beluta pamozi na Asimiyoni anekwao ndipo bekantha Akenani benzonkhala mu Zefati nakuuwonongelatu mzinda. Zina la mzinda wenze Horima. ^{18 19} Banthu ba yuda belonda soti Gaza na vyalo venzozungulira. Askelno, na chalo chenzouzungulira na ekroni na chalo che nzouzungulira. Yehova enze na banthu ba yuda ndipo betola chalo cha malupili, koma baliyebafumyemo bankhala-chalo ba mu chigwa pakuti benze na magareta ba chisulo. ^{20 21} Hebron epasiwa kwa kaleba monga mwelabilia mose ndipo efumyamo bana banalu me batatu ba Araki. Koma ba Benjamin aliyebafumyemo ba yebusi benzothala mu yerusalemu teto ba yebusi bathala na bathu ba Benjamini mu yerusalemu mpaka lero. ^{22 23 24} Ng`anda ya yosefe bekonzekera kukantha Beteli ndipo Yehova enze nao. Betuma banthu kuti bakazonde Beteli "mzinda wamene kale wenzoituwa kuti luzi." Bala dzenda beona munthu ofuma mu mzinda, ndipo bechita kwa eve, "tilangizyelapopata molobera mu mzinda, ndipo tikuwamire mtima," ^{25 26} Ebalangizya njira yolobera mu mzinda, ndipo bekantha mzinda na nsongo ya lupanga, koma ula munthu na banja lake ebaleka abekuya. Ndipo ula muntu eluta ku chalo cha Ahiti nomanga mzinda nouita kuti luzi. ndipo ndiye zina lake mpaka lero. ^{27 28} Banthu ba manase baliyebafumyemo bantu benzonkhala mu mzinda ya beti shani minzi yake, Tanaki na minzi yake, na bonse benzonkhala mu Dori na minzi yake, na bonse benzonkhala mu megido na minzi yake. Pakuti Akanani besimikizya kuti bankhale mu chalo chila. Pamene Israeli ekosa, ekakamizya akarani kubatumikila na nchito zokosa, koma baliyebafumyiletu onse. ²⁹ Efraim aliyebafumye akanani benzo nkhala mu Gezeri, teto akanani bepitirizya kunkhala mu Gezeri pakati pao. ³⁰ Zebroni aliyebafumye banthu benzonkhala mu kitironi, olo banthu benzonkhala mu Nahalola, teto akanani bepitilizya kunkhala pakati pao, koma zebroni ekakamizya akanani kumtumikila na nchito zokosa. ³¹ Aseri aliyebafumye banthu benzonkhala mu Ako, olo banthu benzonkhala mu sedoni, olo bala benzonkhala mu Ahilalo, Akiziba, Heliba, Afeli, olo Rehobo. ³² Teto mtundu wa Aseri wenkhala pakati pa Akenani ( bala benzonkhala mcalo) pakuti baliye bafumyemo. ³³ mtundu wa Nafitali uliyebafumyemo bala banthu benzonkhala mu beti semesi, olo bala benzonkhala mu Beti Anati. Teto mtundu wa nafitali wenkhala pakati pa a kanani " bala banthu benzo nkhala mula muchalo". Koma olo niteto bankhala chalo ba Beti Semeti na Beti Ana bekakamizyiwa kugwira nchito zo kosa nafitali. ³⁴ Ba Amori bekakamizya mtundu wa Dani kunkhala kumalupili, pakuti aliye bavomerezye kunkhala mu chigwa. ³⁵ Teto ba Amori benzonkhala ku lupili la Heresi, mu Aijaloni, na mu Shalibimu, koma kwanja lamphamvu la ng'anda ya Yosefe yebagonjesa. ndipo ebakakamizya kugwira nchito zokosa. ³⁶ Malire ba Amori ofumira ku lupili la Akrabimu kusela mpaka ku chalo cha malupili