¹ Nno opatjera wolaleiya ehapari ya Yesu Kristu mwana a Nluku. ² Ntoko zilepiyaya ewarakha ya napiyu Izaiya: " kinnimruma nanhupy aka variyari winyu, onrowa oreeriha ephiro enyu. ³ Nzu ninkhuwela muthakoni: ''nreerihe ephiro ya Pwiya, nkhittelele malitti"'; ⁴ Yaahaya aahiwa, arapihaka muuthakoni, ni alattulaka orapihiya wa ottharuwa wa etampi. ⁵ Nttetthe wotene wo Yudeya ni atthu otene o Yerusalem yaaniwa wa yena. Ayo yaanirapihiya ni yooyo m'muro wo Yordani, alaphulelaka etampi zaya. ⁶ Yaahaya aawara eekuwo za mapururu ya enkamiya, ni aahana nzako n'yuununi wawe wa ekattakya ni aakhuura ezorope ni oravo wa ntakhwani. ⁷ Yena anilaleya, eraka: "Ohavo onwa otthuliwaka okivikana miyano, Yoyo ohana ekuro okixira miyano, nimiyano inkikhalale owurama wira kithukule erastaka tzawe. ⁸ Miyano kinupatitzani ni matzi, vano Yena orowa wu patitzane ni Eroho Wowarya". ⁹ Yahikhumelela wira, mahikuále, Yeso ahiwa akhumaka Onatzare woKalileya, ni ahipatitziya ni Yoyani omuro Yordan. ¹⁰ Vano Yeso vakumalyawe nmatzine, Yena ahona erimu ethukhuwaka ni Eroho Yowarya enkhuruwelaka ntoko ekhunttha. ¹¹ Ni ntzu nahiwa Wirimo: "We Omwanaka Onuphentaka. Miyano kinnitepa otziveliya ni We. ¹² "Vano Eroho Yawarya yahinkakhela wuthakoni. ¹³ Yena ahikhala wuthakoni mahiko miloko mixexe athehathehiyaka ni xetwani. Yena ari ninama tzanthakwani, ni malaikha ya Nin'rumela. ¹⁴ Vano nuvariya Yohani, Yeso ahiwa Okalileya, Alaleyaka omwene wan'Luku, ¹⁵ Iraka: "Okathi womala, ni omwene wan'Luku ori vakhiviro. Mwituthuwe ni mwamini ehapari.". ¹⁶ Ethaka nkerekhere mwaphareya yo Kalileya, Yena ahimona Simoni ni Andre, n'himawe Simoni, athikhelaka mathavi nphareya, okhala wira yari atothi. ¹⁷ Yeso ahiwirela: "Nkawani, nkithare, miyano kinamukhalihane atothi athu". ¹⁸ Vowakuveya yahihiya mathavi ni khunthara. ¹⁹ Yeso vassusseralyawe oholowaya, ahimona Yakopo, mwana a Tzepeteu, ni Yohani, nhimawe; Ayena yari nkalawani awantzaka mathavi. ²⁰ Nannanoro áhiwatzima, ni ale yahahiya apapaya, Tzepeteu, nanan'teko yari nkalawani ni khunthara. ²¹ Yahikela Okafarnahun, ni sapato Yeso ahikela m'pani mwa mavekelo ni kwantzaka ossomiha. ²² Ayena yahixankatza ni ossomihawawe, okhala wira Yena anissomiha ntoko nthu árina owerya , ni khalikana ntoko atzuweli. ²³ Vano m'panimwe ahavo n'lopwana arina n'nepa wonanara akhuwelale iraka: ²⁴ "Nirina exene hi ni We? Yeso oNatzare? N'welale onipwanyulatza hiyano? Mi kinitzuwela. Wé wanthu orera An'luku!". ²⁵ Yeso ahimwakhula xetwani khuira: "Omale ni o'nkhume yena!". ²⁶ Ni n'nepa wotakhala wahimphatela vathi ni khukhuma wayena okhuwelaka mwintjene. ²⁷ Athu othene yahikhala otikinihiya ni yanikohana m'mosa na kwawe; Exeni ela? yossomihiya yanan'nano yefalume? Yena onaruma minepa sothakhala nin'yo kwiyamwiwelela. ²⁸ Nan'nanoro ehaparyawe yahimwarela n'thethe wothene wocalileya. ²⁹ Vowakuveya yahikuma m'pani mwamthukumano yahirowa owan'nyawe Simone ni Andre, ni Yakobo ni Yohani. ³⁰ Amathiyawe Simone yira anarupathale yan'wereiya ethekuxa. Ni vowakuveya yahin'himerya yesu mwaha wa-ayena. ³¹ Vano yena khuwa kwavarela ntata ni kuvenya; ethekuxa khwahiya, ni ayo kupatjera on'rumela. ³² Win'laliaya n'tzuwa n'natsamale ahiwaneliya maretha othene na'ale yarina minepa zothakala ³³ Ephoma yothene yahithukhumana vankhora. ³⁴ Yena ahavoniha aretha intjene ni iretha zo'virikana ni ahomola minepa zintjene. Massi khathuniha minepa olavula; Mana iyo tzanintsuwela. ³⁵ Yena ahivenya oxaka vahinathi okhucumuwa ahikhuma khurowa nipuro nowiphitheya ni wenwe ahilompa. ³⁶ Simone nale yarinawe yaninthola. ³⁷ Ayena vamphwanyaliaya yahin'himerya wira; '" Athu othene yanamutholani"'. ³⁸ Yena ahiwirela wira: "Niroe nipuro nikina ephoma tsowathamela wira miyano kalaleye womwo. Yeyo tiyawelalyaka va". ³⁹ Yena ahetha Ekalileya yothene alaleyaka m'mithukumanoni waya mothene ni omolakha minepa tsothakala. ⁴⁰ Namakhuthula m'motsa ahimwathamela ni khunvekhela ankokorelaka. Yena ahin'himerya yeso: " Nyu mwathuna, n'kivonihe." ⁴¹ Amonelaka othunku, yeso ahathala n'tata nawe ni kwumkwanya, amwirelaka:'' Mi kimphela n'khale sana. ⁴² Nan'nanoro makhuthula yahin'hiya ni khukala sana. ⁴³ Yeso ahimomphererya anliphiherakha wira aroweke owani: " ⁴⁴ Ahimhimerya:'' irakha, ohin'himerye n'thu ethuila, massi, orowe withonye wamakhulupale ni wavahe ethu emphelaa n'thoko Mosi tsihimyalyawe,wira okhale oxahithi. ⁴⁵ Massi yena vakhumalyawe ahantsa olathula mothene ni ehapari yahimwarela, m'paka yeso vahathunawe woneyatsa ephoma tsothene. yena ahana akhalaka mapuro ahin'khaliya, massi zitsam'mo athu yanin'wela mapuro othene.