¹ kuchone wule mi pontet akoy wule mi Gayo chamanet nyo acheme nyo amu manta. ² chamanet asomuung katakishe amu ngalek tokol angutobonit barngung ku wulo wu mukuletyo nyengung. ³ wuye kyangarach alum muchuruantit nye kungwowu mboyaya kuruptakea ako manta nyengung anku mite weti amu manta. ⁴ mabonte ngarakwek kopol chu alum le peshetos amu manta lekok kyu chepo muyet. ⁵ chamanet miteporu kakasetapkey yo mite kolyoy chamanik ako toik. ⁶ kuchinum muchurugutit nyepo chemishet am kotapsaet miteyie nyetopon kolioy mbo ako pesnikap aran chepo toek. ⁷ kupo kanyet ta yesu kuba kumunanam kiy ake tokol amu piko cho munachamta. ⁸ kunyo maktos chitorochi piko chewuchu sikunget chichine chemwoitoi manto nyepo mokorionted. ⁹ kasulung akoluket amache amwowung ngolyo ntene Deodrefe chi nye yiekey le kantoin am taitap chamanik machamchintos ako ani yohana ako chamanik cho chepontekey. ¹⁰ kunyo yakocho masoy yeyutekyi cho mi kukwiye wulongololtoy nye miyet amu achek. metoro kishi kwete ne chamanik cho kwoni. ¹¹ chamanet Gayomemuste miyotyet ntene muste toponiet nyo yiye toponiet kupo yeyin kupo yeyin nto nyo yiye miyotiet mnachamta yeyin. ¹² kuchinumchi Dimetrio muchuruantit piko tokol ako manta nkit mbo achek kuchekas. ¹³ aponte ngal che chang che kamuchi asilung ntene machame asilung amu kalamut nto (winet). ¹⁴ amite akeni akasing amu lekito sichengalal anchekaskey tokoch ako tokoch. ¹⁵ kalyet kopur ako akwek choronutokcho apontekei amu yu kakusupaing nte yech asupoyi choronutok am kanienyi.