¹ Khwa vivyo nichikala ni mufunhwa khwa ajili ya Bwana,navhasihi mhwenende sawa na mhweho Mulungu arovhehera. ² Mhwishi khwa unyenyekevu munji na uphore na uvumirivu,muchiharirana kahi za uhenzo. ³ Hendani bidii kuutunza umhwenga wa Roho kahi za chifungo cha imani.. ⁴ Kuna mhwiri muhwenga na Roho muhwenga ichikala mhwehewa kahi za uhakika wa tumaini mhwenga ra mhweho wenu. ⁵ Na kuna Bwana mumhwenga imani mhwenga ,ubatizo mumhwenga, ⁶ na Mulungu mhwenga , naBaba wa vhosi. Iye yu dzulu ya vhosi kahi za vhosi ndani ya vhosi. ⁷ Chila mumhwenga wehu wepewa chipawa kulinga na chipimo cha chipa cha Kristo. ⁸ Here maandiko gaambavyo,"Arihopaa dzulu sana,wehala vharofunghwa.Achivhapa anadamu vipawa" ⁹ Ninoni maana ya "wepaa"isikokala wetima pia pande za tsini ya dunia? ¹⁰ Iye ariyetima ni iyeiye pia ariyepaa dzulu ya mbingu zosi.Wehenda vivyo ili nguvuze zikale kahi za vitu vyosi. ¹¹ Kristo welavya vipawa here: ahumhwa,manabii,ainjilisti,achungaji na alimu. ¹² Wehenda vivi kuvhawezesha aamini khwa ajili ya kazi ya huduma ili kuudzenga mhwiri wa Kristo. ¹³ Anahenda vivi ta haho hundofikira umhwenga wa imani na maarifa ga Mhwana wa Mulungu.Pia huweze kukomala here vhavho vhariofikira chimo kamili cha Kristo. ¹⁴ Hii ni khwamba husikale here ahoho husitsuhwetsuhwe kuno na kuraa.Husihalwe na chila aina peho ya mafundisho, ulachuye, hundagomba ujeri kahi za uhenzo wa kukula zaidi k wa atu ajanja na ukengi wa khwangamiza. ¹⁵ Badalaye , njira zosi ndaniye ariye chitswa,Kristo. ¹⁶ Kristo wehuunganisha khwa hamhwenga mhwiri wosi wa aamini.Udziunganishwa na chila chilungo kukala mhwiri wosi na udzidzenge wenye kahi za uhenzo. ¹⁷ Khwa vivyo navhambira na kuvhasihi kahi za Bwana:musenende keheri here a mataifa vhendavyo kahi za ubatili wa akili zao. ¹⁸ Vhenjizwa dziza kahi ya mawazo gao.Vhadzinhgwa kula za uzima wa Mulungu khwa ujinga urio ndani yao khwa sababu ya ugumu wa mioyo yao. ¹⁹ Khavhona aibu Vhdzizdikabidhi enye khwa ufisadi kula na mahendo machafu, kahi za aina za uchoyo. ²⁰ Vivi sevyo murivyodzifundisha kuhusu Kristo. ²¹ Nadhani mhwesikira kuhusu iye., ²² Nadhani mhwefundishwa kahi za iye,here ujeri uro ndan a ya Yesu, muvule mahendo ga kapindi.Ni utu wa kapindi wolawo sababu ya tamaa ya ukengi. ²³ Vulani utu wenu wa kapindi ili muhendwe usha kahi za roho na akili zenu. ²⁴ Hendani vivi ili muweze kuvikhwa utu ushawenjiranao na Mulungu.Umeumbwa kahi za haki na utakatifu wa ujeri. ²⁵ Khwa vivyo ika kure ulongo,"Gombani ujeri,chila mhwenga na jiraniwe",khwa sababu hu ashirika chila mhwenga na munziwe. ²⁶ Mukale na hasira ,ela musihende dhambi,dzua risitswe mchikala khwenye hasira zenu. ²⁷ Musimupe ibilisi nafasi. ²⁸ Mhwevi aseye keheri.Badalaye ahende kazi.Kazi yenye manufaa khwa mikonoye,ili aweze kumuhudumia mhwenye mahitaji. ²⁹ Maneno mai gasombole milomoni mhwenu.Badalaye maneno genu gakale gakufaa muhitaji kuvhapha faida vhavho vhasikizao. ³⁰ Na musimuhuzunishe Roho Mutakatifu wa Mulungu .Khwa iye hudzikhwa muhuri khwa ajil ya siku ya ukmbozi. ³¹ Lazima mhwike kure utsungu wosi,gadhabu,hasira,ugomvi,na matusi na uovu wa chila aina.Kallani ema ninwi khwa ninwi. ³² Mukale na huruma,musameheane ninwi khwa ninwi,here Mulungu kahi za Kristo arivyohusamehe.