¹ Here viratu murivyokala mudzefwa khwa makosa na dhambi zehu. ² Kahi za hali ya khwanza mhwenenda kulingana na nyakati za urimhwengu uu.Mhwekala mchenenda khwa kutua mutawala wa anga. Ii ndiyo rohoye yuyahu ahendaye kazi kahi za ana a kuasi. ³ Siswi osi ho mhwanzo hwekala kahikahi za vhavho vhasioamini.Hwekala huchihenda khwa tamaa mbii za miiri yehu.Hwekala huchihenda mapenzi ga mwiri na ufahamu wehu. Hwekala khwa asili na a ghadhabu here anjine. ⁴ Lakini Mulungu ni munji wa rehema khwa sababu ya henzore bomu arirohuhenza siswi. ⁵ Muda hurio kala maiti kahi za makosa gehu,wehureha hamhwenga kahi za maisha masha ndani ya Kristo.Ni khwa neena kukala hudzokolwa. ⁶ Mulungu wehufufula hamhwenga kahi za hatu ha dzulu mulunguni ndani ya Kristo jesu. ⁷ Wehenda vivi ili kahi za nyakati zidzazo aweze kuhonyesa utajiri mubomu wa neemaye.Kuhonyesa siswi riri khwa njira ya udzowe ndani ya kristo jesu. ⁸ Khwa neema mudzokolwa khwa njira ya imani,na ii kaila na khwehu. Ni zawadi ya Mulungu. ⁹ Kaila na mahendo. Hasikale na mumhwenga wenu kudzisifu. ¹⁰ Knde.hwa sababu siswi hu kazi ya Mulungu, hweumbwa kahi za kristo Jesu ili kuhenda mahendo madzo.Ni mahendo gaga ambago Mulungu wegapanga hangu kapindi khwa ajili yehu ili hugahe ¹¹ Khwa vivyo kumbukirani kukala haho kapindi mhwekala atu a mataifa khwa jinsi ya mhwiri.Mhwehewao"Msiohinwa"khwa chira chehewacho kuhinwa khwa mhwiri kuhendwako ni mikono ya binadamu. ¹² Khwa wakati uo mhwekala mudzitengwa na Kristo.Mhwekala ajeni khwa atu a Israeli. Mwekala ajeni khwa malagano ga ahadi. Mhwekala kamuna uhakika wa wakati udzao.Mhwekala bila mulungu kahi za urimmwengu. ¹³ Ela sasa kahi za Kristo Jesu ninwi amba ho mhwanzo mhwekala kure na mulungu.Mwerehewa hehi na Mulungu khwa milatso ya Kristo. ¹⁴ Khwa maana iye ndiye amani yenu.Wehenda airi kukala hamhwenga.Khwa mwiriwe wegavya ukuta wa ugavyano ambao wekala udzihugavya,kukala maadui. ¹⁵ Kukala wekomesha sheria ya amuri na kanuni ili kukala aumbe mutu mumwenga musha ndaniye.Achihenda amani ¹⁶ Wehenda vivi ili kupatanisha makundi mairi ga atu kukala mwiri mumwenga khwa mulungu kuchirira musalaba.Khwa njira ya musalaba wewusa uadui. ¹⁷ Jesu wekudza kutangaza amani khwenu ninwi murio kala kure na amani mukale hehi na vhara vhariokala hehi. ¹⁸ Khwa maana khwa njire ya Jesu siswi hosi airihuna nafasi khwa iye roho mumhwenga khwenjira khwa Baba. ¹⁹ Vivyo bai ninwi atu a mataifa si asafiri na ajeni kaheri bali mu enyeji hamhwenga na vhara atakatifu khwa ajili ya Mulungu na ajumbe kahi za nyumba ya Mulungu. ²⁰ Mhwedzengwa dzulu ya musinji wa ahumwa na manabii.Kristo Jesu wekala dziwe kulu ra pembeni. ²¹ Kahi za iye dzengo rosi reunganishwa hamwenga na kukala here hekalu ndani ya Bwana. ²² Na ndaniye ninwi nanwi munadzengwa hamhwenga here hatu ha Mulungu kuishi kahi za Roho.