Olunyuma bulano, abakheerwa,khubasaba nende khubekweda mumwami Yeso munyale khweyongesia muno muno ngolwa mwaanyoola khurula khwefwe ngolwa mukhoyere okeenda nende osaangasia Nasaye ; ² Khulwo khuba mumanyire amalakano ka khwababeresia khubirira mumwami Yeso. ³ Khubera lino nilio elienya lia Nasaye : ⁴ Mbwe buli sia mulala khu engwe amanye kori olwa anyala okhuruka omubiri kwaye mukhwelabia nene musiriibwa. ⁵ Khasi nokhuchiririra mubwekombi bumanu, nga banasialo abakorerwe Nasaye; ⁶ Mbwe omuundu yesi arabukula obweyangu khwiibira omusiani wabwe mulikhuwa lino okhuba Nasaye nomuruungi wamakhuwa kene nga ako , ngolwa khwarangira khubakaania nende khushuudia. ⁷ Khuba Nasaye siyarulanga mubumayaanu arali mubutakatifu. ⁸ Bulano ula olekeresia khasi alekeresia omundu dawe, arali Nasaye ula owaruberesia efwe omwoyo mutakatifu kwaye. ⁹ Arali okhudira khu bukheri bwa bakherwa hasi khoyere okhubandikira ebindu bidira khu obukheri bwa bakherwa; khubera engwe abene mwekesibwa nende Nasaye okhukherana. ¹⁰ Khandi kata kario mukholeranga abakherwa boosi ba Makedonia arali khubekweda abakherwaa, mbwe mumede mwibwichufu khandi mubwichufu. ¹¹ Khandi mbwe mweke okhuba baulerefu, nende khukhola inyanga yengwe bene nende okhukhola emirimo nende emakhono kengwe bene, kori olwa khwabalangira. ¹² mbwe munyole okhukenda mubwesikwa nga muchira bala ababula nabio, mbwe mube abaracha khubula sindu siosi ¹³ Arali sindakha mukhaye okhumanya abakherwa, okhulondana nende bala abamala okhukona chindolo khaba, mbwe murabererera khaba, nga bala ababula elinaya. ¹⁴ Khubera nikali mbwe khusubira mbwe Yeso yafwa khandi nabukha, kata bala bosi abakona chindolo mu Yeso Nasaye acha okhubera alala naye . ¹⁵ khubera lino khubabolera khulikhuwa lio o mwami mbwe efwe khuli abalamu abaluo khula okhwicha khwaicha khwa omwami khasi khwakhabarangirire bala abamala okhukona. ¹⁶ Khubera omwami mwene yakhekhe okhurula mwikulu nende oluyoka, nende idobosi ya Malaika mukhongo, nende olwika lwa Nasaye; naye bala abafwa nibali mukirisito bakhalamukhe imberi. ¹⁷ Lunyuma efwe khuli abalamu abadonga khwakhabukulwe alala nabo mumalesi, okhubukananira omwami mu miayaka; mani kario khwakhabe nende omwami emiaka kiosi. ¹⁸ Bulano mudinyisanienge mulala khuundi nende amakhuwa kano.