¹ Okhubeera eng'we bene, abakheerwa, mumanyire okhwingira khwefwe mweng'we, mbwe khasi khwali okhwesikhaya. ² Arali kata kario kene ako nikakhabwa khwali khusudire imberi eyo, nende khukholerwa ake chisoni ; nikhuli Filipi khwali nende ichuoni mu Nasaye wefwe okhubabolera ifanjili ya Nasaye nende okhuyiyinganira lukali. ³ Okhubera amakerako kefwe sikali aka imbi kose omufuro, kose sikhalikhali; arali kori olwa khwafukirirwa nende Nasaye okhwesikwa nende ifanjili nilwo nga olwa khulomaloma; oburali osangasia abaandu, arali Nasaye otemanga emioyo kiefwe. ⁵ Khubeera sibulao esikha esia khwekhonyera amakhuwa ka okhwekingula ngolwa mumanyire kose chingubo chia obwekombi; Nasaye niye omuloli wefwe. ⁶ Kata khasi khwakonyakho oluyali okhurula khu bandu, kose khu eng'we, kose khu bandu bandi, kata nikali mbwe khwali nende ebidinyu, kori abarume ba Krisito. ⁷ Arali khwali abokhulongoyala akari weng'we, nga olwa omukhasi onunia adeberanga abaana baye. ⁸ Kario mungeeri eyo khwabekomba muno,khwali nende elienya mbwe sikhunababeresia sa ifanjili ya Nasaye yong'ene, arali nende emioyo kiefwe abene, khuba mwali abakherwa khwefwe. ⁹ Khubeera mwichulisia, abakheerwa ,okhukhalabana nende obukholi bwefwe; khubeera khwakhalabana sidere nende siro, mbwe khuraba omukuku khu muundu yesi yesi khweng'we khaba, khwabayalila ifanjili ya Nasaye. ¹⁰ Muli abaloli befwe , Nasaye yesi, ngolwa mubulafu bwo mwoyo nende mubwedieri, nende muburadolwamo imbi yosi yosi khweyekesia akari weng'we abali basubuira. ¹¹ Ngolwa mumanyire, ngakhwabakeraka nende olwakhwabakeraka nende okhubaberesia omwoyo buli mulala khweng'we, nga samwana akholeranga abaana baye. ¹² Mbwe mukende ngabikhoyera Nasaye owabalanga mu obwami bwaye nende oluyaali. ¹³ Khulwo khubera kano khubira Nasaye orio oburakama khaba, khubera nga mwanyoola elikhuwa lia Nasaye lia mwabulira khurula khu efwe, khasi mwalinyola ngelikhuwa lia abaandu, araali ngeliri mubwadieri, elikhuwa lia Nasye elikholanga emirimo milaayi mu eng'we abasubira. ¹⁴ Khubeera eng'we abakheerwa, mwecha mwaba balondi be chikanisa cha Nasaye echiri mubuyaudi mu Kirisito Yeso; khubera eng'we mweesi mwanyala okhusaanda omusando kula kula khurula khubandu besialo sieng'we bene,omusaando kwabanyola khurula khu Bayaudi. ¹⁵ Abeera Omwami Yeso, nende abanabii babwe bene, khandi basandisie efwe; khandi sibasangasia Nasaye khandi sibachira alala nende abaandu boosi. ¹⁶ Barukayira okhulomaloma nende Abanasialo mbwe bakhaye okhuwonisibwa; khusirisia echimbi chabwe bulilwosi. Bulano lirima libolerekho mubuungi. ¹⁷ Arali efwe abakherwa nga khwabukulwa okhurula khu eng'we mubikha bididi nikhurenya mumioyo ,khwekomba khubona obweni bweng'we mubungi. ¹⁸ Khu kario khwekomba okhwicha khweng'we obalola nekata esie- Paulo , buli sikha naye sietani yangaira. ¹⁹ Naye lisubira liefwe nisi, Kose isaangalo, kose lusimbi lweisangalo? Sineng'we imberi wo Omwami wefwe Yeso Kirisito mukhwicha khwaye ? ²⁰ Eng'we ning' we oluyali lwefwe nende isaangalo .