¹ Inkumkabidhi kuli bhamwemwe Ufibi u Dada witu, we mtumishi uwansali yeyili ku Kenkrea. ² Ili kwamba  mumposhele kuli Bwana. Bhombinivyo kulisho  isha samani isha bhaumini, na mwimilile poka nao kwijambo lyonsi lila lyakwanza. Maana wuyo ahabhahudumia abhinji, naninye. ³ Bhalamuhe u Priska nu Akila abhahabhomba abhakazi poka nane kuli  Kristo Yesu. ⁴ Bhe kumaisya gane bhahafima amayisya gabho abhahola. Nkufumiya isyukrani kulibhubho, na te nene basi, ila nakunsalinye zyonsi izya mataifa. ⁵ Ulilamuhe ikanisa lyelili kunyumba yabho, Mlamuhe u Epanieto umkundwa wane, we muvyalwa uwa kwanza uwa Kristo ku Asia ⁶ Mulamuhe u Mariamu wahbhomba ikazi kubidii kwajili yinyu. ⁷ Mulamuhe u Androniko nu Yunia,abhajamaa bhane, nabhanyepwa poka nane. Bhamuhimu mlibhamitume, bhe bhalongoleleye umumanya u Kristo kabla yane. ⁸ Mulamhe u Ampliato,umkundwa wane kuli Bwana. ⁹ Mulamhe Urbano, uhabhomba uwakazi poka nane kuli Kristo, nu Stakisi umkundwa wane. ¹⁰ Mlamuhe u Apele, we akuzumila kuli Kristo. Bhalamhe bhonsi bhebhali mnyumba iya Aristobulo. ¹¹ Ndamshila u Herodioni, ujamaa wane. Ndamshila bhonsi bhebhali mnyumba iya Narkiso, bhe bhali muli Bwana. ¹² Ndamshila uTrifaina nuTrifosa, bhebhabomba ikazi kubidii kuli Bwana. Mlamuhe u Persisi umkundwa, we ahabhomba ikazi nkani kuli Bwana. ¹³ Ndamshila u Rufo, we ahachagulibhwa kuli Bwana numama wakwe we naninye  umama wane. ¹⁴ Mlamhe u Asinkrito, Flegon, Herme, Patroba Herma, nabhamwitu bhonsi bhebhali poka nabho. ¹⁵ Ndamshila Filologo nu Yulia, Nerea nu Dada wakwe, nu Olimpa, nabhaumini bhonsi bhebhali poka nabho. ¹⁶ Lamhani shila mntu kubusu intakatifu. Insali zyonsi kuli Kristo zibhalamha. ¹⁷ Sasa inkubhabhula bhamwitu, ukwelengula uhusubho bhe  bhasababisya ugabhanyiha nivizuizi. Bhakupita tofauti namafundisyo gemhajifuzya. Senuhini mwepe kulibhubho. ¹⁸ Kwe abhantu kamabha bhatamtumikia u Kristo Bwana, ila ihati zyabho abhahola. Kumaneno gabho amatonsu nisifa izwilenga bhalongofya imwoyo iya bhebhatali nihatia. ¹⁹ Kumfano uwayeshima yinyu mumufishila  shila mntu. Kwahiyo, inkuysha kwajili yinyu, lakini inkwanza mwemwe mubhe niyeshima kuhali iya bhutonsu, na mtashibha  nihatia  iya mabhifu. ²⁰ u Mungu uwa amani atahabha umwumola usyetani pansi iyamanama ginyu. Inkumbu izya Bwana Yesu Kristo zibhe poka namwe. ²¹ Utimotheo ,uhabhomba uwakazi poka nane, abhalamha, nu Lukio,Yasoni nu Sospeter, abhajamaa bhane. ²² Nene,Tertio,we inkandiha ubhujumbubhu, inkubhalamha kwizina ilya Bwana. ²³ Ugayo, atiye antuzya ninsali yonsi,yabhalamha.u Erasto, uhabhiha uwaminzi,akubhalamha,poka nu Kwarto we wamwitu. ²⁴ Inkumbu izya Bwana witu u Yesu Kristo na ibhe poka namwe mwensi Amina ²⁵ Sasa kuli wula wali nubhuwezo ubhwabhomba mwilile ulingana niinjili namafundisyo aga Yesu Kristo, kulingana  nubhufunuo ubhwa siri yeyihavwama kumuda umtari, ²⁶ Lakini sasa ifunulibhwa numanyiha  namandiho aga bhunabii  ulingana niamri iya Mungu uwa manda gonsi, kuyeshima iya yimani mumataifa gonsi? ²⁷ Kuli Mungu wekanye wali nihekima, kupitila u Yesu Kristo, kubhe ubhutukufu amanda gonsi.Amina.