¹ Kwahiyo inkubhabhula, bhamwitu, kunkumbu izya Mungu, yitowini imibhili yinyu yibhe sadaka yeyili chete, intakatifu, yeyizumilaha  kuli Mungu. Ino yene yibada yinyu yeyili chete ² Wala mtashiyilondela idunia ino, ila musenuhe mubhe mwemwe bhapya amawazo ginyu. Bhombini bhulo ili mumanye ulukundo lwa Mungu uluzifu, ³ Maana inkuti, kusababu iya nkumbuzye nkapebhwa, kwamba shila mntu wali mlibhamwemwe atatakibhwa ukwelengula nkani umuhusu wuyo umhola, Ila akutakibhwa  ukwelengula kuhekima, kama vye u Mungu ahabhapa shila mntu ishiyasi isha yimani. ⁴ Mana tuli ni iviungo ivyinji mumubhili woka, lakini te kwamba iviungo vyonsi vili nikazi yoka. ⁵ Kwahiyo, sweswe bhe tuhavula tuli umubhili woka kuli Kristo, niviungo shila mntu kuwunji. ⁶ Tuli nikarama mbalimbali inza vye ineema yili ye tuhapebhwa. Nge ikarama yamntu bhunabii, na yibhombehe ulingana niyimani yakwe. ⁷ Nge ikarama iya mntu huduma, na atumihe. Nguwunji ali nikarama iya funzya, basi afunzye. ⁸ Nge ikarama iya mntu kufaliji, basi, afariji. Nge ikarama iya mntu kutowa, abhombivyo kubhukarimu. Nge ikarama ya mntu kuongozya, na abhombe kubhwangalifu. Nge ikarama ya mntu kubha ninkumbu, na libhombehe kusha. ⁹ Ulukundo lutashibha namajungu. Tubhini amabhifu : mleme amazifu. ¹⁰ Uhusu ulukundo ulwa bhamwinyu, Mkundane mwensi. Uhusu iyeshima, mweshimiane mwensi. ¹¹ Uhusu ibidii, mtashibha mwemwe bhalegevu. Uhusu u Roho, mubhe nihamu. Uhusu u Bwana mtumikiini. ¹² Shini kubhuposye  bhwe muli nabhwo uhusu amanda gegakwinza. mubhe nubhuvumilivu kumatatizo ginyu . mudumu kulabha. ¹³ Mshiriki kumahitaji aga bhawumini. Yanzini inzila inyinji izya onyesya ubhukarimu. ¹⁴ Bhalabhilini ibaraka bhonsi bhe bhabhachuzya mwemwe; Mubhabariki wala mtashibhatipa. ¹⁵ Shini poka nabhebhakusha, lilini poka nabhebhakulila. ¹⁶ Mubhe niniya yoka mwebhatupu. Mtashelengula kujidai, Lakini bhazumilini abhantu bhebhali nihali iya pansi. Mtashibha nihekima kumawazo ginyi mwe bhahola. ¹⁷ Mtashimlipa umntu wensi ibhifu kwi bhifu. Bhombini amambio amazifu paminso aga bhantu bhonsi. ¹⁸ Nga shiwezehana, inza vye shili kuli bhamwemwe, mubhe niamani nabhantu bhonsi. ¹⁹ Bhakundwa, mtashilipila ishisasi mwebhahola, lakini lolelini amalipo aga Mungu. Kama vye shihandikwa, '' 'Ishisasi shane; nene indalipa; Akulanda u Bwana.'' ²⁰ ''Lakini nguadui waho ali ninzala, mulyisye. Ngali nulusala mung'wezye. Mana nga   wabhombivyo, umamupalila amakala aga mulilo pitwe lyakwe.'' ²¹ Utashipotwa namabhifu, ila usinde amabhifu kumazifu.