¹ Bhamwitu, Inia iya mwoyo wane niombi lyane kuli Mungu nikwajili  yabho, kwajili iya bhwokovu bhwabho. ² Mana inkubhabhula kwamba bhali  nijuhudi kuli Mungu, lakini te kwajili iya bhufahamu. ³ Mana bhatamanyile ihaki ya Mungu, na bhakwanza uzenga ihaki yabho abhahola. Bhatashili bhabhe bhatiifu kuhaki iya Mungu. ⁴ Mana u Kristo wene yeshima iya syeria kwajili iya haki iya shila mntu we ahamini. ⁵ Mana u Musa akwandiha uhusu ihaki ye yikwinza ufuma musyeria:"Umntu we akubhombaga ihaki iya syeria alaishi kuhakino." ⁶ Lakini ihaki yikufuma muimani yilanda bhulo, "Utashilanduti mumwoyo waho, Wenu walakwela ubhala kumbingu? (Inamana ukumleta u Kristo pansi). ⁷ Na utashiti, Wenu waliha ukuzimu?" (Inamana, ukumuleta u Kristo mumwanya ufuma kubhafwe}. ⁸ Lakini ikutaha shonu?'' izwi lila  lili papipi nawe, mwilomo lyaho na mumwoyo waho." ilyo lizwi ilya yimani, lyetutangaza. ⁹ Nga kwilomo lyaho ukumzumila u Yesu kwamba u Bwana, nukwamini mumwoyo waho kwamba u Mungu atiye amfufua ufuma kubhafwe, ulafyuha. ¹⁰ Mana kumwoyo umntu akwamani nupata ihaki, na kwilomo akuzumila  nupata ubhwokovu. ¹¹ Mana  ilyandiho liti ,''Shila wakumwamini atalatwazyindu." ¹² Mana  kutali itofauti ikati iya Myahudi  nu Umuyunani. Mana  u Bwana wulanye wene wabhonsi, na weutajili kuli bhonsi bhebhamwita. ¹³ Kwe shila mntu wensi  akwita izina ilya Bwana alafyuha. ¹⁴ Bhangamwita  bhuli we bhatamwamini wuyo we bado bhamwamini? Na  bhangamini bhuli we bhatatala bhamwivwe? Na bhangivwa bhuli bila umuhubiri? ¹⁵ Na bhangahubiri bhuli, bila utumwa? - kama vye shihandikwa, "Namna bhuli vye gahazipa amanama agabhala bhe bhatangaza ihabari inzifu!" ¹⁶ Lakini bhonsi bhatashili bhivwe iyinjili. Mana   Uisaya akuti,"Bwana, wenu wahivwa ubhujumbe bhwitu ?" ¹⁷ Kwahiyo iyimani ikwinzaga utokana nukwivwa, ukwivwa izwi  ilya Kristo. ¹⁸ Lakini inkutaha, "Shene bhatashili bhivwe?" Eye, kubhuhakika nkani. "Isauti yabho ifuma panzi munsi yonsi, namaneno gabho ubhala umwisho uwa dunia." ¹⁹ Zaidi yagonsi inkuti, Shene abha Israeli bhatamanyile?'' Kwanza u Musa akuti, Namabhapatiha nubhatela ubhuzubha  kubhantu bhete litaifa. Kunzila iyitaifa lye litakwelewa, Namabhasonjelela mpaha mlahalihe. ²⁰ Nuisaya ahaposya sana na akulandati, "Nkapatihana nabhala bhe bhatashili bhananze. Nkaloleha kuli bhala bhebhatashili bhananze." ²¹ Lakini kubha Israeli akuti, "Amanda gonsi nkabhusyaga amahono gane kuli  bhala bhebhatakweshimu na kubhantu abhagomu."