¹ Ubhu nubhufunuo bwa Yesu kristo bwuko Mungu ya muhaye kubheleka abha kozi bhage amagambo yuko lazima ya tokeye hofi yoya koze yamenyekane abhatumwa bhamalaika bhage iyumukozi wage Yohana. ² Yohana yalatoye ubhushuhuda bwa kila kintu choyabhonye uguhusiyana ni jambo dya Mungu na kubhushuhuda bwa tolewe uguhusu Yesu Kristo. ³ Alafuye wuya ahaye asoma kwijwi na bhaya bhose bhahaye bhayategeza amagambo yu bhubhonyi ubhu nu kwemela kiya chandiswe umu, kwa sababu akanya karegeye. ⁴ Yohana, kumashengelo ndwi yaliyo Asia: Ineema ibhe iwanyu amaholo ukuva iwage uwuliho, uwaliho nuwuza nukuva impemu ndwi abhali mbele yigitebhe chage chubhuganza, ⁵ Nukuva iwa Yesu kristo nawo nichaliho chukuli, uwa vuse mbele ya bhapfuye, numuganza bwa abhami bhintala iyi. iwage wene adukunda na aladusize ubhuhuru ukuva mwi Dhambi kumalaso yage. ⁶ Alatugize ukubha ubwami, amakuhani bha Mungu na data wage iwage kubhe ubwela ni nguvu imisi yose yose nibhibhe intyoyene. Amina. ⁷ Rabha, aloza ni bhiho: kiladyiso lilomubhona. hamwe na bhaya bhamuchumise. Ni kabila zose zintala bhalokwomboleza kwisababu yage. ⁸ "Jewe ni ntango nu mwisho." agamba Data Mungu, " wene aliho nuwaliho. nuwuhayaza, uwuli ni nguvu." ⁹ Jewe Yohana bhene wanyu na wumwe uwashirisehamwe namwe kumagogwa yu bwami ukwemelela nukuguma kulimuli Yesu:ndali mugisiwa chitwa ipatimo kwisababu yi jambo dyimana ubwaliho uguhusu Yesu. ¹⁰ ndali mumpemu isikunkulu. ndala tegeje inyuma yanje ijwi dya lugulu ilinki tarumbeta ilagamba. ¹¹ Ilagamba, "andika mugitabho yuhaye ubhona na uyatume muma shengelo ndwi ukugenda Efeso, ukugenda Smirna, ukugenda Pergamo, ukugenda Thiatira, ukugenda Sardi, ukugenda Philadelphia, nukugenda Laodikia." ¹² ndahindukila ukubhona nijwi dyande yaze ahaye ayaya na jewe, na honda hindukiye ndabhonye ikinata chi dhabahu chimolindwi. ¹³ Hagati yikinara chulumori yalimuwumwe nkumwana wa Adamu yambaye inkanzu yileshi ihagahasi ya gulu yage numweko widhahabu wuzunguluse igikarachage. ¹⁴ Umutwe wage ni nzwiri zage zalizela nkisufu yela nkitheluji, na maso yage yali mkumwali wumlilo . ¹⁵ Ibhilenge vyali nkishaba yisuguliwe chane chane nikishaba yichishijwe kumulilo nijwi dyage dyali nkijwi ya mazi menshi yali haya seseka yakoloka. ¹⁶ Yali afashe inyonyoli dwi mkubhoko kwage kukudyo nukuva mumunwa wage halimo ulupanga lukaze lwali lukaze habhili. uluhanga lwage lwali dwela nkulumoli lukaze nkizubha. ¹⁷ Honda mubhonye, ndaguye mumagulu yage nkuwu pfuye. Alasiga ukubhoko gwage kukudyo halugulu yanje na alagamba. "ntutinye jewe nduwambele nuwa nyuma. ¹⁸ Na hiko ndichala. Ndali ndalaphuye, lakini labha, ndichala moja kwa moja! Na ndazibhanye infunguo zi mauti nukuzimu. ¹⁹ Nantyo, yandike yubhonye, ayaliho akakanya nayaya yaloza ibaada yaya. ²⁰ Kukugilango idyinyegeje uguhusu inyota ndwi zowabhonye mmabhoko yanje wikigabhogabho, nakiya ikinala chidhahabu chitala ndwi: Inyota ndwi ni Mpemu wa yaya Mashengelo ndwi, nikinala chitala ndwi ni yaya Mashengelo ndwi."