¹ Yesu yalinjiye nukuchila hagati mliyeliko. ² Na ah haliho umuntu ahamagagwa Zakayo. ³ Yali ageza kumubhona Yesu numuntu ateyente, aliko ntiyashobhoye kubhona kungene yikongano cha bhantu, kuko yali mgufi wukuleha. ⁴ Kwalintyo yalagiye abhinga imbele za bhantu, alulila halugulu yu mukuyu ukugila ashobhole ukumubhona, kuko Yesu yalegeye kuhita inzila iyo. ⁵ Akanya Yesu hoyashise ahantu haya, yalalavye halugulu alamubwila Zakayo, shoka ubhinze ukubhela umusi bhulakwiliye ndidigwe imuhila iwawe. ⁶ Alakola abhinze aloshoka alamusasila kwi shimwe. ⁷ Abhantu bhose hobhabhonye ayo, bhalidodomba, bhagamba, mugiye kuzenzela umunyavyaha. ⁸ Zakayo alahagarara alamubwila, labhamugabho igihimba chimali zanje ndabhaha abhakene, Na nkabha ndalamwase umuntu wowose ikintu ndamugalukiza ingere Kane. ⁹ Yesu alamubwila umusi akakiza kalashishe hagati munzu iyi, kuko wene nawo nu mwana wa Ibrahimu. ¹⁰ Kuko umwana wumuntu yaziye kulondela nukukiza abhantu bhatagise. ¹¹ Hobhategeje ayo, yalagumishije ukugaya kandi yalekanye ikigelelanyo. Kuko yali hofi yi Yerusalemu, nabhene bhalegela hagati yu bwami bwi Mana bhulihofi kubhoneka kwa lilimwe. ¹² Kwalityo alabhabwila, umukulu wawe yalagiye intala ya kulele, kugila akile ubwami hanyuma agaluke. ¹³ Yalahamagaye abhakozi bhage, chumi alabhabwila, nimkole ivyashara ukugeza hondogaluka. ¹⁴ Aliko abhantu bhage bhalamgaye na kwalityo bhalatuma abhajumbe bhagende kumukulikila nukugamba, ntitugomba umuntu uwu atuganze. ¹⁵ Bhiza bhibha hoyagaluse imuhila , amaze kugigwa amwami, Alagila abhakozi abho yali asigiye amahela bhahamagagwe iwage. Alonke kumenya inyungu yobhalonse kukukola ivyashara. ¹⁶ Uwambele alaza alagamba, Mgabho, infungo yawe ilakoze amafungo chumi ukulenza. ¹⁷ Uwo muhofsa alamubwila neza, mkozi msole kuko wa uwihahala mwijambo litoli, ulobha nubhukulu halugulu yiyo chumvi. ¹⁸ Uwa kabhili alaza, alagamba mugabho infongo yawe yikoze amafungo yatano. ¹⁹ Uwo mkulu alamubwila, tola ubhuganza halugulu yingo zitano. ²⁰ Nuwundi alaza, agamba, mugabho, ngili aha ihela dyawe ndalalifishe neza hagati mukisani. ²¹ Kuko ndalatumye kuko wewe ulakaze, ulakulaho, chutasizeho, nukwimbula chutasizeho. ²² Wuya umukulu alamubwila, kumagambo yawe wewe nyene, ndakuchila ulubhanza mkozi mubhi walamenyese ati jewe ndumuntu akaze ndatola chontabhise, nukwimbula icho ntateye. ²³ None kutabhise ihela dyanje bwibenki kugila ngaluse ntole ni nyungu? ²⁴ Umukulu alabhabwila abhantu bhali bhahagaze aho, nimumwake iyo infungo nukumuha wuya afishe amafungo chumi. ²⁵ Bhalamubwila, mugabho bhene alinamafungo chumi. ²⁶ Ndabhabwila itya uwulinacho alahabwa ukulenza aliko wuya atakifishe, nangwa nakiya chafishe kilatagwa. ²⁷ Aliko abhantu bhanje, bhene bhatagovye umwami wabho, nimubhazane hano nukubhicha imbele yanje. ²⁸ Amaze kugamba ayo, yalagiye imbele akuka agenda Iyerusalemu. ²⁹ Halabha hoyalagiye Bethfage ni bethenia, hegeye umusozi wi mizaitumi, yalabhatumye abhigishwa bhage bhabhili. ³⁰ Agamba, nimugende hagati yikijiji chutulanyi mwinjiye mlasangayo umwana wi ndogolohe atalakulikwa ni mumutekulule mumuzane iwanje. ³¹ Umuntu abhabhajije nikuki kumuhaye mumtekulule? gambe, umugabho alamugomba. ³² Bhaya bhoya tumye bhalagenda bhalamubhona umwana wi ndogotoha nkuko Yesu yali abhabwila. ³³ Hobhali bhamuzilikulula, umwana windogoloha abhamuganza bhalabhabwila, Nikuki muhaye mumuzilikulula umwana windogomba awuu? ³⁴ Bhalagamba, umugabho alamugomba. ³⁵ Kwalityo bhalamutwalila Yesu, Bhalanzani sasa umwenda zabho halugulu yumwana wi ndogobha, nukumubhaza Yesu halugulu ya yene. ³⁶ Aho yali ahaye agenda abhantu bhalasanze za myenda zabhu mwibhalabhala. ³⁷ Ahoyali agogoma umusozi wumuzaituni umukongano wose wabhigishwa bhatangula kugamba kwishimwe nukumuhimbagiza Mungu kwi njili linini, kungene yamagambo yakuze yobhabhonye. ³⁸ Bhagamba ati niwohezagigwa umwana azakuze kwujina dyu mugabho: amaholo mwijulu nubwera halugulu. ³⁹ Bhamwe mumafalisayo hagati mumukongano bhalamubwila, mwigisha, bhaholeze abhigishwa bhawe ⁴⁰ Yesu alishula, alagamba, ndabhabwila, akabha abho bhaholeye, amabhuye yalakusanyijwe. ⁴¹ Yesu hoyagwegeye ugwo lugo yalaluliliye. ⁴² Agamba ati wobhaye amenya na wewe hagati kumisi iyi amagambo yakuzanila amaholo aliko none yalanyegejwe mumaso yawe. ⁴³ Kuko imisi yihaye yiza aliko abhantu bhawe bhalubhaka ulugo hamwe na wewe, nukuzunguluka nukuhunikiliza ukuva kila luhande. ⁴⁴ Bhalakuta hasi wewe na bhana bhawe, ntibhalokuzingila nagwa ni bhuye limwe halugulu yilindi. Nkuko ntiwamenyese akanya Mungu hoyali ahaye agenda kukukiza. ⁴⁵ Yesu yalinjiye mwisengelo, alatangula kubhinuga Bhaya bhali habhaguza umwo. ⁴⁶ Abhabwila, bhilandiswe inzu yanje ilobha inzu yukusengelamo, aliko mwemwe muyigize kubha ichombo cha bhakanyi. ⁴⁷ Kwalityo Yesu yali abha yigisha kila munsi mwisengelo. Amakuhani bhakuze na bhigisha bhamateka nibhiongozi bhabhantu bhagovye kumwicha. ⁴⁸ Aliko ntibhalonse inzila yukukola ntyoo, kukwo abhantu bhose bhali bhahaye bhamutegeza kukwitegeleza.