¹ Bhene wachu, siyo bhenshi mulimwemwe mugombegwa kubha abhalimu, mkamenya kwamba tulakila ihukumu yikuze ukulengelana. ² Kwakuwa twese twonona hagati yinzila zenshi. Ugasanga uwo wose ahola ata chitaala hagati ya magambo yage, uwo numunytu wumukamilifu, yoshobhola kulagila umibhili wage wose nyene. ³ None ugasanga tubhika ihjamu zi farasi hagati iminwa bhalatuke nguruka na two shobhola guhindukiza imibhilki yabho yose. ⁴ Numenye Pia kwamba imeli, naho aliyinini nuguhegwa ni mboge yikaze, zongo zwa nulusukani lutoli chane ukugenda ahohose hava nahoza. ⁵ Nangwa nintyo, ululimyi ni chungo gitoli chumubhili, aliko lushimila ayakuze chane. Labha ipolo linini dyoshobhola kuchanwa ku bhikeke bhitobhito vyumulilo. ⁶ Ululimyi nyene nu mulilo, ni ntala yu bhubhi, wasizwe miongoni mwi vyungo vyumubhili wachu, bhali chafuza umubhili nu kusiga haruguru yumulilo inzila ya maisha na bhatuligwa nu mulilo womukuzimu. ⁷ Kila aina yigikoko cho mwiporo, ni nyoni, ichavula ni kilemwa chi bahari kiladhibitishwa nabhanadamu. ⁸ Aliko nta mwana wu muntu na wumwe yoshobhola kulagila ululimyi; nubhubhi bhutatuliye, bwuzuye isumu yugunfisha. ⁹ Kululimyi tulamuhimbagiza umwami na data wachu na kwuwo tulabhasibha, abhantu bhalemwe kumufano wa Mungu. ¹⁰ Hagati yu munwa uwonyene wugamba amagambo yi fuhu nulusibho. Bhene wachu amagambo aya siyagombegwa ukubha. ¹¹ Mbega, igisima kimwe kilasho bhola kutola amazi ya dyoshe na ya kaliha? ¹² Bhene wachu, mbega igiti chumtini kila shobhola kuvyala amatunda yu muzeituni au umuzabibu wula vyala amatunda yu mtini? Wala induru ya mazi umunyu siwutola amazi yatafishe nu munyu. ¹³ Ninde muli mwemwe afise ihekima nu bhumenyi? Hebu umuntu uwo ni yele kane amaisha ya sole hagati yi bhi kogwa vyage kukwi twalilika kutokana ni ihekima. ¹⁴ Aliko ugasanga mubhana iwivu yi kaze ni niya yubhu binafisi mumitima yanyu, simwivune nukugamba ubhubheshi mhakana ukuli. ¹⁵ Iyi siyo ihekima yiya yigogoma ukuva haruguru, lakini ibadara yage nayi gihugo, sa yumtima nayi bhisigo. ¹⁶ Aliko ahali iwivu nubhu binafsi bhuliho, haliho ivurugu na kila amatendo yabhi. ¹⁷ Aliko ihekima yiva haruguru, kwanza ni yisole kandi ugushima amahoro, ukwitonda nu bhukarimu, bwuzuye ikigongwe na matunda ya bhereye, atakupendelea abhantu fulani, nukuli. ¹⁸ Nitunda dyukuli litegwa hagati ya mahoro kulibhaya bhakila amagambo ya mahoro