¹ Yakobo, umtumwa wa Mungu nuwa Bwana Yesu kristo, kumidyango chumi na yibhili ya sambaganye, salaamu. ² Nimubharule kuwa nishimwe lilengelanye, bhene wachu, homuchila hagati yi ngolane zitanye tanye. ³ Mumenya kwamba ukugezwa kwumwizero wanyu kulabhaha ubhyvumilivu. ⁴ Nimuleka ubhuvumilivu bhukamilishe ibhi kogwa vyage, ngo mushobhole guko mela mukuli, Hatari ugukehegwa hagati yidyodyosi. ⁵ Aliko ugasanga umuntu hagati yanyu agomba ukwitwalilika, ayi sega ukuva iwa Mungu, ni yo yitola kugushima na hatali ugukankamila kulibhose bhamusega, na alabhaha ukwi twalilika. ⁶ Aliko nusenge kumwizero, hatari amashaka, kuku bhona uwu bhana amashaka ni nka mawimbi hagati yi bahari, atogwa ni mboge nuku nugwa idyanino. ⁷ kukuri umuntu uwu ntasalile kwamba ala kigwa iombi dyage ukuva iwa Bwana. ⁸ Umuntu uwu aliningene zibhili, siimala hagati yinzula zage zose. ⁹ Bhene wachu umkene alagombegwa kwivuna hagati yugu hagalala kwage harugulu. ¹⁰ Kumwanya uwo mwene wachu umutunzi hagati yu kwitonda kwage, kwisababu alavaho nkakuya kwi shugwi dyo mwibhonde hagati yu mulima wa chilamo. ¹¹ Izubha lilasokoka nu mulilo wubhabhura wumisha ni bhimeze, na mashugwi yalakolaka nu bhusole bwage yalapfya. niko bhili abhantu bhabhalonsi bhala chafuka hagati yi bhikogwa vyabho. ¹² Ala barikiwe umuntu wuya yemelela ingolane, kuko baada yugu shinda ingolane izo, alakika itaji yubhukomezi, yali yilaganiwe kwa bhaya bhakunda Mungu. ¹³ Umuntu wowose ntagombezwa kugamba hajalibiwa, "ijalibu ili liva kwali Mungu " kwa sababu Mungu sajalibiwa nu bhubhi, na Mungu wenenyene hajalibu uwowose. ¹⁴ kila muntu alajalibiwa ni tamazage zibhi zimubheha nu kumutwala kulele. ¹⁵ Niho baada yitama yi Dhambi yegula inda, i Dhambi kuvyagwa, na baada yi Dhambi ugukomela sawasawa, bhi helela hagati yulupfu. ¹⁶ Bhene wachu bhakundwa, simubhehwe. ¹⁷ Kila zawadi yisole na kila zawadi yi kamilise yiva harugulu, yigogoma hasi ukuva iwa data wa habhona wene sahinduka nkigivuli gihinduka. ¹⁸ Imana yalachaye kuduha twebwe ubhulamvyi kwi jambo dyukuli, kwamba dushobhole kubha nkuru vyalo gwa mbele muli bhiya bhilemwa vyage. ¹⁹ Mlamenya ili, bhene wachu bhakundwa. kila wumwe alagombegwa kubhana ubhumenyi bwugutegeza, siyo ubhumenyi bwu kugamba wala ukulaka. ²⁰ Kukubhona ibhi lakali vyu mwana wu muntu sibhi shobhola kukola ukuli kwa Mungu. ²¹ Kulintyo ni musige kulele ubhuchafu bwi vyaha nubhubhi bwose bhuli ahantu hohose, na kubhunyenyekevu ni mudya kile ijambo dya tewe muli mwemwe lili nubhusho bhozi bwukukiza imitima yanyu. ²² Nimu kenguluke ijambo, mulitegeze gusa, mkibheha inafisi zanyu mwemwe nyene. ²³ Nkuko uwowose alitegeza ijambo atalikolela ikazi ni sawa numuntu yilabha mluhanga gwage gwosi hagati yi yichilole. ²⁴ Yisaliza uruhanga gwage, nukugenda kwage na baada yumwanya mugufi alibhagila nu kwa saa. ²⁵ Bora umuntu wuya yilabha kubwa ngalifu isheria kamili, isheria yu bhuhuru nu kwendelea kuyikenguluka, si kwa sababu wene nuwutegeza nu kwi bhagila, uwu muntu alahezagigwa huko ayikola. ²⁶ Ugazanga umuntu wowose asalila kuwa numuntu wi dini, aliko atashobhola kulagila ululimyi gwage, abheha umtima wage ni dini dyage ni bule. ²⁷ Idini lilukuli nilitononwa imbele za Mungu wachu na data ni li: ukubhafasha abharushi na bhakechulu hagati ya magogwa yabhu, nu kwilinda bhenenyene nu bhufisadi bwi ntala.