¹ Kulityo, kwa kuwa kristo yabhigagulise kumbhili , namwe nimwi yambike isilaha za moja kwa moja. Wene yatesese kumubhili alatantanye nivyaha. ² Uwo muntu ntalosubhila kandi ukwichala mwitama zumunbhili, bali kulukundo dya Mungu, kumaisha yage yalosigala. ³ Mukanya gahise kakwiye kugukola amagambo ya mataifa yuko bhagomba gukola ubhufisadi, umutima mubhi, ubhulevi, ubhuhuvyi, amadenga yigipagani nugusenga igisanamu vyose bhigayishanya. ⁴ Bhasalila bhagilango nikintuchuko bhatarabhona mukabha muhaye mwivanako kugukola amagambo nkayo hamwe na bhene, kulityo bhalagamba mabhi hejuru yanyu. ⁵ Balotola ihesabu kwawuya ali tayali uguhukumu bhaya bhakomeya na bhapfuye. ⁶ kukugomba kwili ngene injili yala hubiliwe iwabho bhaya bhaze bhalapfuye naho bhaze bhara hukumiwe mumibhili yabho nka bhanadamu, ili bhayobhole ukubhaho iwa Mungu muli Roho. ⁷ Umwisho wa magambo yose wuhaye wuza. Kwa hiyo, mubhane ubhumenyi bhulukuli, namubhane ni nia yisole kwiajili ya masengo yanyu. ⁸ Hatalabha amagambo yose, nimubhane ni bidii hagati yulukundo kuli kila wumwe, kukubhela ulukundo ntululonda ivyaha vyabhandi. ⁹ Nimwelekane ubhutinyanani kuli kila wumwe hatali ukugayana. ¹⁰ Nkuko kila wumwe wanyu koyakiye impano, myikoleshe hagati yugufashanywa, nkabhahagalisi bhiza bhi mpano nyeshi zuko yatanze bhule Mungu. ¹¹ Ikabha umuntu ahagamba, na abhe umaasi ya Mungu, nakabha umntu ahudumye, na habhe ubhuwezo bwoyahawe na Mungu, ili kila ijambo Mungu alonke ugufuhugwa uguchilila Yesu Kristo. Ubhutugufu nubhushobhozi bhibhana wene imisi ni misi Amina. ¹² Abhakundanyi, ntimubhalule ikigezo chuko kiloza kubhageze nkikitu chubhulazi, naho alikintu chikilazi chaligikoleka iwanyu. ¹³ Aliko hukomuhaye mwendeleya nukumenyela amagogwa kuli kristo, nimushime, ili mushime kandi nukuvyina mubhufunuo bwu bhutukufu bwage. ¹⁴ Ikabha bhabhatuse kwijili yizina dya kristo, mulahezagiwe, kukubhela ya Roho wubhutugufu na Roho wa Mungu yichala hejuru yanyu. ¹⁵ Aliko ntabheho wowose aloteswa nku mwichanyi, umulanvya, uwukola amabhi, au yikolesha amagambo ya bhandi. ¹⁶ Aliko umuntu ahaye abhigaguzwa nku Mkristo, Asiaibike, agombegwa amushime Mungu mwidyo zina. ¹⁷ Kwa kuwa akanya kalasohoye kihukumu ugutangula munzu ya Mungu. Na ikabha yanzila iwachu, bhilo bha nte kuli bhaya bhataitinya injili ya Mungu? ¹⁸ Ikabha "abhalukuli bhakizwa kukuchila muyagumye, bhilo bhante kwa wuya muntu atagila ukuli na alinivyaha? " ¹⁹ Kulabho bhose habhateseka ukulingana nulukundo dwa Mungu bhasubhizeho inafsi zabho kumlemyi umwaminifu ili bhagihaye bhakola masole .