¹ Bhasi kwihabari yamagambo yaya yiko mwandikiwe, nibora umgabhogabho ntamkoleko umgolagole. ² Lakini kwiajiri ubhuzenga kila umgabhogabho na abhane numgole wage wene yene, nakila umgolagole na abhane umgabho wage wene yene ihaki yage. ³ Umgabho na amheleze umgole ihaki yake, nityoityo numgole amheleze umgabho ihaki yage. ⁴ Umgole habhanye iamri lugulu yumubhili wage, bali umgabho gabho habhana amamlaka lugulu yumubhili wage, bali umgolagole. ⁵ Ntimwankilane isipokuwa mlelewanye kumda, ili mlonke ifalaga kugusali; mgalukilane kandi, Shetani ntaze akabhajaribu kukutobhana ikiasi chanyu. ⁶ Lakini hangamba iyo, kugutola uluhusa dwanje, wala siyo amri. ⁷ Ila liya dyonkunda nikuwa abhantu bhose bhabhe nkiko ndi najewe; lakini umuntu alabhana ikilama yage weneyene iyiva iwa Mungu, uwo hivi, nahuyo hivi. ⁸ Lakini handabhabwila bhaya bhatalongoza bado, nabhajane, nibola bhichale nkuko ndi. ⁹ Lakini bhatashobhola ukwizibhila, na bhelongoze; maana nibora ukwenda kuliko ukwaka itamaa. ¹⁰ Lakini bhaya bhazabhahweje ukwendana handabhatuma; wala aho siyo jewe, ili Bwana; umgole ntalekane numgabho. ¹¹ Lakini, kabha alekanye nawene, nayichale na ntiyendwe, au yelewane numgabho; tena umgabho ntamleke umgole. ¹² Lakini abhantu abhandi handabhabwila jewe, wala siyo Bwana, na nukugilango kabha ndugu wumwe abhanye umgole atamini, na numgole uwo yemela ukwichala na wene, ntamleke umgole. ¹³ Numgolagole, abhanye umgabhogabho atamini, na numgabho uwo alemeye ukwichala na wene, ntamleke umgabho. ¹⁴ Kukugilango umgabho wuya atamini atakaswa kuguchilila umgole; nawuya umgolagole atamini atakaswa uguchilila umgabho; kabha bhitobhaye ityo, abhana bhanyu bhobhaye siyo bhasole; bali itya nabhatakatifu. ¹⁵ Lakini wuya atamini agiye, na agende. Aho uwo ndugu wu mgabhogabho au ndugu wumgole hiyugwagwa. Lakini Mungu alatuhamagaye mwi amani. ¹⁶ Kukugilango umenya nte, wewe umgolagole, kabha umwokoa umgabho? Au umenya nte wewe umgabho gabho, kiko umwokowa umgole? ¹⁷ Lakini kuko Data yamgabhanyije kila muntu, kuko Mungu yamhagaye kila muntu, naagende ityoityo. niho handagiza kumashengelo yose. ¹⁸ Je! umuntu frani yalahamagawe ihali azayasilamuwe? Yikole kana kwamba ntiyatahiliwe bado? bhasi asitahiliwe. ¹⁹ Ukutahiliwa siyo ikintu, nakuto kutahiliwa siyo ikintu bali ukuzibhika iamri za Mungu. ²⁰ Kila wumwe asigala kubwito bwoyahamagaye na Data ukwamini. ²¹ Wali ulumtumwa hiko Data yaguhamagaye? hujali uguhusu ayo. Lakini kabha uyobhola ukubha tyoyene, kola ityo. ²² Kwaliwumwe yahamagawe na Data nkumutumwa aluhulu mwali Data, nkakuya, wumwe alihulu uwahamagawe ukwamini numtumwa wa Data. ²³ Muza mwalaguzwe kukintu kibheleye, ityo ntimubhe abhatumwa bhabhanadamu. ²⁴ Bha Dada na Kaka bhanje, kumaisha ayoyose kila wumwe wachu hotwahamagawe ukwamini, dukole nkakuya. ²⁵ Sasa, bhaya bhose bhatalabhona, sindamlisha ukuva iwa Data, Lakini handabhaheleza amagambo kuko indi. Kukigongwe cha Data, izaminika. ²⁶ Kwahiyo hansalila ityo kukugilango yubhusumbufu, nikwene umugabhogabho yichale nkuko ali. ²⁷ Ulafunzwe kumgolagole nukukiatu chindoa? ntigombe ubhuhulu ukuva ityo. Ubhana ubhuhulu ukuva kumgole au ntulalongozwa? Ntulondele umugole. ²⁸ Lakini ulongoje, hulakola ivyaha. Nakabha umgolagole, halakola ivyaha, Bado habhabhona habhalonka ubhusumbufu bwiaina kulele kulele. Nanje ngomba ndabhakwepeshe nayo. ²⁹ Lakini hangamba itya, bha Dada na kaka bhanje, umuda niwutoli, ukuva tya nukwendeleya, bhaya bhichala nabhagole bhichale nkabhaya bhatabhanye. ³⁰ Bhose amaskitiko bhikole nkabhatabhanye amasikitiko, na bhose bhahabhashima, kabha bhali bhatahabhashima, nabhose bhatahabhagula ikintu chochose, kabha bhatabhise ichochose. ³¹ Nabhose habhashugulika ni ntala, bhabhe nkabhatalashugulika nabhene, ukugilango imitindo yintala hayishika umwisho wayene. ³² Lakini hangomba ntimubhane nubhusumbufu. Wene atimla yishugulisha namagambo ya Bwana, mubhela inte iwa Data; ³³ Bali wene alongoje alishugulisha namagambo yintala iyi, kuko alomubhelela umgole. ³⁴ Tema yilitofauti iyi hagati yumgole numwana mwali. Wene atalongozwa alishugulisha namagambo ya Data, alonke ukubha umtakatifu umubhuli wa mpemu. Lakini wuya yelongojwe alishugulisha namagambo yintala iyi, jinsi alivyo mupendeza umgabho. ³⁵ Hangamba ayo yabhafashe, siyo kukugilango ndabhatege ikitanzi, bali kwiajiri yabhiya bhibheleye, tena mlonke ukumhudumiya Bwana hataliho ukubwegwa namagambo ayandi. ³⁶ Lakini umunyu wowose hayabhona hiyayamkolela umwanawali wage ibhikundwa, kabha uwo achiye ubhusole bwubhujana bwage, nayibhaye ihaja, basi, akole kiko agomba, hakola idhambi, na abhalekule bhendane. ³⁷ Lakini wene ahagalaze kubhubatili wumwoyo wage, hasa ishariti, lakini alayobhola kuyatawala amapenzi yage, tena alakusudiye mumutima wage ukumlinda umwana mwali wage,alakola bhisole. ³⁸ Basi, nityo umwimuza umwana mwali wage akola bhisole; nawuya atamwimuza alozidi ugukola bhisole. ³⁹ Umgolagole ategegwa umwanya maadamu umgabho alihayi, lakini umgabho afuye, alihuru ukulongozwa numntu uwowose amgomba; mwali yesu gusa. ⁴⁰ Lakini bola wene hayichala nkiko ali; niko hambona najewe, naje hanzani impemu yimana.