¹ Koussou wo,man ndjrètchrè bô o ti fohon djrègni Gnamian mra nou. ² Kan tchré mgbangni mô ka sè bé djorè mô man bè yo boussou,bé yo agnisso nou,bé yo bo o fata,sèsè dédi nou,krolè nin agnin-miannin wa. ⁴ Sô kon gba nin,kan tchré mra mgbangni mô bè sayeriè yo ka sounan mô bô bè nanti sanhou.On vata ka bè tritria sounan mô.On vata ka bè kôssou nôn zan biékou,koussou o fata ka bè man afoutoué bô o ti kpa; ⁴ Bé yo sô nan ndaloua mah mô ba souan souan bè,bè gnan djoudjô tchré man bè bé hro bè hou mô nin bè mah mô, ⁵ bé yo ndjrèfouè mô nan ba yo wégni,nan ba nian bè adjaha sou,nan bè gnin a sô bé hou nan Gnamian nouan djorè wa yo béki. ⁶ Sô kon gba nin,gnan djoudjo tchré man mgbafounan mah mô nan ba yo ndjrèfouè, ⁷ nan a hré wo won bè croi bè gnounou nan ba souan souan wo djouman kpa bô eyo mô nan a man bè ndjrètchrè wégni, bô o vata,anouan djorè djrègni,bô o tra sou bô bè groi gnan y won djorè ngan, ⁸ kan djorè y nouan sou bô bè ngroi gnan y nouan yi brè nan gnanzouan a hou kpôfouè,nan wa gnan tê fi a ngan yê won. ⁹ O fata ka akoi mô bè gnin sô bè mgbangni mô nigué croir nou.Bé yo nan bè won a yo bè agnidié,man bè kaki bè nouan, ¹⁰ man bè woua bè nigué piti bôbô,koussou ba hré bè djouman kpa bô bé di y nouan sou,nan ba fa agnisso a man Gnamian mra bô ti yê défouè. ¹¹ Gnamian y adahrôman bô o déri manvouè croir bé ti wa fa y won a hré. ¹² O mannin yê ndjrètchrè ka yê yi yê won fité fian won nin man nin y nou krolè nigué mô nan ya ngroi tran manh èka nou nan ya fa adjounin, sèsè,nin yê hroi goua brè Gnamian sou. ¹³ Tem bô yê mindè yê gninboutchelin agnindasouè,nin y won kinkanlè anoumougnan bo fi yè min Gnamian kpri nika nin yê défouè Jésus Christ. ¹⁴ Jésus fari y won mannin yê,nan wa tô yê ètê mô croir bé ti kalè nan wa yo kouré bô o ti y diè, y bôbô yori y sanhoun nan wa gnan a won kikan man y djouman kpa mô. ¹⁵ Kan sô nigué mô,djoudjô tchré bè nan a tou bè fouè tchintchin kpa. Man sounan fi kpô wo.