¹ Mgati ya majuva ava, kwaveli kandi na lipinga likomi, na vaveli na filivi ha. Yesu kavakema vanashuli vaki kavaombela. ² "Ngulisungukila lipunga ali yayendelela kuva ghani kwa majuva matatu na vavahela filivi. ³ Panduvamwagha vawuyi mukaya shawu bila kulya vakuwesha kushulula mdehamu kwa njala. Nna lipinga lido kwa liyawu vafuma kutali munu." ⁴ Vanachuli vaki vamuyangula, "Datupati koti mikati ya kukila vandu ava vamungengeleka ayi yavailekili?" ⁵ Kavadasha, "Muna vipindi finingi fya mikati?" Vadeta, "Saba." ⁶ Kavalakalila lipinga kikali pasi. Katola mikati saba, kamudadavila Chapanga, na kuyumetula. Kawapa wanachuli vaki vayiviki kuulongolu yawu, vaweni vayivika kuulongolu ya lipinga. ⁷ Napuvaveli na vasombavadokwa chipinga chidokwa na padadavili kala. Kavalandulila vana chuli vaki muuvaghavili na afi na fyiu. ⁸ Valili na kuyikuta na vakungili fipindi fisighalili, fikapu fikomi saba. ⁹ Vaselili pabehi ya vandu alufu mchechi na avalekili vayendi. ¹⁰ Bahala ayingilili mu watu na vana chuli vaki, na vayumba mumgengeleka ya Dalimanuta. ¹¹ Pambeli vatambika vakomi vafu milipanji na kukanda kulimbana nayu. Vadayilagha avapa chilangushilu kufuma kululanga , kwa mayeshu. ¹² Kayilyunga kwa unofu mundima yaki kadeta, "Kwa sabu ya liki chilelu achi chikusaka chilangushilu? Nguvawombela yumwi na kaka kwahela chilangushilu dafumishiwi kwa chilelu achi." ¹³ Pambeli kavaleka kayingila mugati ya watu kandi, kawuka kayenda mgengeleka yingi. ¹⁴ Chipindi chi vana chuli vayivasuwuli kutola mikati. Vaveli hela mikati nendu ya chipindi chimu chiveli mu watu. ¹⁵ Avakayikili na kudeta, "Muvi mesu na mwivavali kuulongolu wa ujejemu wavatumbika vakomi na ujejemu wa Herodi. ¹⁶ Vanachuli vayishoshili veni kwa veni, "Ayi kwa nongwa tuvahela mikati." ¹⁷ Yesu alimanyili ali, na kavawombela, "Kwa liki mukwishosha kwa nongwa ya muvahela mikati? Mumanya ng'odu pakali? Mumanya ng'odu? Ndima shenu siva mbusu? ¹⁸ Muna mesu, mkulola ng'odu? Muna majeji mupikanisha ng'odu? Muna ngumbungumbu duhu? ¹⁹ Pamaghanishili mikati mihanu kwa vandu alufu muhanu, mutolili fikapu finingi fiveli fimema fipindi fya mikati?" Vamiyangula, "Lilongu na fivili." ²⁰ "Na pamaghanishili mikati saba kwa vandu alufu mchechi, mwatolili fikapu finingi?" ²¹ Vadeta, " Saba." Kavawombela, "Pakali mumanya ng'odu?" ²² Vayisa Bethsaida. Vandu ava vamuyeghili mundu ngali mesu na vanuluva Yesu amunikufyi. ²³ Yesu amukamulili kwa mawoku yula ngali mesu, na kumlongosha panji ya chijiji. Patemi mita kumbindi ya mesu vaki na kuwolola mawoku vaki kupindi yaki, kandisha, "Ukulola chochosi?" ²⁴ Alolili kumbindi na kudeta, "Ngulola vandu vakuwonikana kucha mipiki iku ikuyendayenda." ²⁵ Apaalolili kandi mawoku kumbindi ya mesu vaki mundu yula kafuuwuka mesu vaki kalola kandi, na kalola kila chindu nyanyi. ²⁶ Yesu amulekili ayendi kaya na kumuwombela, "Koto kuyingila kumbwani/" ²⁷ Yesu awukili na vanachuli vaki kuyenda fijiji fya Kaisalia ya Filipi. Pavavgha mdeha avadashili vanachuli, "Vandu vakudeta nenga ghani?" ²⁸ Vamuyangula vadeta, "Yohani mbatizaji. Vawonga vakudeta, 'Eliya' na vamonga, 'Yumu va wambuyi." ²⁹ Kavadasha, "Lakini yumwi mukudeta nenga ghani?" Petro kamuwombela, "Yuwi Kilistu." ³⁰ Yesu avakayikili vakotoo kumuwombela mundu yoyosi kwa nongwa ya mweni. ³¹ Na kakanda kuvawula nagiveli Mwana wa Adamu lasima atesheki kwa milandu itangalili, na dakaniliwi na fiongosi na vatambika vakomi na vayandika na davamuwulayi na lijuva lyatatu dashukuki. ³² Adetili afi kacheja ela apa Petro kamtola kumbambali na kukanda kumulakalila. ³³ Lakini Yesu aghalambukili na kuvalola vanachuli vaki na kumulakalila Petro na kudeta, "Shetuki kushetu yangu lijangavandu! Kamanya ha milandu ya Chapanga, ila milandu ya vandu." ³⁴ Pambeli kalikema lipnga na vanachuli vaki pamu, na kuvawombela kucha kuna mundu akudayila lumgovekela, al=yilemi mweni, atoli lipinjika lwaki na angovikeli. ³⁵ Kwa kuva yoyosi yadayila kulokola wikalu waki gavayaghanishi, na yoyosi yadayila kuyaghamisha wikalu waki kwa ajili ya nenga, na kwaajili ya chilongu cha nyanyi cha Chapanga galokoli. ³⁶ Akufwayidika liki mundu kapata mlima wosi, na pambeli kapata chindu ng'odu muwikalu waki? ³⁷ Mundu akuwesha kufumisha liki badili ya wikalu waki? ³⁸ Yoyosi yang'onela soni na filongu fyangu mu ulelwa awu, na ulelwa wa yivaveli na sa,bi. Mwana wa Adamu daamuwoneli soni payisa muwutwa wa Tati waki pamu na vamakungu vang'alili.