¹ Yavelimajuva maviliu hela kupita kw alilungu lya pasaka namikati ingaji ujejemu. Vatambika vakumi na vayandika vaveli vakusaka fwasi ya kumukamula Yesu kwa chifisu na kumuwulagha. ² Kwa nongwa vadetili," Chipindi achi cha lilungu ha, vandu vakotoo kugola ndilingi." ³ Chipindi Yesu kava Bethania kaya kw aSimoni mwanamgonjwa wa mwiku, na paghaveyi akuyenda pamesa, mung'inesu yumu kesa kwa mweni paghava na sua ya mafuta va kumuwingilila na vatamilili nendu, ayi baluli ya mutwi waki. Kuyitili kumbindi ya mutwi waki. ⁴ Lakini kwaveli na lipanga lido kwa vakalalili vayiwombilili veni kwa veno pavadeta," Nongwa liki uyang'anifu awu? ⁵ Mafuta ava vanga nadiwili nendu ya mbiya mya tatu na kuvagila vagaju." navu vamukalilili. ⁶ lakini Yesu adetili" Mumuleki weka hela. Kwa nongwa liki mukuyashinganya? Kagola chilongu cha nyanyi kwa nenga. ⁷ Majuva vosi vagaju mnavuna chipindi chochosi pamubayilila mukuwesha kugola fya nyanyi kwa veni. Lakini damuvi na nenga chipindi chosi ha. ⁸ Kagola kila chawesha: kawushagha mvili wangu mafuta kwa nongw aya kusikiwa. ⁹ Nakaka nguvawombela,kila ngengeleka chilongu cha Chapanga pachilanduliwa mu mlima vosi, chila chagoliuli mningesu ayu dachichimuliwi mgumba ngumbu yaki. ¹⁰ Pambeli Yuda Iskariote yumu wa vala lilongu na vavili, ayendili kw avatambika vakomi ili aweshi kuwapa veni. ¹¹ Chipindi vatambika vakomi pavapikanishili afi, vasekililili na kmjanga kumupa mbiya akandili kusaka fwasi ya kuvapa veni. ¹² Mlijuva lya kwaa lya kati lingajila la ujejemu, chipindi cha vafuisheyi fungami wa pasaka, vanachuli vaki vamuwombilili,"Ukudayila tuyendi kati tukatalishi ili uweshi kulya filivi fya pasaka?" ¹³ Avalayishilili vanachuli vaki vavili na kuvawombela," Muyendi kumbwani na mlulumi ya yeghili chiyungu datangami nayumwi mumukovikeli. ¹⁴ Nyumba yayingila mumukocikeli na mumuwombelimwana nyumba ayi,' Muwula kadeta, hivakoti chumba cha wahenja pamahali da ndulyi pasaka navanachuli vangu?" ¹⁵ Davalangushili chumba cha kumbindi chikomi chiveli na malumbu kw anpngwa chiv atayari. Mgoli utalisho kwa nongwa yetu pala." ¹⁶ Vnachuli vawukili vayenda kumbwani. Vawonili kilachindu kucha iveli pavawombilili, na vatalishi mulya wa pasaka. ¹⁷ Chipindi payiveli imithi ayisili navala lilongu na vavili. ¹⁸ Na pavaveyi vakuyiselela musana na kulya, Yesu adetili," Nakaka nguvawombela,Yumu kati yumu yaghala pamu na nenga dashengeti." ¹⁹ Vosi vang'ong'utikili, na yumu vamuwombilili," Nakaka nenga ng'odu?" ²⁰ Yesu avayangulili na kuvawombela ,"Ayu yumu wa lilongu na vavvili mgati yenu, yumu yaveli akulikishila ndongi yaki mu bakuli pamu na nenga. ²¹ Kwa nongw amwana wa Adamu dayendi kucha yiveli mayandiku yivadetili kumbindi yaki. Lakini pishu nimuwoni mundu yaveli kuppitila mweni mwana wa Adamu davamshengeti!ligaveli nyanyi mundu kw amweni kucha mundu yula angawoni kili ng'odu." ²² Na pavaveyi akulya, Yesu atolili likati, kumlumba Chapanga, nz kulimutula,avapili padeta," Mtoli. Awu ndi mvili wangu." ²³ Atolili lwindi, kamlumba Chapanga, na kulimutula, avapili, na vosi lulandila. ²⁴ Avawombilili," Awu mwasi wangu wa chilaghamu, mwasi umanyika kwa ajili ya vatangeli. ²⁵ Nakak nguvawombela,danandi kandi ha mu uwekwa wa misabibu mbaka lijuva lila panyisa nandoi yashonu mu wutwa wa Chapanga." ²⁶ Pavamalilili kusomola musambu, vayendili panji mu chidunda cha Mizeituni. ²⁷ Yesu avawombilili," Yumwi mwavosi damuyikali kutali kw anongwa ya nenga, kwa nongwa iyandikiwa, 'Dandumtovangi mdima na vameni davamwayiki pwilili.' ²⁸ lakini pachiwonu pashulukili ni mweni, dandwavalongoli kuulongolu yenu Galilaya." ²⁹ Petro amuwombilili," Payiva vosi davakuleki, nenga ngukuleki ha." ³⁰ Yesu amuwombilili nakaka ngukuwombela, pamishi hapa njowolu akalihela kuvi kavili dawuvi kumema la tatu." ³¹ Lakini Petro adetili," Hata dayi nasimishi kusova pamu na yuwi, dangulemi ha." vosi vafumishili chilaghanu chichila. ³² Vayisi mu ngengeleka yakemewagha Gethsemane, na Yesu kavawombela vanachuli vaki," Mwikali apa chipindi ngudadava." ³³ Atolili Petro, Yakob n aYohana pamu na mweni, vakanfa kupwilesha na kushushuktika nendu. ³⁴ Avawombilili Ndima yangu ina lun g'ongo ngu nendu hata danzovi. mwakali ba hapa na mkeleshi." ³⁵ Yesu ayendil.i palongolu padokwa kawu pasi," Kaddava, kucha ingaweshi kanili, kwa nongwa ya saa ayi ingampotili. ³⁶ Adetili," Aba,, Tati , filongu fyosi kwa yuwi fikuwa shikana. Mng'ushili lwindelu. Lakini ikotoo kwa ngudayila nenga, ila ngimu udayila yuwi." ³⁷ Awuyilina kavawona vawonja, na kavawombela Petro," Simoni wuli, mwanja? kawesha kukelesha ha hata lisaa limu? ³⁸ Mgungi mesu na kuddana kwa nongwa mkotoo kuyingila mu mayeshu, nakaka ndi,a yiva sukuseku. Lakini mvili wuva misowafu. ³⁹ Ayandili kandi na kudadava, na kawuyila filongu fifila. ⁴⁰ Ayisili kandi avawonilivawonja, kwa nongwa mesu vawu vaveli mu situ na vamanyili ng'o chindu liki eha kumuwombela. ⁴¹ Ayisili mwanja w atatu na kuwawombela," Mwakali mukawonja na kupumulila? ikwila saa ifika. Mtoli mwana wa Adamu davamshengetu mumawoku va vaveli sambi. ⁴² Muyimuki, tuyendi. Mloli yula yashengeta kava pabehi." ⁴³ Teou paghaveyi akali akaywanga, Yuda, yumu wa vala litongu na vavili, afikili na lipinga likomi kufuma kwa vatambika vakomi vayandika, na vava ha vaveli na mipanga na fimbongu. ⁴⁴ Chipindi achi mshengeta waki avaveli akuvapa chilangushilu, padeta," Yula yimumunonel,a, mweni. Mumkamuli na kumuyegha pasi ya vamachonda." ⁴⁵ Chipindi Yuda pafikili, jolajola kayenda kwa Yesu na kadeta," Muwulagha mumunomela. ⁴⁶ Pambeli vamtayili pasi yavamachonda na kumuhamula. ⁴⁷ Lakini yumu kati yawu yawolokeyi pabehi nayu asubilili lipanga lyaki amudumulili ndumindumiwa mtambika mkomina kumuketula lijeji. ⁴⁸ Yesu avawombilili," Muyisa kungamula wa mipanga na fimbongu kucha nenga mwifi? ⁴⁹ Chipindi kila lijuva ndwa vweli na yumwi na pandundawula munyumba ya kudadavila, mwangamulagha ha, lkaini ali ligoleka ili mayandiku vakwili. ⁵⁰ Na vala vosi vaveyi na Yesu vamlekili na kumtuva. ⁵¹ Chijana yumu amukovikilili yaveli kafwala mgololi weka yaghaveyi kayigubika kumushengeta, vamukamulili lakini ⁵² avaponyokili panleka mgololi bahala katuva ngelengi. ⁵³ Vamulongushili Yesu mtambika mkomi. Palavayi kungili pamu nayu, vatambika vakomi vosi, vavaha na vayandika. ⁵⁴ Petro nayu amkovikilili Yesu kwa kutali, kuyendela kuwoni kwa mtambika mkomi ayikalili pamu na vamachonda, vivaveyi pabehi na motu pavayota ili vapati luhutuhutu. ⁵⁵ Chipindi achi vatambika vakomi vosi na vahigha vosi vaveli vakusaka utovileli nendu ya Yesu ili vaweshi kumuwulagha, lakini vapatili ha. ⁵⁶ Kwa nongwa vatangeli vayeghili litovileli wa ufyangu nendu yaki. Lakinihata utovileli wawu wifwona ha. ⁵⁷ Lipinga lidokwa lyawolukili ma kuyegha utovileli wa ufyangu nendu yaki; pavadeta," ⁵⁹ Twamkanili padeta, dabomoli nyumba ya Chapanga ayi yivajengili kwa mawoku, na mgati ya majuva matatu dajengi imonga ngajila kujengewa kwa mawoku.'" ⁵⁸ Lkaini hata utoniveli wawu ni fwana ha. ⁶⁰ Mtambika mkomi awulokili pagati yawu na kumudasha Yesu ,"Wuli, kuvahela chakuyangula? vangu ava vakutovahella liki nendu yaki?" ⁶¹ Lakini ayikalili ji tengu na kumyangula chochosi ha. Baha na baha mtambika mkomi amudashili kandi,' Wuli yuwi kuva Kilistu mwana wa Chapanga yavamjuma?" ⁶² Yesu adetili," Ni mweni nenga. Na dawumuwoni mwana wa Adamu kayikala liwoku lya ml;ilu lya liwovi payisa na mafundi va kululanga." ⁶³ Mtambika mkomi amuwopolili nguwushaki na kudeta," Wuli, tukali tudayila Utaviheli?" ⁶⁴ Mpikanisah majowolu yumwi mucha wuli? na vosi vamuhukumili kucha yumu yadayila kusova. ⁶⁵ Lipinga lidokwa vakanda kumtemela mate na kumugubika kuwushu na kumdula na kumuwombela," Tungi!" Vatavala vamtolili n akumtovanga. ⁶⁶ Na Petro paghaveyi pasi ya uani, ndumindumi yumu vang'inesu va mitambika mkomi ayisili kwa mweni. ⁶⁷ Amuwonili Petili paghaveyi kuwoloka akuyota motu, na amulolili kwa kumusehelela. Pambeli kadeta," N ayuwi napu ukaveli na munasareti, Yesu". ⁶⁸ lakini aknili, padeta," Manya ha wala nguelewa ha kwanongwa ya achi chimulachi!" pambeli kafuma kayenda panji.(Mkamulili; Lukwatu alu," N anjowolu pavika kwa kuuveli ha mmu walaka wa dahili). ⁶⁹ Lakini numindumi mung'inesu pal amuwoni;i naakandili kuvawombela kandi vala vaveyi vawoloka pala," Mundu ayu kava yumu wau!" ⁷⁰ lakini akemili kandi . Pambeli padokwa vaveyivawoloka ala paveli vakumuwo kubetula Petro,' Nakaka yuwi yumu wawu, kwa nongwa yuwi napu kwa Mgalilaya." ⁷¹ Lakini akndili kuyivila mweni pasi ya malapu na kulapa," Nimumanya ng'odu mu yimu mudeta yu." ⁷² Pambweli njowolu kavika mwanja wa pili. Pambe Petro akumbukili filongu fighava Yesu aveli Aakumuwombela:" Njowolu akali hela kuvika myanja mvili, dawunemi myanja miytatui." na awili pasi n akulila.