¹ Yesu kayipaka mu watu kajabuka lihiva kawuya kwa ayikaleyi. ² Loli, akuvandu vamuyeghilili mundu yumu yapombalili mvili vamuwonjesha muulili Yesu pawoniliujumilwa wawu kamuwombela mundu yula yapombalili mwana wangu wikashangashi kupomiliwa sambi shaku." ³ Vawuli vamu va malawu vakandili kuyiwombela veni kwa veni. Mundu ayu akudumka Chapanga. ⁴ Yesu asimanyili kala hoshu shau kadeta," Kwa nongwa liki mukwihosha fya wafu mu ndima shenu?' ⁵ Choti chipukukili kudeta kupomiliwa sambi shaku au ludeta woloki yendi yendi?' ⁶ Ponopa ngudayila mumanyi kucha mwana wa Adamu kana uwesu wa kupomela sambi vandu mumlima awu to[i kamuwombela yula mundu yapombahilili tandamuki toli ulili waku ayendi kaya yaku" ⁷ Mundu yula yapombalili katandamka kayenda kaya yaki. ⁸ Vanduvosi mulipinga lila pavawonili afi vajinga na kutila vajumuwa Chapanga kuvapa vandu uwesu kucha awu. ⁹ Na Yesu papiteyi kufuma pala amuwonili mundu yivamkea Mathayo, ambayi ayikalili pachchukucha kusumula mbiya topi Yesukamuwombela ungovikeli nenga kamkovikela. ¹⁰ Na Yesu paikalei akulya filivi mugati ya nyumba vayisa vasumula mbiya na yivavelili na sambi valya filivi pamu na Yesu na vanachuli vaki. ¹¹ Mafwalisayu vamupavavawonili vavawombela mbona muwula wenu akulya pamu na vasumula mbiya pamu na yivaveli na sambi?" ¹² Yesu paaikeni kavayangwa vandu vaveli vanofu vakumdayila ng'odu mwilama yivamdayila mwilwana vala vavelili vatami. ¹³ Topi muyendi mkayiwuli maana yaki yivawombili Chapanga ngudayila lusungu wala litambiku ng'odu nenga yisa ha kuvakema vayihola vanofu yivaveli na sambi. ¹⁴ Mbambeli vanachuki va Yohani vayendilili kwa Yesu vamdasha yufwi tukuyikala kulya na mafarisayu vakwikaja mbona vanachuli vaku vakwikaja kulya ng'odu?" ¹⁵ Yesu kavawombela valalikiwili kulihungu lya kuheta vakudahiliwa kulila na kuyidedeka chipindi cha Bambu walihungu kava pamu na veni? mani ng'odu, chipindi dachifiki yaheta pawushiwa pagati yawu chipindi achi ndi davaikaji kulya. ¹⁶ Kwa hela mundu yavika chilepa cha yingwa ya shonu mu yungwa ngulungulu nongwa chilepa achi da chinyopoli yingwa ngulungulu n apala pasakilili dapayongisheki. ¹⁷ Kwa hela vandu yivavika difwai ya shonumu mihaku yadahili pavagola naha mihaku dayibaluki na difwai dayiyitiki na mijamanda dayiyanangiki ila vandu vakuvika difwai yya shonu mumijamanda ya shonu na yosi mivili yikwikala yikwi,kala unofu. ¹⁸ Yesu paghavei akudeta afi mkomi yumu afikili kamgondamila kunu padeta, mwali wangu kasova ponopawu lakini dekuteyendi ukamvikili liwoku lyaku na mweni da anani. ¹⁹ Yesu kawoloka na kumovikela na vanachuli vaki. ²⁰ Mawu yumu mtami wa lihovela kw amyaka lilongu na mivili kamkovikela Yesu kumbeli kagufya luviniku lwa yingwa yaki. ²¹ Kwa nongwa adetili," Pagushwa agolili mundima yaki pagufya hela yingwa yaki danani." ²² Yesu kaghalambuka kumuwona kamuwombela kamwali wikangashi ujumilwa waku wakulowola mawu yula kanana mwanja wuwula wula. ²³ Pambeli Yesu kunyumba ya mkomi avawonili vakuvalindenda nalipinga lya vandu vakuvika chowu. ²⁴ Kadeta," Muwuki apa, mhinja ayu kasova mg'odu kawonja hela veni vamusaka na kumkebehi. ²⁵ N avala vandu pavafumishiwl panji mweni kayingila ku chumba gati kamkola liwoku na mhinja yula kayimuka. ²⁶ Na milandu yila yikwila ngengeleka yosi yila. ²⁷ Yesu kawukapala kapita kufumapala valulumi vavili va ngalimesu mumkovikela vayendelela kulandula mwana wa Daudi, utuwoneli lusungu." ²⁸ Yesu paafikili mu nyumba, vala ngalimesu vayisi kwa mweni Yesu kavaghomela mukujumila kucha nguwesha kuvagolela chilongu achi veni vayangula ," Yina, Bambu" ²⁹ Pavayangulili naha Yesu kavagufya mesu vawu nakadeta," N ayivi ngimu umujumilili" ³⁰ Na mesu vaghu vafughuka valola . Yesu kavakayanika na kuvakombikesha mkotoo kumuwombela mundu yoyosichilongu achi." ³¹ Lakini vandu ava vavili vaghuka vakwisa filongu fya Yesu mu milima wula wosi. ³² Vandu vala valulumi pavaghukei vamuyendiluli Yesu, mundu yumu ngadeta ng'odu kwa nongwa aveli na chinyamkela. ³³ Tepu mundu yula pawushilili chinyamkela, yula mundu ngadeta kakanda kudeta. Vandu vajinga n akudeta," Chindu nga achi chikalihela kuwoneka mu Israeli. ³⁴ Lakini mafarisayi vadeta" Akuvinga finyamkela kwa liwovi wa finyamkela" ³⁵ Yesu ayendili mumbwani na fijiji pa wula mu nyumba shawawu sha Chapanga , kunu paalandula milandu minofu ya wutwa wa kumbindi ya Chapanga na kulowola matami vosi na usovafu wa ndambu shosi. ³⁶ Topi avawonili vandu lipinga kwa lipinga avaghonilili lusungu kwa nongwavaveli takitavi na chivakolili cipwena kucha cha vanafungami vagajila ndimi. ³⁷ Pali kavawombela vanchuli vaki." Fibeni fitangalala lakini vabeni vadokwa. ³⁸ Topi mumuluvi Bambuwa fibeni ayeghi vabeni vatangalili, vabeni fibeni fyaki."