¹ Muda wuwula vanashuli vayisa kwa Yesu na kumuombela, Ni yani aveli mkomi katika ung'alili wa kumbindi?" ² Yesu kamkema mwanguta mdokwa, kamvika pagati yau, ³ na kudeta," Nakaka nivawombela, pamkosa kutubiu na kuva kucha vananguta vadodokwa damuweshi haa kuyingila katika ung'alili wa kumbindi. ⁴ Topi yoyonda paiwushisha kucha mwananguta mmdokwa, mundu hayu ni mkomi katika ung'alili wa kumbindi. ⁵ Na yoyonda yampokela mwananguta mdokwa kwa litawa lyangu ambokeli na nenga. ⁶ Pambeli yoyonda yivasababisha yumu kati ya vadokwa hava yivajumila mwafu, daavi nyanyi kwa mundu haya liganga likuu kwa kusagila liwopww mungulu yaki, na kudibisha pasi ya bahari. ⁷ Ula kwa mlima kwa ujangi ya Chipindi cha kumuwosi? Kwa kuva yivaela budi kwa chipindi chiyisa, pambeli ali waki kwa mundu yula chipindi dasiyisi kwa ajili yaki! ⁸ Kucha liwoku laku au liwulu lyakii daukusababishili kukuwusi, udumuli na udangi kutali na yuwi ni nyanyi saidi kwa yuwi humweni kuyingila muusima pauva bila liwoku au chilema kuliku kudangiwa mumotu wa mileli pauva na mawoku vonda au mawoku vonda. ⁹ Kucha lifu lyandu palikukasilisha, ulitupili na ulidangi kutali na yuwi. Ni nyanyi saidi kwaku yuwi uyingili mu usima na lisu limu, kuliku kudanguwa mumotu wa mileli pauvana mesu vonda. ¹⁰ Mloli kuva mkoto kumsalawu yumu wa vadodikwa hava. Kwa kuva kuvawombela kuva kumbindi kuna makungu vau siku sonda pavalola wushu wa Tati aveli kumbindi. ( ¹¹ Mzingatilichilongu yivaonekana kucha ya msitali wa 11 kwa kuva mwaa wa ayisili kufuma kila chivelili chiyalamikili yawonikilili ha katika nakala sa pakwandi.) ¹² Muchiwola liki?payiva nandu na fungami mia mpja, na yumu wau kayalamika, je dauleki toisini na tisa na yamlima na kuyenda kumsaka yumu ayalamikili? ¹³ Na pambeli kumpata, nakaka nguvawombela, mukumfulahisha kuliku vala tisini na tisa vayalamiki ng'odu. ¹⁴ Wuwula si kwaa utama wa Tati wenu wa kumbindi kuva yumu wa vadodokwa hava akuangamila. ¹⁵ Kucha mlongu waku, paakesela, yendi kamlongusha dosari ivelilipagati yaku na mweni pavapeki yaki paapikaninisha, dauvi kumuhuwisha mlongu waku. ¹⁶ Pambeli kucha daakupikanisha mtoli mlongu yumu au avili saidi pamu na yuwi kwa kila chilongu liwesha kusibitishika. ¹⁷ Na kucha kuupuusa kuvapikanisha, liwombelinyumba ya Chapanga chilongu hachi, kucha paapuusa wuwula kulipikanisha nyumba ya Chapanga, basi na avi kucha mundu wa mlima wa msumula mbiya. ¹⁸ Nakaka nguvawombela , chochonda chila damchigoli mumlima na kumbindi dachifunguliwi. ¹⁹ Kandi nguvawombela kucha vandu vavili kati yenu pavajumila juu ya chindu chochonda, mu mlima valuvili hilu tati wangu wa kumbindi daaligoli. ²⁰ Kwa kuva vavili au vandatu pavausanya pamu kwa litawa lyangu nenga nduva pagati yau. ²¹ Kandi Petro payiza na kumuwombela Yesu," Bambu, ni mara ningi mlongu wangu paangosela nenga nimpomeli? Hata mara saba?" ²² Yesu kamuombela ng'odu kucha saba,pambeli hata sabini mara saba. ²³ Kwa ujangi hayi wutwa wa kumbindi ni sawa na wutwa fulani adaali kumsaidia kuvalanga kufuma kwa vavanda vaki. ²⁴ Paakandili kusailisha kuvalangam mvanda yumu kayenda kwaki ambayi avelu akumdayi talanta elfu kumi. ²⁵ Kwa kuva avelu ng'odu na deyaya kymulipa, Bmabu waki alaishili awulaiwi, mdala wki, pamu na vana vaki na chila chindu chaavelili nachu na malipu vagoleki. ²⁷ Wuwula mvanda aponikili kutundama paulongolu yaki paadea,' Bambu uwi naufumilifu pamu nanenga, na daanikulipi chila chindu.' ²⁶ Pambeli bambu wa yula mvanda, kwa kuva vaamsukuwilili sana na lusungu, amtekishilili na kumpomela deni lila ²⁸ Pambeli mvanda yula awukili nakumpata yumu kati ya vavanda vayaki yivaveluli akumdayi denari muiya. Kamkamula mnguly, na kumuombela unipi chila nikudayi.' ²⁹ Pambeli yula mvanda muyaki aponikili na kumusihi sana, paadeta, ' wi na ufumilifu na nenga daanikulipiu.' ³⁰ Pambeli mavanda yula wa kwaa alemili badala yaki ayendili na kumdanga mnyumba ya vavanda mbaka pamlipa chila chamdai. ³¹ Na paawonili na vavanda vayaki chila chifu mbukilili vasigitili, sana vayisili na kumuombela bambu wau kila chindu chifumbukila. ³² Topi yula ambu wa vavanda yula amkemili na kumuombela,' Yuwi mvanda mwafu , nikupomilili yuwi deni lyangu londa kwa ujangi ulilili sana. ³³ Je! dautakiwa ng'odu kuva na lusungu kwa mvanda muyaku kucha nenga panikuonilili lusungu yuwi? ³⁴ Bambu waki achukiili n akumkalibisi kwa vala yivatesha mbaka paawuyisa chiasi chonda chamdayi. ³⁵ Hawu topi Tati wangu wa kumbindi pavagolela kucha kila yumu wenu daumpomeli mlongu waki mndima yenu."