¹ Basi sikkuwu ya mikati ikosili kuvikiwa njachu ikalibiya ambayu ikukemewa pasaka. ² Makuvani vakomi na vajadiliana na muma ya kumulaya Yesu, kwa ujangi vavatilili vandu. ³ Lijangi vandu kayingila mgati ya Yuda isikali yumu wa vala vanashuli kumi na vavili. ⁴ Yuda kayenda kajadiliana na vakomi va kakuvani na vakomi namunna ambavyu daamkabisi yesu kwau. ⁵ Vakedukili na kukubaliyasa kumupa mbiya. ⁶ Mweni aliziili na asakili fulusa ya kumukabisi Yesu kwau kutali na lipinga la vandu. ⁷ Siku ya mikati ikosili kuvikkiwa njafu ifia ambapu fungami wa pasaka lasima afumishiwi. ⁸ Yesu kavalaisha Petru na Yohana kadeta muyendi mkatua ndalili filivi fya pasaka ili tuyisi tilyi. ⁹ Vamudasha koti ukudaila tugoleli afi ahandaaalisi?" ¹⁰ Kavayangula mpikanishi pamuva muyingila kumbwani mlulumi ambayi kayeya chiyungu cha machi daatanganiki na yumwoi mumfati munyumba ambayi dayingili. ¹¹ Kandi mumuwombeli Bambu wa nyumba muhula akukuwombela Chiva koti chumba cha vahenga mahala ambapu dandulya pasaka na vanashuli?'' ¹² Davalangushili chimba cha mugolola ambachu chiva tayali mugoli maandalisi mula. ¹³ Ivyu vayenda na vamona kila chindu kucha pavawombiliwili kandi vaandaa filivi cha pasaka. ¹⁴ Muda paufikili aikalili na vala mitumi. ¹⁵ Kandi kavawombela nina shawuku ya kulya sikukuwu ayi ya pasaka na yumwi kabula ya kuteshiwa kwangu. ¹⁶ Kwa maana nguvawombela danduli kandi ng'ou mbaka pandimiza mu wutwa wa Chapanga. ¹⁷ Kanadi Yesu katola chikombi n paashukulili kala kadeta mtoli achi na mgavani yumwi kwa yumwi. ¹⁸ Kwa maana nguvawombela danandi kandi ng'odu mzauwa mizabibu mbaka wutwa wa Chapanga payisa. ¹⁹ Kandi katola mikati na paashukulili kaumeya na kavagaila paadeta awu ni mvili wangu ambau ufumisha wa kwa ajili yenu mgoli naa kwa kungumbuka nenga. ²⁰ Katola chikombi wawala baada ya filivi fya pamii kadeta chikombi achi ni aganu la shimbi mu mwasi wangu ambayu imwayika kwa ajili yenu. ²¹ Pameli amloli yula yanzaliti kava pamu na nenga mumesa. ²² Kwa maana mwana wa Adamu kwa nakaka ayendi saki kucha paiamuliwili kala pambeli oli kwa mundu yula ambayi kuitila mweni mwana wa Adamu daasalitiwi!'' ²³ Vakanda kuidasha veni kwa veni yani miwongoni mwau ambayi angagolili jambu ali. ²⁴ Kandi vafumbuka malimban pagatigati yau kucha yani ya zaniwa kuva mukomi kuliku vonda. ²⁵ Kavawombela ya falum wa vandu va matayifa vana ubambu jumu yau na vala mwenyi mamulaka juwu yau akuvakema vaeshimiwa vatavala. ²⁶ Pambeli ikutakiwa gha kabisa kuva naa kwa yumwi badala yaki liki yula ambayi ni mkomi kati yau awi kucha kucha mdokwa na yula ambayi ni wa mayumu sana avi kucha yatumika. ²⁷ Kwa ujangi wapi mkomi yula aikali mumesa awu yula yatumika je si yula yaikala mumesa na nenga badu ni kati yumu kucha atumiki. ²⁸ Pambeli yumwi ndiu amua muyendelela kuva nami katika mumayeshiwa vangu. ²⁹ Nguvapa yumwi afalumi kucha wala Tati paanyimbia nenga ufalumi. ³⁰ Kucha mpati kulya na kulanda mumesa yangu mu ufalumi wangu na mukudaila mu fiti fya enzi pamusi wukumu makubali kumi na mavili ya Israeli ³¹ Simoni, Simoni, manyi kucha lijanga vandu kaluva avapatii ili avapepeti kucha ngamu. ³² Pambeli nikuluva kucha lujumilwa laku ikoto kushinwa. Baada ya kuva kuwaya kandi vaimalishi valongu vaku.'' ³³ Petru kamuwombela bambu nduva tayali kuyenda na yuwi mulitatiwu na ata mu chifu.'' ³⁴ Yesu kayangula ngukuwombela Petr njowolu daaviki nalelu kabula ya kungana mala ndatu ukumanya.'' ³⁵ Kandi Yesu kamuwombeela panivayeyili yumwi bali mufku chikapu cha filivi awu filatu je mwapungukiwili na chindu vayangula ng'odu. ³⁶ Kandi kavawombela pambeli ponopola kila mwenyi mufuku na atoli pamu na chikapu cha filivi yula ambayi kana wupanga akanishi wazi johu laki ayemelilimu/ ³⁷ Kwa ujagi nguvawombela fyonda ambafu vayandikiwa kwa ajili yangu lasima vatimiliki na atoliwili kucha mundu ambayi akubana tolati kwa ujangi chila chitabiliwili kwa ajili yangu chikutimizwa.'' ³⁸ Kandi vadeta, ''bambu, loli asi apa panga mbili akavawombela ''vakutosha.'' ³⁹ Baada ya filivi cha pamii Yesu awukili kuha ambavu uwa paagolla mala kwa mala kayenda mumlima wa mizaituni na vanashuli vamkokela. ⁴⁰ Pavafukili, avawombelili, ''mluvi kucha mkoti kuyingila munyesheu.'' ⁴¹ Kayenda kutali na veni kucha mlushu wa liganga katundama kaluva, ⁴² kadeta, Tati, kucha ukudaila ng'ushiwi chikombi achi pambeli si kucha daila nenga pambeli utama waku ugoleki.'' ⁴³ Kandi mukungu kufuma kumbindi kamfumbukila kumvika ngufu. ⁴⁴ paava mu kuugua kaluva ka zayi saidi na lifuki laki liva kucha mikomi makomi va mwasi paavaponeka pasi. ⁴⁵ Chapindi paatandamukili kufuma mu mawombi vaki ayisili kwa vanashuli na kavakuta vawanja kwa ujangi ya wuzuni yau, ⁴⁶ na kavadasha kwaliki mukuwonja muyiniki muluvi kucha mkoto kuyingila muyeshewa.'' ⁴⁷ Chipindi paavelili bambu akuywanga loli lipanga likomi la vandu lifumbuka na yuda yumu wa mitumi kumi navavili pavalongosha kayisa pabeyi ya Yesu ili amubusu, ⁴⁸ Pambeli Yesu kamuwombela, '' Yuda, je ukunzaliti mwana wa Adamu kwa busu?'' ⁴⁹ Chipindi vala vavelili pabeyi ya Yesu pavawonili ava vakufumuka vadeta bambu je tuvakesa kwa wapanga? ⁵⁰ Kandi yumu ayi kamkesha ndumindumi wa kuvani mkomi kamkesa lijeji la kumliku. ⁵¹ Yesu kadeta ayi ikukosha na kakamula lijeji laki nakampomela. ⁵² Yesu kadeta kwa kuvami mkomi na kwa vakoi na nyumba ya Chapanga na vagogolu vayisili chinyumi chaki je mukuyisa kana kucha mukuyisa kuiminya na vapokasi na malungu na mapanga? ⁵³ Pamelili pamu nayumwi siku sonda mu nyumba ya chapanga mwavavikili ng'adu mawiku venu juma yangu. Pambeli ayi ni saa yaku na mamulaka va chisi.'' ⁵⁴ Vamu kmula vamulongosha vamuyeya mjundumba ya kuvani mkomi pambeli Petru kamkovela kwa kutali. ⁵⁵ Baada ya kuva vakwata motu mu lula luwanda wa mgati na pavaikalili kala pasi pamu, Petru kaikala pagatishati yau. ⁵⁶ Ndumindumi yuma wa kiki kamuwona Petru paavelili kaikala mu mwanga mufuma mufuma mumoku kamlola kamuwombela yuwi mundu piya wavelili pamu naye.'' ⁵⁷ Pambeli Petru katema, ''mdadala, nenga ngumanya ⁵⁸ ng'odu.''Baada ya muda chidoogu mundu wingi kamuwona kadeta ''yuwi piya ni yumu au pambeli Petru kayangula, ''mlulumi nenga siyu.'' ⁵⁹ Baada ya kucha saa limu wala mlulumi yumu kasisis tiza kadeta nakaka kabisa ayu mundu piya avelili pamu nayi maana ni mugalilaya.'' ⁶⁰ Pambeli Petru kadeta, ''mlulumi, ngumanya gha chiudeta na mala chipindi paaywanga, jowolu kavika. ⁶¹ Kawalambuka bambu kamlola Petru na Petru kakumbuka chilongu cha bambu pala paawombelili kabula ya njowolu kuvika nalelu dangani nenga mala ndatu. ⁶² Paayenda panji, Petru kalili kwa wachungu utangalili. ⁶³ Kandi vala valulumi vaveelili pavamlinda Yesu vamkabisi na kumtova. ⁶⁴ Baada ya kumgubika mesa vamudasha pavadeta tabisi ni yani yakudulili?'' ⁶⁵ Vaywanga mambu vamonga vatangalili kunyumi cha na kumukufulu mweni. ⁶⁶ Mala paivelili pamalavila, vagogolu wa vandu vaikungashili pamu vakomi na makuvani na vaandishi vamuyeya mu balasa, ⁶⁷ Pavadeta kucha yumwi ni Kristu, tuwombel.''i pambeli mweni kavawombela, ''kucha panivawombela, damjumili gha, ⁶⁸ na kucha pamivadasha danunyanguli gha.'' ⁶⁹ Pambeli kukandila ponipau na kuyendeela mwna wa Adamu daavi kaikala liwoku la kuumi wa ngufu ya Chapanga.'' ⁷⁰ Vonda vadeta, ''kwa yu yuwi ni wana wa Chapanga?'' na Yesu kavawombela, ''yumwi mudeta nenga ndiyi.'' ⁷¹ Vadeta, ''kwa liki badu tukuitaji kandi wa shaidi? kwa ujangi yufi taveni tupikanisha kufuma mu chinywa chaki mweni.''