¹ Yesu ayingilili n akupita pagatigati ya Yeriku. ² Na apu, paveliuliu na mundu yumu yakemewa Zakayu ambayi avelili mkomi wa vasanula mbiya kandi mundu kajiri. ³ Avelili akuwesha kumuwonaYesu ni mundu wa namuna liki pambeli aweshili ng'odu kuwona kwa ujangi ya lipinga la vandu kwa kuva aveli mufupi wa kimu. ⁴ Ivyu alongolili mbilu kuulongolu ya vandu kakwela kumbindiu ya likuyu iliaweshi kulola kwa ujangi Yesu akalibiili kupita njila yila. ⁵ Chipindi Yesu paafikili maala pala alolili kumbindi kamuwombela Zakayu, sunuki lopokeshi maana lelu ni lasima ng'uwi kayaku.' ⁶ Kagola haraka kasunuka na kumlibishila kwa kukeduka. ⁷ Vandu vonda pavawonili afi valalamika , pavadeta,' Kayenda kamuyendela mundu aveli na sambi.' ⁸ Zakayu kawoloka kamuwombela Bambu , loli Bambu nusu ya mali sangu nguvapa masikini na panduva nimpoka mundu yoyondachindu dang'uwishi mala mchechi. ⁹ Yesu kamuwombela," Na lelu wokofu ufika mu nyumbaayi kwa ujangi mwena piya ni mwan wa Ibrahimu. ¹⁰ Kwa maana mwana wa mundu kayisa daafuti na kuvawombela vandu vayalamikili.' ¹¹ Pavapikinishili fila, ayendilili kuywanga na afumishili mfanu kwa ujangi avelili pabeyi na Yerusalemu na veni vazaniili ya kuva wutwa wa Chapanga wavelili pabeyi kuwonekana mala yimu. ¹² Ivyu kamuwombela,' Machonda yumu ayendili mlima wa kutali ili apokiyi ufalumi na kandi kuwuya. ¹³ Avakemili wandumindumi kumi, kavapa mafungu kumi kuvawombela mugoli bishara mbaka pang'uya.' ¹⁴ Pambeli vananchi vaki vamchukiili na ivyu valaishavajumbi vayendi kumufata na kudeta,' Tukudaila ng'odu mundu ayu atutavali.' ¹⁵ Paaveyi paawuya kaya baada ya kugolekwa mfalumi kaamulu vala vandumindumi vaveliuli valeka mbiya vakemiwi kwaki, apati kumanya faida liki vaipatili kwa kugola biashara. ¹⁶ Wa kwaa kayisa kadeta ,'Bambu, fungu laku gola mafungu kumi saidui.' ¹⁷ Ayu Afisa kamuwombela," Nyanyi ndumindumi mwema kwa ujangi wavelili mwaminifu mu jambu dokwa dauvi na madaraka juwu ya miji kumi.' ¹⁸ Wapili kayiza, kadeta,' Bambu fungu langu ligolewa mafungu mwanu.' ¹⁹ Ayu afisa kamuwombela,' Toli mumulaka juwu ya miji mihano. ²⁰ Na yumonga kayisa na kudeta,; Bambu ali ap mbiya saku abyu naifazili uswanu mu chitambala, ²¹ kwa maana natilili kwa ujangi yuwi ni mundu mkali ukuwusha chila ukosili kuchimanya na kubena likosili kuchipanda.' ²² Ayu machonda kamuwombela kwa filongu fyaku mweni danihumukmu yuwi ndimindumi mbaya vamanyili kucha nenga ni mundu mkali, ngutola nikosisli kuchivika na kubena nikosili kuchipanda. ²³ Basi, mbona wavikili ng'odu mbiya yangu mu benki ili pang'uya niitoli pamu na fayida? ²⁴ Machonda kamuwombela vandu vavelili vawoloka apu mumpoki lila fungu na kumupa yula aveli na fungu kumi.' ²⁵ Vamuwombela , Bambu mweni kana fungu kumi.' ²⁶ 'Nguvawombela kila mundu ambayi kanachu daapewi saidi pambeli ambyi kavaela ata chila avelili nachu daachitolewi. ²⁷ Pambeli ava maaduwi sangu ambau vadailili ng'odu nduvi mfalumi wau muvaveyi apa nakuvaulaya kuulongolu yangu." ²⁸ Baada ya kudeta afi ayendilili kuulongolu paakwela kuyenda Yerusalemu. ²⁹ Payiva pakaalibi Bertfage na Bethania, mbeyi na mlima wa mizeituni, avatumili vanashuli vaki vavili, ³⁰ padeta: muyendi muchijiji cha pabeyi pamuyingila damuwoni mweni punda kapandiwa gha mumuwopi mukamuyeyi kwangu. ³¹ Kucha mundu pavadasha, mbona mukumuwopa?' mudeti," Bmabu akumwitaji." ³² Vala valaishiwili vauyenda vamuwona mwana-punda kucha Yesu avelili kavawombela. ³³ Pvaveyi vakumuwopa mwana- punda vamiliki vavawombela kwa liki mukuwopa mwana -punda ayu?' ³⁴ Vadeta, Bambu akumwitaji. ' ³⁵ Basi vamuyeya Yesu vatandinga nguwu sau juwu ya mwana-punda na vamupandisha Yesu kumbindi yaki. ³⁶ Paveyi paayenda vandu vatandika yingwa sawu mudeya. ³⁷ Paveyi akusunuka mlima wa mizeituni jumuiya sonda sa vanashuli vakanda kushangiliya na kumtukuza Chapanga kwa sauti ngomi kwa ujangi,ya mambu makuu yavawonili, ³⁸ vadeta,' Ndiyo mbalikiwa mfalumi ayisa kwa litava la Bambu pekesu kumbindi ya ung'alili kumbindi!' ³⁹ Baasi ya Mafarisayo mu mkutano vamuwombela muhula vanyamazishi vanashuli vaki.' ⁴⁰ Yesu kayangula kadeta, Nguvawombela kucha ava pavanyamala miganga davapasi sawuti.' ⁴¹ Yesu paakalibiili muji aulilili, ⁴² kadeta, laiti ungalimanyili ata yuwi katika siku ayi mambu ambayu vakuyehela pambeliponopau vaifisa mumesu vaku. ⁴³ Kwa kuva siki yisa ambapu adui vaku davajengi boma pabehi na yuwi na kushengeta na kudidimisha kufuma kila upandi. ⁴⁴ Davakuponeshi pasi yuwi na vana vaku davakulekisheli ng'odu ata liganga limu kumbindi ya lomonga kwa ujangi wamanyili ng'odu chipindi Chapanga paaveli akuyesha kukukombola.' ⁴⁵ Yesu ayingilili munyumba ya Cahpanga kakanda kuvadadasa vala vavelili vakuusa, ⁴⁶ Vawombela," Yiyandikwa nyumba yangu daivi nyumba ya sala pambeli yumwi mwigola kuva pangu la vanyang'anyi. ⁴⁷ Kwa iyu Yesu avelili pavahula kila siku munyumba ya Chapanga. Makuvani vakomi na vahula vasheria na fiwongosi va vandu vadailili kumuhulaya, ⁴⁸ pambeli vaweshili ngodu kupata njila ya kugola wula ujangi vandu vonda vavelili vakumpikanisha kwa wumakini.