¹ Baada ya findafi, Bambu nakashawulu vamonga sabini, na kavatuma vavili vavili vatangili mgatiu ya kila mbwani na kwingi kuvadaya kuyenda. ² Kavawombela," Kubena fitangala lakini vanda va kugola kasi ni vadokwa. Topi basi tumuluvi Bambu wa fya kubena ili atumi chilopokeshu vagola kasi vafibenekwa. ³ Haya muyendi mumbwani. Mloli, danivatumi kucha fungami mgati ya fingekembi. ⁴ Mkotoyi kupapa mifuku ya mbiya hala mahaku ya mhanja wala filatu, wala mkotoyi, kumjambusha mundu yumumuwona munjila. ⁵ Magatin ya bwalu yoyosi yimdayila kuingila kwanza mdeti,' Amani yivi mubwalu loyi.' ⁶ Mani kuna mundu wa imani kavapala, amani yenu dayivisighali kumbindi yaki, mani naha ng'odu, dayiwuyi kwa jumwi. ⁷ Msighali mgati ya bwaloyi, mulyi na mlandi chavavapili kwa maana mgola kasi, akulya mshahara waki mkotoyi kuhama kufuma mu bwaloyi kuyenda bwaluyingi. ⁸ Mbwani yoyosi mdaya kuyingila na kuvapokela, mulyi chochosi chavavavikila paulongolu yenu, ⁹ na muvawololi vatami vosi vaveli amudeti kwa veni, wutwa Chapanga uyisa pabebi yenu.' ¹⁰ Lakini mgati ya mbwani yoyosi mdatyila kuyingila na pavadeta kuvapokela myendi panji pagati ya barabara na mdeti, ¹¹ 'Hata lifu mgati ya mbwani yenu, liinyambikili muma wulu venu, lukiyipunda kwa mwaveni, lakini mlimanyi ali, wutwa wa Chapanga wuvapabehi.' ¹² Nguvawombela kucha siku ya hukumu dayivi na ustahimilivu pitu kwa Sodoma kuliku mlimau. ¹³ Tyamuli Korazini, Tyamuli Berthsaida! kucha kasi ngomi sigolikiwi mgati yako yingagolikili. Tiro na Sidoni, vangajilumbili dahili sana. Pvayikala mgati ya ngughusha maloboka na milifu. ¹⁴ Lakini dayivi ustahimilivu pitu siku ya hukumu kwa Tiro na Sidoni pitu yenu. ¹⁵ Yuwi Kapernaumu, ukwihola dauyimuliwi mbaka kumbindi? Kwahela, dausunushi pasi mbaka kuzimu. ¹⁶ Yavapikanisha yumwi, kambikanisha nenga, na yoyosi yaavakanila yumwi kanganila nenga, na yoyosi yaanganila nenga kamkanila yaandumili" ¹⁷ Vala sabini navawuya kwa furaha pavadeta," Bambu, hata vambepu davakujumili kwa litama lyaku." ¹⁸ Yesu kavawombela," Numuwona lijangavandu paaponeka kufuma kumbindi kucha lipanda. ¹⁹ Loli navapa mamlaka na kuvatanga vanjoka na nyunyi na lighovi lyosi lya maadui, na kwahela chochosi kwa njila yoyosi dachiweshi kuvasulu. ²⁰ Hata naha mkotayi kufurahi hela kwa ali, kucha roho siku va tundamila, lakini mufurahi pitu kucha matawa venu vayandikiwa kumbindi." ²¹ Muda mtangeli na kafurahi pitu mgati ya rohu mng'ali, na kudeta," Danikujumila yuwi Tati, Bambu wa kumbindi na duniani, kwa nongwa kufifisa filongu afi kufuma kwa vaveli na luhunja na luhala na kuyagubutula kwa vangajila kufundishiwa, kucha vana vadokwa yina Tati nayikutama pamesu yaku." ²² " Kila chindu chikabidhiwa kwa nenga na Tati wangu, na kwahela yamanyili kucha mwana yani ila Tati, na kwahela ya manyili Tati yani ila Tati na kwahela yamanyili Tati yani ila mwana, na yoyosi mwana akudaya kuyigubatula kwa mweni." ²³ Nakavaghalambukila vanachuli na kudeta kwa chifusi," Vasghala yavafilola afi yumwi fimufilola. ²⁴ Nguvawombela yumwi kuchamanabii vatangalili na vatwa na vatamani kulola afi, na yumufiloli, na vafiwona ng'odu, na ku[pikanila mufipikanila n avapikanila ng'odu." ²⁵ Loli, mwalimu yumu wa sheria ya chiyahudi na kuwoloka, na kumuyesha na kadeta," Mwalimu, goliliki ili, ha;li ukoma wa mileli?" ²⁶ Yesu kamuwombela," Chyandikiwa liki mugali ya Sheria? Ukuyisoma wuli?" ²⁷ Nakayangula, kamuwombela," Daumutami Bambu Chapanga waku, kwa mtima waku wosi ,kwa rohu yaku yosi, kwa lighovi lyaku lyosi, na kwa luhala lwaku losi na jirani yaku, kucha nganyitama mweni." ²⁸ Yesu na kadeta," Kuyangula kwa fisingu goli naha na akuishi." ²⁹ Lakini mwalimu paatamani kuyivalangia haki yu mweni, nakamuwombela Yesu," Na jirani yangu ghani?" ³⁰ Yesu kayangula na kudeta," Mundu yuoyu na kavaasunuka kufuma Yerusalemu kayenda Yerusalemu na kuyenda Yeriko.Nakaguvila pagati ya vafi yavampokili mali yaki na kumtova. Na kumleka abehi paghava nusu yasovili. ³¹ Kwa bahati kuhani yumoya na kava akusunuka na jila yiyi, akmuwoni, kapita mwambu wingi. ³² Wuwula Mlawi yumu akafiki pala n akumuwona, kapita mwambu wingi. ³³ lakini Msamalia yumu paghaveyi nu mwanja waki nakapita pala paaveli mundu yula, akamuwoni nalimwingila lihingili. ³⁴ Nakamselilela na kumuwopa filonda fyaki napamutila mafuta na divai kumbindi yaki. Nakamkwelesha kumbindi ya ng'ongo lwaki, na kumuyegha kunyumba ya kawonja vahenja na kumlwasha. ³⁵ Chilawu yaki na katola shilingi mbili na kumpa mna nyumba ya kuwonja vahenja na kumuwombela,' Muhudumie, na chochosi chiyongishikili wakati wa kumlwasha ngukulpa siku ying'uya.' ³⁶ Yati gati ya vandu ava vatatu ukuyihosha na kava jilani yaki yaaguvili pagati ya vafi? ³⁷ Mwalimu na kkadeta," Yula yaalangushili lihingili kwa mweni Yesu kamuwombela," Yendi na ukagoli ngawawu" ³⁸ Ponopa pavaveli mu mwanja navayingila pa chijiji chimu, na mwana mdala yumu litwa lyaki Malita nakamkalibishila kayaki. ³⁹ Nakava na dada yaki miwili Mariamu, na kayikala pamawulu ya Bambu paapikanisha filongu fyaki. ⁴⁰ Lakini Malitha nakayipa kasi nyingi ya kutanda filivi. Na kayenda kwa Yesu na kudeta," Bambu, ukujalindili kucha mhaja wangu kaneka nuvatandi weka yangu? Topi basi umuwombeli andangi." ⁴¹ Lakini Bambu na kamyangula na kumuwombela," Martha , Martha, ukusumbuka kwa fitangalili, ⁴² lakini chindu chimuhela cha muhimu,. Mariamu kashawula chiveli nyanyi, chindochi dachishiwi ng'odu kufuma kwa mweni."