¹ Vatangalili vajilaidi kuvika mgali ya mpangiliu wa nzimu siveli filongu filinganishiwili gati mwa yufwi, ² kucha vatupili yufwi, tuveli tangu pekwandi twa mashahidi va mesu na vandumindumi wa ungajila. ³ Ayi nenga, ghula baada la kulolesha kwa chiganu chikandika cha filongu afi fyiosi kufuma pakwandi-bng'ona nyanyi ghughula nenga kukuyandi kila mgati mpangiliu waki- muheshi,iwa sana Theofilo. ⁴ ili kucha aweshi kuumanya ukweliwa filomgu fifundishiwili. ⁵ Gati za siku ya Herode, mfalumi wa Yudea, paveli na kuhani yumoyu yavamukemili Zekaliya, wa ukoo waAbaya. Mdala waki kuuma kwa vakali va Haluni, na litawa lyaki na kukemewa Elizabethi. ⁶ Vosi vaveli na haki kwa Chapanga, navayondayenda bila lamama mugati ya amuli shaki shosi n amalaghilu va Bambu. ⁷ Lakini navava na mwana haa, kwa sababu Elizabethi aveli mughumba, na kwaaketi woseu vosi vavili na vava vagogolu sana. ⁸ Paonopa nayiwoneka kucha Zakaria na kava mgati uwoneku wa chapanga, payendilela n andambu yaki ya chikuhani mugati ya ndambu ya sambi yaki. ⁹ Kulingana na desturi ya kushaula ni kuhani yoti daahudumii, aveli kushauliwa kwa kula kuyingila mgati ya bwalu ya bambu na angatutumishili mununganunga. ¹⁰ Likundi lyosi lya vandu naliva pava dadava panji wakati wa kututumisha minunganunga. ¹¹ Ponopa malaika wa Bambu akambwitukila na kuwoloka mwambu wa mlilu a fyalu fya kutumisha. ¹² Zakaria nakalilimuka paamwonili; lyoga nalimguvila. ¹³ Lakini Malaika kamuwombela," Kptokutila Zakaria, kwa sababu kudadava kwaku kupikanishiwa, mda waku Elizabethi akulelela mwana,litawa lyaki daumukemi Yohana. ¹⁴ Daghuvi mseku na uchangamfu, na vatangeli davasekileli kuwoneka kwaki. ¹⁵ Ya kucha daghavi mkomi kuulongolu ya mesu va Bambu daalandi ng'odu midibudibu au uyimbi mkali, daukwishi na ufuki ung'alili langu mtima ya mamundu. ¹⁶ Na vandu vatangeli va Israeli davaghalambuliwi kwa Bambu Chapanga wau. ¹⁷ Daayendi kuulongolu ya wushu wa bambu mugat ya mfuki na lighovi lya Eliya. Daagoli naha ili kuwuyisha mioyu ya Tati na vana , ili kucha vangajila kujumilaa na haki. Daagoli naha kuvika tayali kwa Bambu vandu vatayashiliwi kwa ajili yaki." ¹⁸ Zakalia nakamuwom bela malaika," Dangweshi wuli kumanya achi? Kwa sababu nenga ni mgogiluna mdala wangu muaka yaki yitangala sana." ¹⁹ Malaika kamuyangula n akumuwombela," Nenga ni Gabrieli, ying'oloka kuulongolu ya Chapanga. Nakanduma ngukuwombeli ngukuyegheli filongu afi fya nyanyi. ²⁰ na loli, dauywangi ndili, daghuviji, dauweshi ng'odukuyiwanga mbaka siku yila mbaka filongu afi pafifumbuka. Ayi kwa sababu na kushindwa kujumila filongu fyangu dafiwi filinganishwa kaligengi." ²¹ Ponopa vandu vakaveli vakumvetela Zakaria. Navakapuka kucha n akava akutola muda mlaneli mubwalu. ²² Lakini akafumi panji,nakaywanga ayu ng'odu. Navamanya kucha akaveli kapata malawu paghaveyi mubwalu. Nakayendilela kulangusha kwa kusonyela n akusighala kunyamala jii. ²³ Nayiwoneka kucha siu sha huduma yaki pasipelili na kueleka kuwuya kayaki. ²⁴ Bada Zakaria kuwaya kaya kufuma huduma yaki mnakaywanga nduwu ngodu ubwalu, mdala waki na kava na yinda, nayu nakufuka ha munyumba yaki kwa muda wa wezi muhanu. Nakadeta, " ²⁵ Achi chindu Bambu chaagolili kwa nenga paandili kuvautangili il kudiwusha soni shangu kwa vanda." ²⁶ Ponopa pagati ya mwesi wa sita wa yinda ya Elizabeti, Chapanga nakamuwombela Malayila Gabrieli ayeni mlima wa Galilaya wava ukema Nazareti, ²⁷ kwa bikila yavelili kabanikiwa na mlumi litawa lyaki Yusufu. Mweni aveli wa ukoo wa Daudi, na litawa la bikira ayi livelili Mariamu. ²⁸ Nakayisa kwa mweni na kudeta," Salaami yiwu yuupokilili neema ngomi!Bambu kakutami yuwi." ²⁹ Lakini filongu fya m ayika nafimtimbulana kshindwa kufiteyyela, kwa choti malayika na kudeta, ndambu yila ya ajabu kwamweni. ³⁰ Mayika nakavawombela," Kotoyi kutila Mariamu , maana kupata neema kufuma kwa Chapanga. ³¹ na loli, daapapi yinda mgati ya mtima waku na dauloli mwana. Na yumw daaukemewi litawa lyaki Yesu.' ³² Daghavi mkomi na davamkemi mwana waaveli kumbindi ana Bambu Chapanga daamupi chiti cha pakwandi cha Daudi tati waki. ³³ Datawala kumbindi ya ukoo wa Yakobu mileli na ghutwa wakidaghuvina na mwishu ng'odu. ³⁴ Mariamu nakamuwombela mayika, ali dauiwoneki kwa ndambu liki, maana ngalihela kuwonja n amlumi yiysi? ³⁵ Mayika nakamyangula na kumuwombela," Ufuki Mng'aliuludaakuyisili kumbindi yaku n alighovi kya yeveli kumbindi sana dayiyisili kumbindi yaku. Kwa mg'ali yaadaya kuwoneka daakemewi mwana wa Chapanga. ³⁶ Na loli mlongu waku Elizabeti kana yinda ya mlumi yaveli mgaka ya ugogolu. Awu mwesi wa sita kwa mweni, aveli akukemewa mughumba. ³⁷ Maan akwahela lingajila kugoleka kwa Chapanga." ³⁸ Mariamu nakadeta," Loli, nenga ndumindumi wa chidela wa Bambu. Leki yivi naha,sawasawa na ulaghi waku." Pambeli nayika nakamleka. ³⁹ Topi mgati ya sikosi Malyamu nakawuka na kua chilopukesha kuyenda mgati ya mlima wa fidunda kumbwani mgati ya mlima wa Yudea. ⁴⁰ Nkayenda kaya kwa Zekaria na kumjambusha Elizabeti. ⁴¹ Ponopa, nayiwonekana kucha Elizabeti akapakanili jambu ya Maliamu, mwana muutima yaki na kajumba, na Elizabeti kamemeshwa namfuki mng'alili. ⁴² Nakalandula saghuti ya kina kudeta kwa saghuti ngomi," Kubalikiwa yuwi pitu mulipinga laja vamama. Na mwana yaveli muutima yaku kabalikiwa. ⁴³ Na yivawuli kwa nenga kucha mawu wa Bambu wangu angayasili kwa nenga? ⁴⁴ Ya kucha, uloli, yipapikanisha mumajeji yangu sautiya kujambusha kwa yuwi, mwana muutima yangu kajumba kwa kuyikeva. ⁴⁵ N akabarikiwa mama yula yaaveli na lujumikwa ya kucha yingafumbukili ulinganifu wa findufila yaamlongilili kufuma kwa Bambu." ⁴⁶ Mariamu kadeta, lwangu lwa nengalu ikujuma Bambu, ⁴⁷ na rohu yangu yipekesuka mgati Chapanga Mlowoli wangu. ⁴⁸ Ya kucha kayilola hali ya mlima wa ndumindumi waki wa chidala. Loli kufuma ponopa mgati ya uvelekwa wosi davangemi mbalikiwa. ⁴⁹ Ya kuchacha mweni yaweshili kagola findu fikomi kwa nenga, na litawa lyaji ung'alili. ⁵⁰ Rehema yaki yikulimul;a kufuma uvelekwa hata uvelekwa kwa vala vamuheshimu mweni. ⁵¹ Kavalangusha lighovi kwa liwoku lyaki, na kuvapalanga vosi vayikwina kwinaya kumbindi ya hoshuya muyoyu yawu. ⁵² Kavasunusha pasi vanava vatwa kufuma mgati ya fiti fyau fya pakwandi na kuvayinula kumbindi vaveli na hali ya pasi. ⁵³ Nakavaikutisha vaveli na njala kwa vintu vinofu, nvu matajiri kavadagha mawoku hela. ⁵⁴ Kaghava msada kwa Israeli ndumindumi waki, ili kukumbuka kulangusha rehema ( ⁵⁵ kucha ngaadetili kwa vatati vatu) kwa Abrahamu na uvelekwa waki mileli." ⁵⁶ Mariamu na kayikala na Elizabeti yifika mwesi mitatu naha topi kawuka kayaji. ⁵⁷ Ponopa siku nasiselela kwa Elizabeti kuyiwopola mwana waki na kuyiwopola mwana mlumi. ⁵⁸ Jilani shaki na valongu vaki na vapikanila Bambu paakwishili rehema kwa mweni, na vasekelela pamu na mweni. ⁵⁹ Ponopa nayifumbuka siku ya mchichi ya kucha navayisa kumtalilimwana. Ingavapili kumkema litawa lyaki," Zekaria," kwa kukolihelelela litawa lya Tati waki. ⁶⁰ Lakini mawaki nakayongela na kudeta," Kwahela daakemewi Yohana." ⁶¹ Vamuwombela kwahela mundu hata yumu mgati yavalongu vaku yakemewa litawa ali. ⁶³ Navamgolela ishara ya tati waki kuhilikesha mweni na kudayila litawa akemewi yani. ⁶² Tati mundu na chikudayila chibau cha kuyandikila na kuyandika, " Litawa lyaki ni Yohana." Vosi n avashangaa na ali. ⁶⁴ Gafula mlomu waki ufuwuliwa na ulimi waki nauwopoka, naluywanga na kumjuma Chapanga. ⁶⁵ Lyogha nalivayisili vosi vayikala nayu kalibu nayu findafi nafi yenda mgati ya mlima wosi fidunda fya Yudea. ⁶⁶ Na vosi vapikanilili na vafika muutima yau, pavadeta," Mwaa ayui kava wa ndambuliki?" Kwa sababu liwoku lya Bmabu nalivapamu na mweni. ⁶⁷ Tati mundu Zekalia, nakakwisha na mfuki ung'alili na kufumisha unabii akisem, " ⁶⁸ Ajumiwi Bambu, Chapanga wa Israeli, kw asababu nakavatanga kuwola kelaa ulogholiwa vandu vaki. ⁶⁹ Katuyinulila pembi ya ulogholi mgati ya bwalu ya ndumindumi waki Daudi kufuma mu vamu ukou w andumindumi waki Daudi, ⁷⁰ kucha kadeta mulomu ya manabii vaki vaveli kuvaveli vaveli mgati ya siku pakwwandi. ⁷¹ Na daatugholi kufuma kwa adui vetu na kwfuma mumawoku ya vosi vetuchukia. ⁷² Daaagoli naha kulangusha Rehema kwa vaati vetu na kukumbuka agumuleki ling'alili, ⁷³ malapu vaadetili kwa Abrahamu tati wetu. ⁷⁴ Nakailapa na kuilangusha kucha yingaweshikanili kuva ndumindumi wa mweni bila lyogha baada ya kuulowulewa kufuma mgati ya mawoku na duwi wetu. ⁷⁵ Mgati ya ung'ali na haki kuulongolu ya siku shetu shonda. ⁷⁶ Yina na yuwi mwana , daukemewi nabii wa aveli kumbindi sana, ya kucha daayendeleli kuwalongolu ya wushu wa Ba,bu ili kumenda njila, kavatanda vandu kwa ajili ya wisu waku, ⁷⁷ kuvawo,bela vandu vaki kucha davalowoleli kwa njila ya kusamehe sambi shau. ⁷⁸ Ayi dafumbuki kwa sababu ya lusungu lwa Chapanga wetu, sababu ya kucha, lijuva kufuma kumbindi daliyaasili, ⁷⁹ kuvakalila vayikala kulyisa na mgai ya mbwepa lava mauti. Daagilo naha kavilongosha mawulu vetukunjila ya amani." ⁸⁰ Ponopa, yula mwana daakuli n akuva muna lighovi ufuki na mkayikala mundeveli mpaka lisiku lya kubwituka kwaki kwa Israeli.