¹ Topi Yesu paamanyili kw amafarisayu vapikanisha kuva Yesu aveliliu anafuasiwa na kuvabatisha kupita Yohana, ( ² ingajila Yesu mweni avelili akubatisha ila vanashuli vaki), ³ kufuma Judea na kayenda Galilaya. ⁴ Topi aveli muhimu kupitila Samaria. ⁵ Na avifwika mu pa muji wa Samaria, ukemewa Sikari, pabeyi na eneu ambalu Yakobo ampili mwana,undu Yusufu. ⁶ Na litepu la Yakobo chavelili pala. Yesu avelili kotofya kwa ajili ya mwanja n akuikala pabeyi na litepu. Yavelili pamusi. ⁷ Mdadala Msamaria ayisili kuteka machi na Yesu kamuombela unyimbi machi nandi." ⁸ Kwa ujangi vanashuli vaki vaveli vayenda zau kumbwani kuyenda filivi. ⁹ Yula mdadala kamuombela," ikavawuli yuwi Muyahudi, ukunuva nenga mdadala Msamaria, chindu cha kulanda?" Kwa ujangi vayahudi vakuitanga ng'odu na Wasamaria. ¹⁰ Yesu kamyangula," Kucha ukamanyili karama ya Chapanga, na yula akuombela unipi machi angamluvili na angakupilimachi va usima." ¹¹ Mdadala kayangula," Bambu kuvaela ndawu ya kutekela na litepu litali. Dauvapati koti machi va usima? ¹² Je yuwi ni mkomi kuliku tati tyetu Yakobo, ambayi atupili litepu ali, na mweni na wana waki pamu na kifugu yaki walanda mashi ya litepu ali?" ¹³ Yesu kayangula," Yoyonda alanda machi avaapati kandi ng'odu kiu, ¹⁴ pambeyi mweni daalandi machi danimupi daapati kandi ng'odu kiwu. Badala yaki mashi danimupi chenu chenu ibwtuka hata mileli." ¹⁵ Yula mdadala kamuombela ," Bambu, nguluva machi hava ili ng'oto kupata kiwu na ngoto kuingai kuyisa hapa kuteka machi." ¹⁶ Yesu amuombela," Yendi kumukemi Bambu waku, kisha wuyi." ¹⁷ Mdadala amuombela," Nduvaela mlumi." Yesu kayangula kudeta," Kudeta nyanyi,' nduvaela mlumi;' ¹⁸ kwa kuva na valumi vatano, na yumu ambayi kunayu si mlumi waku ng'odu. Katika achi kudeta nakaka!" ¹⁹ Mdadala kamuombela," Bambu nguona yakuva yuwi ni nabii. ²⁰ Vatati vetu vatambikililili katika mlima hau. Pambeyi yumwi mukudeta ya kuva Yerusalemu ndiyu maali ambapu vandu vakutakiwa kutambika." ²¹ Yesu kamuyangula," Mdadala, ngamini chipindi akuyisa ambapu davamtambuikilili Tati katika mlima au au Yerusalemu. ²² yumwi vandu mtambika chila mkosili kuchimanya, pambeyi yufi tukutambika tuchimanyili, kwa ujangi ung'alili vikufuma kwa vayahudi." ²³ Wuwula chipindi chikuyisa na ponopa kuva apa chipindi vatambika nakaka davatambikili tati katika ndima nakaka, kwa ujangi Ttai akuvasaka vandu wa hayi kuva vadu vaki yiva mtambikila. ²⁴ Chapanga ni ndima , na vala yivatambikila vakubakiwa kutambika kwa ndima nakaka." '; ²⁵ Mdadala kamuombela," Ngumanya kuva masihi akuyisa,( akemewa Kristo). hayu paayisa daatumbilili fyonda." ²⁶ Yesu kamuombela," Nenga udeta nayu ndo mweni." ²⁷ Chipindi chichila vanashuli vaki vawuya, nau vaikang'anishilu kwa liki aveli akuywanga na mdadala, pambeyi kwaela asubutuliwi kumdasha ukudaila liki?" au " Kwa liki ukywanga nayu.?" ²⁸ Topi mdadala kalekesha ngata yaki na kuyenda kumbwani na kuvawombela vandu, " ²⁹ Muyisi mumuwoni mundu ang'ombilili findu fyangu fyonda nifigolili, je ikiweshekana kuva ndiye Kilistu ?" ³⁰ Vafuma kumbwani kuyisa kwaki. ³¹ Chipindi cha pamusi vanashuli vaki vamsili pavadeta muhula wuli filivi." ³² Lakini mweni amwombilili," Nenga ninachu filivi mkosili kuchimanya." ³³ Vanachuli vaiombela, kwahela amuyeilili chindu chochosi," Je vamuyeyela?" ³⁴ Yesu kavawombewla," Filivi changu ni kugola utama waki mweni andumili nakutimisa kasi yaki. ³⁵ Wuli, mukudeta ng'odu badu miesi muanu na mavunu davawi tayali?' Nguvawombela mloli litava alivyotayali kwa kubenewa! ³⁶ Mweni yaabena hupokela mishahara na kulongosha matunda kwa nongwa ya usima wa mileli, ili kucah mweni yiapanda nayu daakeduki pamu. ³⁷ Kwa kuva detelu au ni nakaka,' Yumu daapandi na yumnga davabeni.' ³⁸ Navatumili kubena ambacho vachiangakili ng'odu vamonga vagola kasi na yumwi muyingila katika kukedukana kasi yau." ³⁹ Wasamaria vatangalili katika muji ula vamuaminilili kwa ujangi ya taarifa ya yula mdadala akusuhudiua," Ang'ambilili findu fyonda nifigolili." ⁴⁰ Topi vasa,aria vamsiili aikali pamu nau na kuikala kawau kwa siku mbili. ⁴¹ Na vatangalili zaidi vamuamini kwa ujangi wa chilongu chaki. ⁴² Vamuombelayula mdadala," Tukujumila siu tu kwa filongu fyaku, kwa ujangi yufi twaveni tupikanisha n aponopa tukufwaamu kuva hakika mweni ni mkombola wa mlima." ⁴³ Bada ya siku sila mbili kauvuka na kuyelekea Galilaya. ⁴⁴ Kwa ujangi mweni baa avelili katangasa kuva nabii kaveela heshim akatika mulima waki mweni. ⁴⁵ Paayisili kufuma Galilaya wagalilaya vamlibishilili. Vaveli vawona findu fyonda agoluli Yerusalemu musikukuu kwa ujangi na vau kanji vaveli vauzulia kwenye Sikukuwu. ⁴⁶ Kayisa kandi kani ya Ggalilaya haku kwaambulili machi kuva divai. Paveli na ofisa ambayi mwana waki avelili akutamika huku Kapernaumu. ⁴⁷ Paapikanishli kuva Yesu kafuma Yudea na kuyenda Galilaya, ayendili kwa Yesu na kumusii asunuki ampomeli mwan awaki ambayi avelili pabei kusova. ⁴⁸ Ndipo Yesu kamuombela yumwi pamkoto kuwona chilangushilu na maajabu muqweshi ng'odu kuamini. ⁴⁹ Choiwongozi kadeta," Bambu sunuki pasi kabla mwan wangu kusova." ⁵⁰ Yesu kamuombela yendi mwana waku ni mnofu." Yula mundu kajimula chilongu chaadetili Yesu na kayenda zaki. ⁵¹ Paavelili akusunuka, vandumi ndumi vaki vampokiili na kumwombela mwana waki avelili mnofu. ⁵² Topi vavadasha ni muda liki apatili nafuwu vamuyangula," Lichu muda wa saa saba hama paimlekishi." ⁵³ Ndipu tati waki kamanya kuva ni ule ule Yesu Adetili, mwana waku ni mnofu." Topi mweni nafwamilia yaki vajumila. ⁵⁴ Hayi yavelili ni chilangushilu ya pili agolili Yesu paafumili Yudea kuyenda Galilaya.