¹ Na akoiye kwabe "Hakika na kaya winu, nkati yino kana bandu bayemi pano bawakina mpaka baabone upwalume wa Nnongo kauisa kwa ngupu. ² Na baada ya siku ya sita Yesu abatweti Petro, Yakobo na Yohana pamope na ywembe pannema, yika yabe. Katumbua kubadilika kulonge yabe. ³ Ngobo yake yatumbuani kung'aa muno, maupe muno, maupe kuliko mng'arishaji gwengi pano duniani. ⁴ Eliya na Musa kabapita kulonge yabe, na kabalongela na Yesu. ⁵ Petro kayangwa kunkokeya Yesu, "Mwalimu, mwema twenga kuba pano, na tusenge ibada itatu, kimo sako, kimo sa Musa, na senge sa Eliya." ⁶ (Mwalo atangike kwaa sakukoya, bateyogopa muno) ⁷ Liunge kalipitia na kubagubika. Sauti saipita kuliunde kaikoya "Yono banangu mpendwa, mumpikanyi ywembe. ⁸ Gafla palyo baibalola, baambweni kwa yeyote pamwepe na bembe, baambweni Yesu bai. ⁹ Palyo kabaaliuka kuoma akitombe, kabaakini kiya kumwalithia mundu yoyote galyo bagabweni, mpaka mwana wa Adamu kayoka kuoma kwa bandu bawile. ¹⁰ Kabatunza mambo yabe bene. Lakini kabalokiyana bene kwa bene maana yake kele "kuyoka kuoma kwa bandu bawile. ¹¹ Kabanlokiya Yesu, "Mwalowa kele aandishi ukoya lazima Eliya aise kwanza?" ¹² Kaabakiya, "Eliya aisa kutoka ilebe yote. Mwalowa kele iandikwe mwana wa Adamu aakunda masaka ganyansima na bandu kunkana?" ¹³ Niabakiya Eliya atangike, na baantei ya bapendike, kati ya maandiko gakoya kwake. ¹⁴ Kubaya kwa benepunzi, baabweni bandu banyansima batetelike ni Masadukayo bai kaba bishana. ¹⁵ Kummona bai, kipenda sote sate kanganya ni kumbutia kumsalimia. ¹⁶ Kabaanlokiya benepunzi bake, mbishana nao kelee? ¹⁷ Yumo mwa mukipenga kayangwaa, "Mwalimu nanlekite manango kwako, aii na nsela atei kana alongele, ¹⁸ Na kumtenda alendeme na kuntomboya pae, na kupita litutuma munkanwa na kutauna mino na kung'ong'onala. Nayopite benepunzi bako bampiye nsela lakini bawesike kwaa. ¹⁹ Kabayangwaa, "Kilebe kisicho amini na tama nimwee kwa muda gani? Natoliana nimwee mpaka lini? Nneteni kwango. ²⁰ Kbanneta mwanage, nsela paamweni Yesu, kan'yeya kulendema. Mwisembe katomboka pae na kupita litutuma munkanwa. ²¹ Yesu kankokiya tate bake, "Ubinyo ubi kwa muda gani? tate kabayangwa" tangu unangota. ²² Mara yenge atombokeya kwa moto au mmase, n kujaribu kumpoteya. Kama uwesa panga sosote ya tuboniekiya utuyangate." ²³ Yesu kankokeya "Mana ubi tayari? Kila kilebe sando wesekana kwa ywe aminiye." ²⁴ Tate ya mwana kalela na kukoya, "Nando amini niyangate kuto kuamini kwango." ²⁵ Palyo Yesu abweni kipenga sa bandu kakibutukiya kwabe, kaankopokia nsela na kukoya, wenga nsela mbubu na mbogoso, nando kubakiya nneke, kana uyingii keake lelo. ²⁶ Kalela kwa lukalanga na kuntaabiya mwana na nsela kaaboka. Mwana abonike kati atewaa. Bingi kabakoya "Awile," ²⁷ Yesu kan'tola na luboko kan'yinua, na mwana kayema. ²⁸ lyo Yesu ayingii nnyumba, wanapunzi bake kabanlokiya faragha, "Mwalowa kele tuwesike kwaa kumpiya?" ²⁹ Kabakiya "Kati iyeya apita kwa ila kwa mayopeyo." ³⁰ Bapii palyo kupitya Galilaya, Aakani kutanga mundu yeyote yaa kutanga palyo babile. ³¹ Mwalo abikabayengana wanapunzi bake. Kabanakokeya mwana wa Adamu aikiywa mmaboko ga bandu, na bambulaga, palyo abi awile, atama siku tatu ayoka tena." ³² Lakini baatangike kwaa mayegeyo gano na bayogwipe kunnkiya. ³³ Ndipo baike Karperinaumu. Palyo bai nnyumba kabalokiya "mwalongelage kele mwamundela? ³⁴ Bayangwi kwaa batami poloi. baikababishana mundela nyai aimpendo muno. ³⁵ Aatami pae kabakema komi na ibele pamwepe, na kalongela nabo "Ywa apala kwa wa kwanza na lazima abe wa mwisho na mtumishi wa bote. ³⁶ Kantola mwana nnangota kambeka kati yabe. Kantola mmaboko gake kakoya. ³⁷ Ywa ampokeyae mwana kati ay o kwa lina lyango, pia anipokile na nee, na mana abi mundu amenpokea, ambokya kwaa nee bai, niywa andumike. ³⁸ Yohana kankokeya, "Mwalimu twammweni mundu kapiya nsela kwa lina lyako tukankotaya, mwalo atubengeya kwaa" ³⁹ Yesu kakoya, "kana munkataya, mwalo ntopo atenda kasi nglo kwa lina lyango na baadae akoye lina ulyo linoike kwaa kwango." ⁴⁰ Ywa atupenga kwaa bai ai pamwepe na twenga. ⁴¹ Ywa akupaya kikombe sa mase ga kunywaa mwalo abi na Kirisitu, nando kubakiya, Ataga kwaa thawabu yake. ⁴² Ywa abakosya bana anangota balyo bangota nee, yai bwiso kutabwa libwe la kusagia paingo ni kutangwa baharini. ⁴³ Mana luboko lwako utei kwa bwiso ulukeng'ende, nantali kuyingi pankoto bila lubko kuliko kuyingia pahukumu na maboko gako gote. Kumoto "uimika kwaa" ⁴⁴ [Itange mistari yeno, "Pandu punza bawakwa na moto uimika kwaa." Ntopo nnakala za kale] ⁴⁵ Mana lugolo lwako litei kwa bwiso, lukeng'ende. Na bwiso kuyingi kuukoto na nkilema, kuliko kulagena kuhukumu na magolo mabele. ⁴⁶ (Itange mistari gono, pandu punza bawakwaa na moto uimika kwaa"Ntopo mu nakala za kale). ⁴⁷ Mana liyo lyako litei kwa bwiso lipiye. Bwiso kuyingia kuufalme wa Nnongo na liyo limo, kuliko kuba na minyo mabele kutagwa kuzimu. ⁴⁸ Pandu pabi na punza banga waa, no moto wangaimika. ⁴⁹ Kwa kubaa kila mundu akolezwa mni moto. ⁵⁰ Mwinyo unoike, mana mwinyo utagike ladha yake watenda buli kubukiya ladha yake? Mube na mwinyo nkati yinu mwabene, na mube na amani kila yumo.