¹ Baisi upande wenge wa bahari, munkoa wa Gerasi. ² Palyo Yesu kapita nngalaba, mundu mwenye mminya lilalo aisi kuoma mmakaburi. ³ Undu oyo atami kumakaburi. ntopo mundu wakunkato ya zaidi, ntopo hata kwa minyororo. ⁴ Atabikwe minyololo siku yanyansima. Aukutwi nyororo na pingu zatekwike. Ntopo hata yumo abi na ngupu ya kunsinda. ⁵ Kilo na mutwe nkati abi kumakaburi na mmilema, kalela na kuipapwana mwene na mawe. ⁶ Palyo ambweni Yesu kutalu kumbutukia, na kuinama kulonge yake. ⁷ Klela kwa sauti ngolo, "upala nkutendii kele, Yesu, mwana wa Nnongo wa kunani muno? Nando kusihi kwa mwene Nnongo, kana unitese". ⁸ Kwa kuwa ate kunkokeya, nkote mundu oyo, wenga roho nchafu". ⁹ Kanlokiya, "wenga lina lyako wanyai?" Na ywembe kan'yangwa, "lina lyango Legion, mwalo tubi twabingi". ¹⁰ Kan'yopa tena na tena kana abapeleke kunnza ya mkoa. ¹¹ Ngobe banyansiba kabaliswa kunani ya nnema, ¹² Kaban'yopa kabakoya, "Tutume kwa ngobe, tuyingi nkati yabe". ¹³ Hivyo kabaelekeya, roho wachafu abobapai kaba yingia nkati ya ngobe, kababutukia pae ya nnema mpaka baharini, karibu ngobe elfu niibele batumbukii mmase. ¹⁴ Bale babi kabaasubga babutwike kuyenda kupiya taarifa ya sakipi kulyo kunnema. Bandu banyansima bapi kuyenda kulola eso kipite. ¹⁵ Baise kwa Yesu na kum'bona mundu asanganikiwe na nsela abi nilijeshi atami pae, awaliywe, na abi kuhali yake ya samani na bembe kaba yogopa. ¹⁶ Balwo babweni eso kipite kwa mundu asanganikiwe na nsela kabakokeya eso kipite kwabe na ngobe iyeya. ¹⁷ Na bembe kabankokeya aboke kumkoa wabe. ¹⁸ Kayingiya nngalaba, mundu abi na nsela kumutwe kaampala baboke bote pamwepe na ywembe. ¹⁹ Kakana kuboka nake, lakini kambakiya yenda akasako na kwa bandu bako, na ubakokeye aakutendii Nngwana na rehma akupayi. ²⁰ Eyo aboi na kutumbua kutangaza mambo makolo ayatei Yesu kwake Dekapoli, kila mundu ate kunganya. ²¹ Wakati Yesu alokike tena upande wanyaibele, nngalaba, bandu banyansima baisi kunteteleka abi mmbwega ya bahari. ²² Na yumo kiongozi wa sinagogi akemwa Yairo, aisi, ya kummona, atomwokia mmagolo. ²³ Kampembeya Na kumpembeya, kakoya "manango nnwawa mbeyambe awaa" Nandokuyopa uise ubeke maboko gako kana awee na apone. ²⁴ Eyomaboi pamwepe na bandu banyansima kabaakota karibu kabanteteleka. ²⁵ Kwabi ni nnwawa damu yake yapii kwa miaka kumi na ibele. ²⁶ Akundike masaka muno pae ya ang'anga banyansima aatomii kila kilebe abinaso, Ata eyo apatike kwaa nafuu kati ate yongeya bai. ²⁷ Ayowine habari kuhusu Yesu, eyo aisi Na kiogo yake kantyanga nkipenga say bandu, kakamua ngobo yake. ²⁸ Kwa kuwa akoiye "mana ngamuibile ngobo yake napona. ²⁹ kunkamuwa bai, damu yalei kupita, na yowine yega yake yaponi aboi mmasaka. ³⁰ Da go go Yesu atangake nkati yake mwene ngupu yampii. kaatendebuka kolyo na kolyo nkipenga asa bandu kaalokiya, "nyai angamwi ngobo yango?" ³¹ Benepunzi bake kabankokeya, "ubona kipenga seno kikutetelike, ukoya nyai atekukamwa?" ³² Yesu aloi kono na kono kulola nyai atei yeno. ³³ Nnwawa atangike eso kipii, ateyogopa na kulendema. Aisi nikutomboloka kulonge yake nikunkokeya kila kilebe. ³⁴ Kankokeya, "we nnwawa imani yako ikutei ube wa nkoto. yenda kwa amani na mabinye gako gaboka. ³⁵ Kalongela, baisi bandu kuoma kwa kiongozi wa sinagogi, kabakoya, "Mwana'go nnwawa awile. Mwalwakele kulyendelya kunkundiya masaka mwalimu?" ³⁶ Yesu ayowine eso bakikoyage kam'bakiya kiongozi wa masinagogi "Kan n'yogope mwamini bai". ³⁷ Akani kulongwana na mundu ywenge isipokuwa Petro, Yakobo, na Yohana, nnunage Yakobo. ³⁸ Baisi ukaya kwa kiongo wa sinagogi na ywembe am'bwenikiya, kulela muno na kuomboleza. ³⁹ Apo ayingi ukaya kabakokeya, mwalwakele mwando nung'unika na kulela? mwana ana waa kwaa agonzike". ⁴⁰ Kabamuheka, ywembe kaba mpiya panza kabantola tate mundu na mao mundu na balyo bai pamwepe na ywembwe, kabayingia nnyumba omo abii mwana. ⁴¹ Katola luboko lwa mwana na kunkokeya, "Talitha koum." ambayo na kukoya." ⁴² Ghafla mwana mwenza yumuka" Mwana ayumwike na utyanga (kubaa abi na miaka komi na ibele). na gafla kabayingiwa na nkanganyo nkolo. ⁴³ Kabaamulu kwa ngupu ngolo ntopo mundu yeyote kupaswa kulitanga liyaulyo. Na kabakokeya bampaye kilalyo mwana mwenza.