¹ Na iyeya ayingi nnyumba ya Lisinagogi na omo abimundu abi Na luboko lutombolwike. ² Bandu benge baikabankota kwa karibu kulola atamponya lisiku ya sabato ili basitaki. ³ Yesu kankokeya mundu mwene luboko lutombolwike"kagatuka na uyeme, kati yabandu bano." ⁴ Kisha kabakokeya bandu, "je ni halali kutwnda liyaulyo linoike lisiku ya sabato au kutenda yasio ya haki, kulopwa maisha gabandu au kubulaga? lakini batami poloi. ⁵ Kaabalola kwa hasira, kahuzunika mwalo wakunonopa iuba yabe, Na kankokeya yeah mundu "Tondobeya luboko lwako."katondobeya na Yesu kaamponya luboko lwake. ⁶ Mafarisayo bayei panza kabatenda nzama Na maherode dhidi yake ili bambulage. ⁷ Kisha Yesu, pamwepe na benepunzi bake bayei baharini, na bndu banyansima kabankota kabapeta Galilaya na Uyahudi. ⁸ Na kuoma Yeruselemu na kuoma Idumaya na kulonge ya Yorodani na jirani ya Tiro na Sidoni, bandubanyansima, ya kuyowa eso akitei kila mundu aisi kwake. ⁹ Nakabankokeya benepunzi bake kuandaa ngalaba nzunu mwalo wake, mwalo was kipenga za bandu, kana baise kumpuma. ¹⁰ Kuba atekubalagwa bandubanyansima, lenga kilamundu jwabi Na mateso abinishauku ya kuika palyo aabile ankamwe. ¹¹ Palyo roho achafu bambweni, baatombwike pae kulonge yake kaba lela ni kukoya "Wenga was mwana wa Nnongo." ¹² Kabaaking'india kanabatende atanganike. ¹³ Aayei kunani ya kitombe, kabayenda kwake. ¹⁴ Kabatalanganya komi na ibile (kabaakema mitume), ili babe pamwepe na awese kubatuma kuhubiri. ¹⁵ Na kuba na mamlaka ya kupiya mahoka. ¹⁶ Na kaababagwa komi na ibele: Simoni, kaampaya Lina lyango Petro, ¹⁷ Yakobo mwana wa Zebedayo, na Yohana nnunawake Yakobo, aampai lina lya Bonagesi, abo nabana ba Ngurumo, ¹⁸ na Andrea, Filipo, Bartholomayo, Mathayo, Tomaso, Yakobo mwana wa Alfayo, Thadayo, Simoni Mkananayo, ¹⁹ na Yuda Iskariote, ambaye aankana ²⁰ Kisha ayei ukaya, na bandu banyansima bayei pamwepe, hata balyo bawesa kwaa kulyaa mkate. ²¹ Alongo bake bayowine habari eyo, kabayenda kumboywa, kabakoya"agolwike malango." ²² Aandishi baisi kuoma Yerusalemu kabakoya, "Amepagawa na Beelzebuli," na, "kwa ntawala was nsela ampiye nsela." ²³ Yesu aakemike ukasake na kulongela nabo kwa mifano, "ya nsela awesa kumpiya nsela? ²⁴ Kama upwalume ubaganike wene, upwalme ogo uwesa kwaa kuyema. ²⁵ Mananyumba ibaganike yene, nyumba eyo iwesa kwaa kuyema. ²⁶ Kati nsela akagatuka kiogo sake mwene na kubaganika, awesa kwaa kuyema na aba aike mwisho wake. ²⁷ Lakini ntopo hata yumo awesa kuyingya nnyumba ya mundu mwene ngupu kuyiba ilebe yake bila ya kuntaba mwene ngupu wete, kisha kutola ilebe yote ya nnyumba. ²⁸ kweli nando kuwakokeya, sambi sote za bana Baadam zitasamehewa, pamwepe nikufulueyo balongela. ²⁹ Mundu yeyote ywa ankufuru Roho ntakatifu asamehewa kwa, bali abiniatia ya sambi za milele. ³⁰ Yesu akoiye yenu mwalo bayi kabalongela "abini Roho nchafu" ³¹ Kisha mao bake anuna bake baisi nikuyema panza, kabankokeya mundu ankeme. ³² Bandu banyansima bayii karibu yake batame kabankokeya "mao bako na anuna bako babii panza, bakupala wenga". ³³ Kaayangwa "nyai mao bango na anuna bango? ³⁴ Kabaalola balio batami bantetelike, kakoya "lola bano na mao bango na anuna bango! ³⁵ Yeyote atenda mapenzi ya Nnongo, mundu woyo na nlongo wango, nnombwango, na mao bango.