¹ Bwamba muno akolo ba makuhani bakusanyika pamwepe na agoi na aandishi na baraza zima la agoi. Kabantaba Yesu na kumpeleka kwa Pilato. kanlokiya, "Wenga wa mpwalume wa wayahudi? ² kayangwa, "Wenga ukoiye eyo". ³ Akolo ba makuhani kabakoya mashitaka mengi kuhusu Yesu. ⁴ Pilato kanlokiya tena, "Uyangwa kwaa sosote? Ubona kwaa eyo kushitaki kwa mayaalo mengi? ⁵ Lakini Yesu an'yangwa kwa Pilato, na eyo yate kunkanganya. ⁶ Kwa kawaida lisiku ya sikukuuu kunlekeya mfungwa yumo, mfungwa ywa an'yopike. ⁷ Kwaii waharifu muligereza, miongoni mwa abele gaji bateasi kabatumikia makosa yabe. Abi mundu yumo akemmwa Baraba. ⁸ Bandu banyansima kabaisa kwa pilato na kun'yopa atende kati ya atei uko nkyogo. ⁹ Pilato kayangwa ni kukoya, "Mupala nia ndulye mpwalume wa Wayahudi?" ¹⁰ Aatangike bwiu wa aakolo ba makuhani kum'boywa na kumpeleka kwake. ¹¹ Akolo ba makuhani basosile sa kipenga sa bandu kuguta na kukoya alekwe Baraba badala yake. ¹² Pilato kayangwa tena na kukoya, "Nintende kele mpwalume wa wayahudi?" ¹³ Kabaguta lelo "Msulubishe" ¹⁴ Pilato kakoya "atei libaya gani? bayongiye kuguta na kukoya msulubishe" ¹⁵ Pilato kaba apulaisha kanlekeya Baraba. Kaamkombwa Yesu mjeredi kisha kampiya ili asulubiwe. ¹⁶ Askari kabanlongoya mpaka mulua (wa ubi nkati ya kambi) bakusanyike pamwepe na kikosi cha askari. ¹⁷ Kabam'waliya Yesu ngazu ya zambarau, kaba pota taji ya miiba kaba mwaliya. ¹⁸ Kabatumbwa kumueka na kukoya "Salam Mpwalume wa Wayahudi!" ¹⁹ Kabankombwa kumutwe na milai na kumuuniya mata kaba beka mayua yabe pae kwa kumheshim. ²⁰ Kabayomwa kumdhihaki, kaba muule ya kanzu ya zambarau na kumwaliya ngobo yake, kabampiya panza kuyenda kumsulubisha. ²¹ Kabamlazimisha mpeta ndela kun'gangata abi kuoma kumiginda kayingiya mjini akemwage Simoni mkerene (Tate bake Iskanda na Rufo); kabanlazimisha kupotwa msalaba wa Yesu. ²² Askari kabampeleka Yesu pandu pakemwa Goligotha (maana ya tafsiri yeno na pandu paliupa l lundoi). ²³ Kabampya mvinyo uangabinwe na manemane lakini anywi kwaa. ²⁴ Kabamsulubisha nakunagana ngobo yake kaba paga kula luamua eso apata kila askari. ²⁵ Yabi saa tatu bwamba palyo bate kumsulubu. ²⁶ Kababeka lubao kunani kabaandika shitaka "Mpwalume wa Wayahudi." ²⁷ Kaba msulubisha na majambazi abele, yumo luboko wa mmulyo na yumo luboko lwa nkeya wake. ²⁸ (Zingatia mstari uno; "Na maandiko gatimile ago gakoiywe" Ntopo munakala za kale.) ²⁹ Balyo kabapeta bai kabantukana, kaba iniya mutwe na kukoya, "Aha! wenga wa kupi mwana lihekalu na kusenga kwa sikutatu, ³⁰ Jiokoe wa mwene na uuluke pae viboye apa pamsalaba. ³¹ Kati iyeya akolo ba makuhani wakimdhihaki kabakoyana pamwepe na aandishi na kukoya, "Aokwile benge lakini mwene ashindikewe kuiokwa. ³² Kristo mpwalume wa Israel uluka pae kuoma msalabani, ili tupate kubona na kuamini "Na balyo basulubiwe pamwepe walimdhihaki. ³³ Kuika saa sita, lubendo lwa isi nnema nzima paka saa tisa. ³⁴ Muda wa saa tisa Yesu kaguta kwa sauti ngolo, eloi, eloi lamasabaktane? Yabini maana ya "Nnongo wango, Nnongo wango mwalowa kele kunileka? ³⁵ Balyo bayemi kuyowa eyo kaba koya "lola, ankema Eliya". ³⁶ Mundu yumo kabutuka ni kuyenda kutola siki na kuibeka musiponchi na kubeka kunani ya malai na kumpaya ili anywee. mundu yumo kakoya "lenda tubone oyo Eliya aise kumuuluya pae. ³⁷ kisha Yesu kalela kwa sauti ngolo kawaa. ³⁸ Pazia ya hekalu labaganike ipande ibele kuoma kunani mpala pae. ³⁹ Ofisa yumo ayemi kaegenda kwa Yesu ya kummona wawile ya abile kakoya "Kweli yono mundu abi mwan wa Nnongo. ⁴⁰ Baii alwawa kutalu kabalola. nkati yabe ai Mariamu Magdarena, Mariam (mao bake Yakobo mnunage Yose) na Salome. ⁴¹ Kwa Galilaya bankotike na kuntumikia na alwawa wa benge bingi, pia alongwaniye mpaka Yerusalem. ⁴² Kuika kitamwinyo, kwa kuwa yabii lisiku ya maandalio ya sabato, ⁴³ Palyo kaisa Yusufu wa Arimathaya, aii nyumbo wa baraza mundu wa heshima anageutarajia upwalume wa Nnongo. Kayenda kwa Pilato na kuyopa mmwili wa Yesu. ⁴⁴ Pilato kakanganya kuba Yesu tayari awile, kankema ywa afisa na kunnokiya kama Yesu awile. ⁴⁵ Palyo apatike uhakika kuoma kwa afisa kwamba Yesu awile, kankokeya Yusufu akautole yega. ⁴⁶ Yusufu apemike sanda kaamualaga kuoma msalabani, kantola na sanda ni kumbeka muli kaburi liyembikwe kummwamba kisha kalibeka libwe kunlango wa kaburi. ⁴⁷ Mariam Magdalena na Mariamu mao bake Yose babweni pandu pa Yesu asikikwe.