¹ Yesu na banapunzi bake bapite pakatikati yang'unda wangano banapunzi bake batiuna makwasi gangano kabataunanga . ² Lakini baadhi ya mafarisayo batibaya, "Namani sabaki panga banapunzi bako mana batekwa nasheria lya lisoba lya sabato?. ³ Yesu atikwayangwa , kabaya, "Muwaite kwaa soma chelo Daudi chakipangite pabile na njala, ywembe na banarome bababile pamope nakwe. ⁴ Atiyenda mu'nyumba ya Nnongo, na atolite libumunda litakatifu na liya baadhi, na kuiboya baadhi kwa bandu bababile nakwe lyaa, hatakama ibile halali kwa makuhani lyaa." ⁵ Boka po atikuwabakiya, "mwana wa Adamu na Ngwana wa sabato." ⁶ Yabonekine mu'sabato yenge kwamba atiyenda nkati ya sinagogi na kubapundisha bandu kwa pabile na mundu ambaye luboko lwake lwa mmaliyo watipooza. ⁷ Baandishi na mafarisayo babile banda kunlinga kwa makini bona kati anyeponya mundu lichoba lya sabato, ili wecha pata sababu ya kumshitaki kwa panga likosa. ⁸ Lakini atangite namna cha fikiria na baya kwa mundu ywabile atipooza luboko uyumuka uyema pana kati ya kila yumo." Nga nyo yolo mundu atikakatuka ni yema palo. ⁹ Yesu atibaya kwabe, "Ninda kuwalokiya mwenga na halali lichoba lya sabato panga mema au panga madharau, kuokoa maisha amakuyaaribu, Boka po atikubalinga boti na kum'bakiya yolo mundu. ¹⁰ "Nyoosha luboko lwako," Apangite nyaa, na luboko lwake labile litinyooka. ¹¹ Lakini batwelile na hasira, batilongela bene kwa bene husu namani chapaswa apange kwa Yesu. ¹² Yatibonekana machoba ago kwamba atiyenda pakitombe loba, Aatiyendeleya kilo yoti loba Nnongo. ¹³ Paibile bwamba, atikubakema benepunzi bake kwake, na atikuwachawa komi na ibele kati yabe, ambao pia atikubakema, "Mitume" ¹⁴ Mayina ga balo mitume yabile Simoni, (ywa pia atikumkema Petro) na Andrea nnuna wake, Yakobo, Yohana, Filipo, Bartolomayo, ¹⁵ Mathayo, Tomaso na Yakobo mwana wa Alfayo, Simoni ywa akemwa Zelote, ¹⁶ Yuda mwana wa Yakobo na Yuda Iskariote, ywa abile msaliti. ¹⁷ Boka po Yesu atitelemka pamope nakwe boka mukitombe na yema mahali palibende. Benepunzi bakr banyansima babile kwo pamope na bandu benge banyansima boka Uyahudi na Yerusalem na boka mbwani ya Tiro na Sidoni. Baichile kumpekanya na ponywa magonjwa yabe. ¹⁸ Bandu babile bandasumbuliwa na nchela bachapu batiponywa pia. ¹⁹ Kila yumo kwenye lyoo kusanyiko atikwapaya kumkamwa kwa kwamwanjaa ngupu ya uponyaji yabile bonekana nkati yake, na atikubaponya boti. ²⁰ Boka po atikubalinga benepunzi bake, na baya, "mtibarikiwa mwenga mwa m'bile maskini, kwa maana ufalme wa Nnongo ni winu. ²¹ Mtibarikiwa mwenga mwabile na njala nambeambe, kwa maana mpala yukuta. Mtibarikiwa mwenga mwamlela nambeambe kwa maana mpala eka. ²² Mtibarikiwa mwenga ambao bandu bapala kubachukianga na kubatenga na kubashutumu mwenga kwamba mwa'ovu, kwa ajili ya mwana wa Adamu. ²³ Pulaini katika lichoba lyoo na goloka goloka kwa pulaha, kwa sababu hakika mpala pata thawabu ngolo kumaunde, kwa maana tate bao batikubatenda nyonyonyoo mananbii. ²⁴ Lakini ole winu mwabile matajili kwa maana myomwile pata faraja yinu. ²⁵ Ole winu mwabile yukwita nambeambe! Kwa mana mpala bona njala baalaye, Ole winu mwamueka nambeambe mpala lomboleza ni lela baalae. ²⁶ Ole winu mwapala lumbwa na bandu boti! kwa mana tate bao atikubatenda manabii wa ubocho nyonyonyo. ²⁷ Lakini nibaya kwinu mwenga mwamunipekaniya, mwapende adui zenu na kupanga mema kwa babawachukiya. ²⁸ Mubabariki balo babalaani mwenga na mubalobii balo babaoneya. ²⁹ Kwa ywembe ywa akukombwa shavu limo, mgalauliye na lya ibelr. Kati mundu akupokonyile jyoho lyako kanamchibi na nganzu. ³⁰ Mbei kila ywa akuloba. Kati mundu akupokonyile kilebe na mali yako, kana umrobe akubuyanganiye. ³¹ Kati ubapendavyo bandu babatendii, na mwenga mubatendi nyonyonyo. ³² Kati mkiwapenda bandu baba mpendanga mwenga tu, eyo na thawabu ya namani kwinu" kwa maana hata bene dhambi huwapenda balo babapendile. ³³ Kati mwatendi mema balo bawatendi wema na mwenga, eyo nga thawabu gani kwinu? kwa mana hata ywabile na sambi apanga nyoo. ³⁴ Kati mwatikunkopesha ilebe kwa bandu mwabile mutegemie kwamba balowa kubabuyanganikiya, eyo nga thawabu gani kwinu? Mana hata balo babile na sambi balowa kopesha benge sambi benge, na tegemya pokya kiasi chechelo kae. ³⁵ Lakini mwapende adui zenu na mwatendei mema. Mubakopeshe na mhofie kwaa kuhusu kubuyanganikiwa, na thawabu yinu ipalika kuba ngolo. Mpalikwa kuba bana ba Ywabile kunani, kwa mana ywembe mwene nga mwema kwa bandu babile kwaa na shukrani na baovu. ³⁶ Mube na huruma, kati Tate binu ywabile na huruma. ³⁷ Kana mhukumu, mwenga muhukumilwa kwaa. Kana mulaani, na mwenga mulaanilwa kwaa. Musamei benge, na mwenga mwalowa sameelwa. ³⁸ Mwapei benge, mwenga mwalowa peilwa. Kiasi sa ukarimu-chakisindililwe, sukwasukwa na mwagilwa-mwagilwa mumagoti yinu. Kwamana kwa kipimo chochote mwakitumile pemya, kipimo chechelo chapanga tumilwa kubapemya na mwenga. ³⁹ Boka po kabamakiya kwa mpwano kae, "Je mundu ywange bona aweza kumwongoza kipofu ywenge? Kati atipanga nyoo, bai boti balowa tombokya mulimbwa, je kana batumbukii? ⁴⁰ Mwanapunzi aweza kwaa kuba nkolo kuliko mwalimu wake, lakini kila mundu kaayomwa pundishwa kwa ukamilifu alowa kati mwalimu bake. ⁴¹ Mwanja namani bai mwakilola kibanzi nkati ya liyo lya nongo wo, na wabile ni boriti nkati ya liyo lyako uilola kwaa? ⁴² Waweza kwaa kummakiya nongowo, Nongo wango kiboywe ibanzi mu'liyo lyako, "wenga ulola kwaa boriti yaibile muliyo lyako wa mwene, Nga ubona inanoga kumoywa kibanzi mu'liyo lya nongo bako. ⁴³ Kwamana ntopo nkongo unoyite upambike matunda ganoite kwaa, wala ntopo nkongo unoyite kwaa upambika matunda ganoite. ⁴⁴ Kwa mana kila nkongo bandu uyowanika kwa matunda gake. Kwamana bandu bachuma kwaa tini boka mu'miba, wala kana bachuma zabibu boka mu'michongoma. ⁴⁵ Mundu mwema mu'hazina njema ya mwoyo wake kumoywa galyo mema, na mundu mwou mu'hazina mbou ya mwoyo wake umoywa galyo maou. Kwamana ntwe wake ubaya galo gaujazike mwoyo wake. ⁴⁶ Kwa namani mwanikema,'Ngwana, Ngwana, na balo muyatendi kwaa galo ganiabakiya? ⁴⁷ KIla mundu ywanikengama nenga na kugayowa makoweni kugatendii kazi, nalowa kwaonesha ywabile. ⁴⁸ Atilandana na mundu ywachenga nyumba yake, ywa chimba pae muno, na kuchenga msingi ba nyumba nnani ya mwamba imara. Mafuriko gaisile, maporomoko ga mase, gaikombwile nyumba, lakini yaweza kwaa kwitikisa, kwa mana yabile ichengwite vizuri. ⁴⁹ Lakini ywoywoti ywaliyowa neno lyango no kulitii kwaa, mpwano wake ywa mundu ywachengite nyumba nnani ya mbwega pabile kwaa na msingi, mto wauilukie kwa ngupu, nyumba yelo yapatike maangamizi makolo.