¹ Boka po, Yesu abile atwalilwe Roho Mpeletau, atibuya boka kubende Jordani, na ationgozwa na Roho mu'lijangwa ² kwa machoba arobaini, ni kwoo atijaribiwa na nchela. Muda woo alile kwaa chochote, na mwishowe wa muda uno ayiisile njala. ³ Nchela atikum'bakia, "Kama wenga ywa mwana wa Nnongo, liamuru liwe leno lipangite nkate." ⁴ Yesu kaayangwa, itiandikwa; mundu atama kwaa nkate kichake." ⁵ Boka po nchela atikumuongoza kunani kwenye kilele sa kitombe, na atikumlaya falme yoti pakilambo kwa muda mfupi. ⁶ Nchela atikum'bakiya, "Nipala kukupatia mamlaka ya tawala falme yeno yoti pamope na fahari yake. Niwecha kukupanga nya kwa sababu nyoti nitikabidhiwa kwango niitawale na nindawecha kumpeya yoyoti nimpalae kumpeya. ⁷ Kwa nyo, kati unda niaminia na kuniabudu, vitu vino vyooti vipala panga vyako." ⁸ Lakini Yesu kan'yangwa ni kummakiya, "Iandikilwe," Lazima umwabudu Ngwana Nnongo wako, ni lazima umtumikie ywembe kichake." ⁹ Baadaye nchela atikumuangoza Yesu hadi ku'Yerusalem na kum'beka sehem ya kunani kabisa ya jengo lya hekalu na kum'bakia, "Kati wenga na mwana wa Nnongo, ujitombwe pae boka pano. ¹⁰ "Kwasababu iandikilwe "Apala lagiya malaika bake bakutunze na kukulenda, ¹¹ Na bapala kukukakatuya kunani muluboko lyake ili kwamba kana ulumi magolo gako kunani ya liwe." ¹² Yesu atikumjibu akim'bakia, "Itinenwa, "kana umjaribu Ngwana Nnongo wako." ¹³ Nchela payomwile kumjaribu Yesu atiboka na kumleka hadi muda wenge. ¹⁴ Boka po Yesu atibuya Galilaya kwa ngupu za Roho, na habari kumhusu ywembe zitienea na sambaa katika mikoa yapapipi yoti. ¹⁵ Atifundisha katika masinagogi yabe, na kila yumo atikumsifu. ¹⁶ Lichoba limo ayei Nazareti, mji ambao atilekwa na kla. Kati cha ibile desturi yake atijingya ku'lisinagogi lichoba lya sabato, na atiyema soma liandiko. ¹⁷ Atikabidhiwa gombo lya nabii Isaya nyoo, atiundwa gombo na pala sehemu yaiandikilwe, ¹⁸ Roho wa Ngwana ywa mnani yango, keasababu anijeile mauta hubiri habari njema kwa maskini. Atikunituma tangaza uhuru kwa wafungwa na panga bababona kwaa wecha bona kae kubabeka huru balo baba kandamizwa, ¹⁹ Tangaza mwaka ambao Ngwana apala laga wema wake." ²⁰ Boka po po akalitaba gombo, atikumrudishia kiongozi wa sinagogi, ni tama pae. Minyo ya bandu boti babile mu'lisinagogi bati kumlinga yembe. ²¹ Atumbwile longela nakwe akibaya, "Leno andiko lino litimile mmasikio yinu. ²² Kila yumo palo atishuhudia chelo cha kibaite, Yesu, ni benge miongoni mwabe batishangala na maneno ga hekima gagabile bokya katika nkano wake, Babile bakibaya, yono na kijana tu wa Yusufu, nyonyo kwa?" ²³ Yesu atikubabakiya, "hakika mpala baya methal ino kwango nee,'"N'ganga jiponye mwene. Choti chatuyowine panga Kapernaumu, mukipange pano kae kukaya kwinu.'" ²⁴ Kae abayite, "hakika nindakuwabakiya mwenga, ndopo nabii angayeketilwa kachake." ²⁵ Lakini nindakuwabakiya mwenga kweli kwamba kwabile na bawelikwe banambone Israel katika kipindi sa Eliya, muda kunani paitabilwe ntopo na ula kwa miaka itatu na nusu, muda kwabile na ndele ngolo pa'kilambo choti. ²⁶ Lakini Eliya atumwile kwa yeyote yumo kwabe, lakini kwa mjane yumo ywa tamile Sarepta papipii ni mjo wa Sidoni. ²⁷ Pia kwabile na hakomo banambone Israel katika kipinda sa Elisha nabii, lakini ntopo hata yumowabe yapomwile isipokuwa Naamani mundu wa Siria. ²⁸ Bandu boti nkati ya sinagogi batwele na gadhabu payowine haga goti. ²⁹ Batiyema na batikunchukuma panja ya mji, ni kumwongocha mpaka mu'mbwegu ya kitombe sa mji ambapo mji wabe wachengitwe kunani yake, ili waweche kumtomboya pae. ³⁰ Lakini apitile salama nkati yabe na yendya zake. ³¹ Boka po atiyelya Kapernaumu, mu mji wa Galilaya. Sabato yimo abile atifundisha bandu nkati ya sinagogi. ³² Batishangala na mapundisho gake, kwasababu atifundisha kwa mamlaka. ³³ Nambeambe lyochoba lyo nkati a sinagogi, kwabile na mundu abile na roho nchafu wa nchela, na atilela kwa lilobe la kunani, ³⁴ "Tubi na namani nakwe, Yesu wa Nazareti? Uichile kutuyomwa? Nitangite wenga wa nyai! Wenga wa mpeetau wa Nnongo!" ³⁵ Yesu atikumkemeya nchela buya, "ukotoke liki, na u'mboke mundu yuno! Nchela yolo atikumtaikwa mundu yolo pae nkati yabe, atikum'boka yolo mundu bila ya kumsababishia maumivu gogoti. ³⁶ Bandu boti batishangala, na endelea kulongela kikowe chelo kila yumo nanyine, batibaya, "na makowe ga aina gani haga?"Atikubaamuru roho bachapu kwa mamlaka na ngupu na bapala boka. ³⁷ Nga nyo, habari kunani ya esu itienea katika makowe gabazunguka mkoa wono. ³⁸ Boka po Yesu atiboka katika mji wolo na atijingia katika nyumba ya Simoni. Nambeambe, mao bake mkwe na Simoni abile andaminya homa kali, na batikumsihi kwa niaba yake. ³⁹ Nga nyo, Yesu atiegelelya, atikemea ile homa na itikumleka ghafla atiyema na tumbwa kubatumikiya. ⁴⁰ Liumu laitimbweli yima, bandu katika batimletea Yesu kila yumo ywabile atama na maradhi ya aina ganambone abekite luboko lwake kunani ya kila mtamwe na atikubaponya boti. ⁴¹ Na nchela kae yatikuwapiya banambone wabe bakilela kwa malobe na baya, "wenga na mwana wa Nnongo! Yesu atikuwakemeia mashetani na atikubaruhusu balongele, kwa sababu batitanga kwamba ywembe abile kristo. ⁴² Muda pauyomwike, ayei eneo labile ntopo mundu. Makutano ga bandu babile bakimpala na icha katika eneo lya abile. Batipaya kunkanikiya kana ayende kulipire nakwe. ⁴³ Lakini atikuwabakiya, "Lazima pia nihubiri habari inanoga ya ufalme wa Nnongo katika miji yenge yanambone, kwa kuwa yeno nga sababu nititumwa pano. ⁴⁴ "Boka po atiyendelea hubiri nkati ya masinagogi katika uyahudi woti.