¹ Lyabile lichoba limo, Yesu abile akipundisha bandu Muhekalu na hubiri Injili, Makuhani na Baalimu basheria batikunyendelia pamope na apendo. Batilongela, batikunaluya, ² ''Utubakiye na kwa mamlaka yaa'ko upanga makowe aga? Namani jwakupei mamlaka aga?" ³ Na ywembe kayangwa, nakuwabakiya, ''Na nenga nipala kuwalokiya swali, Munibakiye ⁴ ubatizo wa Yohana, Je wabokite kumaunde ama kwa bandu? ⁵ Lakini batijadiliana bene kwa bene, nabaya, ''Mana tubaite, ubokite kumaunde, apala kutulokiya, bai mbona mumwamini kwaa?'' ⁶ Na mana tubaite, uboka kwa bandu, bandu boti pano bapala kutukombwa na maliwe, maana boti baamini kwamba Yohana abile nabii.' ⁷ Bai, batiyangwa ya kwamba batangite kwaa kwaibokite, ⁸ Yesu atikuwabakiya, "Wala nenga niwabakiya kwaa mwenga na kwa mamlaka yaa'ko nipanga makowe aga." ⁹ Atikuwabakiya bandu mfano wono, "Mundu yumo atipanda nng'unda wa mizabibu, nakulikodisha kwa akolema wa mizabibu, na yenda kukilambo chenge kwa muda mrefu. ¹⁰ Kwa muda waupangilwe, atatikumlayagi mmanda kwa akolema ba mizabibu, kwamba wampei sehemu ya matunda ya nng'unda wa mizabibu, lakini akolema ba mizabibu batikumkombwa, nakum'buyanganiya maboko yabure. ¹¹ Boka po amtumite kae mmanda ywenge na ywaa batikumkombwa, kumpangia ubaya na kum'buyanganiya maboko yabule. ¹² Atumilwe kae mmanda wa itatu na haywo kunnimiya na kumtaikwa panja. ¹³ Nga nyo ngwana wa nng'unda abaite, ''Nipange namani? Nipala kumtuma mwana wango mpendwa. Labda bapala kumweshimu.'' ¹⁴ Lakini akulima ba mizabibu pamweni, batijadiliana bene kwa bene bakibaya,'haywa nga mrithi, tum'bulage, lenga urithi wake upange witu.' ¹⁵ Bampigite panja na nng'unda wa mizabibu na kum'bulaga, Je ngwana shamba apala kuwapanga namani? ¹⁶ Apala yenda kubaangamiza akolema ba mizabibu, ni kubapea bengr nng'unda, wolo". 'Nabo pabayowine ago, babaite, ''Nnongo aakani'' ¹⁷ Lakini Yesu atikuwalola, na baya, ''Je andiko leno libii na maana yaa'ko?'' lwe labalikani achengi, lipangite liwe la kumbwega? ¹⁸ Kila mundu ywatomboka kunani ya liwe lyoo, atekwanika ipande ipande, lakini yolo latimtombokeya, lendakumlebata ¹⁹ Hivyo Aandishi na akolo ba Makuhani bapali tendelaya kumboya wakati wowowo, batangite abaite mfano wolo dhidi yabe, lakini babayogopile bandu. ²⁰ Balingite kwa makini, nakubatuma apelelezi baipangite kuwa bandu ba haki, lenga bapate likosa kwa hotuba yake, lenga nakumpeleka kwa atawala na bene mamlaka. ²¹ Nabo balokite, bakibaya, "Mwalimu, tutangite kwamba ubaya na kupundisha makowe ga kweli na shawishi kwaa ni mundu yeyoti, lakini wenga ufundisha kwelu husu ndela ya Nnongo. ²² Je, na halali kwetu lepa kodi kwa Kaisari, ama la? ²³ Lakini Yesu atangite mtego wabe, atikuwabakiya, ²⁴ Munilage dinari, Minyo na chapa ya nyai ibile kunani yake? batibaya! "Ya Kaisari." ²⁵ Na ywembe akawabakiya, Bai, mumpei ya Kaisari yagabile yake Kaisari, na Nnongo yagabile ya Nnongo.' ²⁶ Aandishi na akolo ba Makuhani balilendapo uwezo wa kosoa chelo chakibaite nnonge ya bandu, batishangala majibu gake babaite kwaa kilebe. ²⁷ Baadhi ya Masukayo bayendeli, balo babaya ntopo ufufuo, ²⁸ Bakamlokiya, bakibaya, ''Mwalimu, Musa atikutuyandikiya kwamba mana mundu awelikwe na munage mwene nnyumbowe ntopo mwana bai apalikwa kumtola nnyumbowe nunage na yenda papa nakwe kwaajili ya kaka bake. ²⁹ Pabile na alongo saba wa kwanza atikobeka, na waa bila leka mwana, ³⁰ Na ywana ibele pia. ³¹ ywa tatu atikumtola nyanya, nganyonyo boti saba balekite kwaa mwana na waa. ³² Baadaye na yolo nnwawa ati waa. ³³ Katika ufufuo, apala panga nyumbo wa nyai? maana boti saba batikumkobeka.' ³⁴ Yesu atikuwabakiya, "Bana ba kilambo cheno ukobeka na konda. ³⁵ Lakini balo babastaili pokiya ufufuo wa kiwo na jingya muukoti wangayomoka bakobeka kwaa wala kondelwa. ³⁶ Wala bawecha kwaa waa kae, kwa sababu bala baa sawaswa namalaika na na bana ba Nnongo, bana ba ufufuo. ³⁷ Lakini hayo wafu banafufuliwa, hata Musa atilaya mahali katika habari ya mmwitu, palo atikumkema Ngwana kati Nnongo wa Ibrahimu na Nngongo wa Isaka na Nnongo wa Yakobo. ³⁸ Nambeambe, yembe Nnongo kwaa wa wafu bali wa wabile akoti, kwa sababu boti hiushi kwa ywembe." ³⁹ Baadhi ya baalimu ba sheria batiyangwa, "Mwalimu, uyangwite vema.' ⁴⁰ Bateyhubutu kwaa kumlokiya liswali lyenge zaidi. ⁴¹ Yesu atikuwabakiya, ''Ki vyaa'ko bandu babaya kwamba Kristo na mwana wa Daudi? ⁴² Maana Daudi mwene abaya katika Zaburi: Ngwana atikumbakiya Ngwana wango: Utamae luboko lwa mmaliyo, ⁴³ mpaka nibabeke adui zako baye ya magolo gako.' ⁴⁴ Daudi amkema Kristo 'Ngwana', bai yapanga kitiwi mwana wa Daudi?" ⁴⁵ Bandu boti bababile kabampekaniya batikumbakiya anapunzi bake, ⁴⁶ Jihadhalini ni Aandishi, apenda tanga bawalite mavazi maracho, na apenda salamu maalumu musoko na iteo ya heshima Mumasinagogi, na maeneo ya heshima mukaramu. ⁴⁷ Habo kae uliya munyumba ya ajane, na kuipanga bandasali, sala ndacho. Haba bapala pokiya hukumu ngolo zaidi.'