¹ (Zingatia: Linga ufafanuzi ba Yohana 7:53-8:11 nnani yake).Yesu aboi mu'kitombe sa Mizeituni. ² Bwamba aisa mu'lihekalu, na bandu bote kabankengama, atami na kubapundisha. ³ Baandishi na Mafarisayo kabannetya Nwawa ywaatabilwe mu'kitendo sa'umalaya. Kabamweka nkati yabe. ⁴ (Uyingatye: Linga ufafanuzi wa Yohana 7:53-8:11 nnani hapo). Nga kabammakiya Yesu, "Mwalimu, nnwawa yolo atabilwe mu'umalaya, paabile apanga umalaya. ⁵ Nambeambe, mu'saliya ya Musa atituamuru kuwapondanga maliwe bandu kati aba, ubaya namani nnani yake? ⁶ Kabagabaya aga ili kuntegeya ili bapate likowe lya kumshitaki, lakini Yesu kainama na kuandika pae pa'bui kwa kidole sake. ⁷ (Zingatia: linga ufafanuzi wa Yohana 7:-8:11 kunani). Pabayendelea kunnaluya, ayemi na kuabakiya, "Ywembe abile kwaa na sambi nkati yinu, abile wa kwanza kumpondanga maliwe." ⁸ Ainamite kae pae, atiandika mu'dunia kwa kidole chake. ⁹ (Zingatia: Linga ufafanuzi wa Yohana 7:53-8:11 kunani). Kabayowine ago, batiboka yumo baada ya ywenge, kuanzia ywabile mpindo. Mwisho Yesu alekilwe kichake, pamope ni yolo nnwawa ywabile nkati yabe. ¹⁰ Yesu ayemite na kummakiya "Nnwawa, balo bakushitakiya babile kwaako? Ntopo hata yumo ywakuhukumu? ¹¹ Kabaya, "Ntopo hata yumo Ngwana." Yesu kabaya, "Hata nenga nalowa kukuhukumu kwaa, uyende mundela yako; kuanzia nambeambino na kuyendelea kana upange sambi kae." ¹² Yesu kalongela na bandu kae kabaya, "Nenga na mbeya ba ulimwengu; ywembe ywanikengamite atyanga kwaa mulibendo ila abile na ukoto," ¹³ Mafarisayo kabammakiya, "Wajishuhudia wa mwene, ushuhuda wako nga wa kweli kwaa." ¹⁴ Yesu kaayangwa na kuwamakiya, "Hata kati nalowa kujishuhudia mwene, ushuhuda wango na kweli. Nitangite pandu nibokite na kolyo kaniyenda, lakini mwenga mutangite kwaa pandu nibokite au kolyo kaniyenda. ¹⁵ Mwenga mwatihukumu mu'yega; nenga nahukumu kwaa yeyote. ¹⁶ Nenga hata mana nihukumule, hukumu yango na kweli kwa sababu nabile kwaa kichango, nibile pamope na Tate ywanitumile. ¹⁷ Eloo, na mu'saliya yinu iandikilwe kuwa ushuhuda wa bandu abele na kweli. ¹⁸ Nenga nga nishuhudiae, na Tate ywanitumile atikunshuhudia." ¹⁹ Bakammakiya, "Tate bako abile kwaako?" Yesu kayangwa, "Nenga mwanitangite kwaa nenga, mana munitangike nenga, mwalowa kuntanga na Tate bango kae." ²⁰ Abaya maneno aga abile papipi na hazina abile atifundisha mu'lihekalu, na ntopo hata yumo ywantabile kwa sababu saa yake ibile bado iikite. ²¹ Bai kammakiya kae, "Niyenda zangu; mwalowa kunipala na mwatiwaa mu'sambi yinu. Kolyo kwaniyenda, mwaweza kwaa kuisa." ²² Ayahudi kababaya, "Alowa tanga mwene, ywembe ywabile akibaya,'kolyo kaniyenda muweza kwaa kuisa'?" ²³ Yesu kaamakiya, "Mwaboka pae, nenga niboka kunani. Mwenga na ba Ulimwengu; nenga na wa ulimwengu kwaa. ²⁴ Kwa eyo, natikuwabakiya kuwa nalowa waa mu'sambi yinu. Vinginevyo mwaminiya kuwa NENGA NGA, mwalowa waa mu'sambi yinu." ²⁵ Kwa eyo kabammakiya, "Wenga wa nyai?" Yesu kaamakiya, galo ganiabakiya tangu mwanzo. ²⁶ Nabile ni makowe ganansima gakulongela na kuhukumu nnani yinu. Hata nyoo, ywembe ywanitumile ni wa kweli; na makowe nigayowine kuoma kwake, makowe aga niabaya kwa ulimwengu." ²⁷ Kabamwelewa kwaa kuwa abile kalongela nabo kuhusu Tate. ²⁸ Yesu kabaya, "Pamwalowa kumwinua kunanu Mwana wa Mundu, nga mwalowa tanga NENGA NGA, na kwamba nipangite kwaa lolote kwa nafsi yango. Kati Tate ywanipundisha, nalowa longela makowe aga. ²⁹ Ywembe ywanitumile abile pamope na ywembe, na ywembe anilekite kichango, kwani kila mara napanga galo gabampendeza." ³⁰ Palyo Yesu abaya makowe aga, baingi batikumwaminiya. ³¹ Yesu kabaya kwa balo Ayahudi baaminiye, "Mana ibile mwatama mu'neno lyango, nga mubile anapunzi bango kweli, ³² mwenga mwalowa kuitanga kweli, na kweli yalowa kwabeka huru." ³³ Kabanyangwa, "Twenga twa ubeleko wa Ibrahimu na kamwe tuwaike kwaa pae ya utmumwa wa yeyote; wabaya kwaa, "Twalowa bekwa huru?" ³⁴ Yesu kaayangwa, "Amini, amini, naamakiya, kila ywapanga sambi na mmanda wa sambi. ³⁵ Mmanda atama kwaa munyumba wakati wote; mwana hudumu masoba yote. ³⁶ Kwa eyo, mana itei Mwana abekilwe huru, mwalowa pangika huru kweli kabisa." ³⁷ Nitangite kwamba mwenga na ubeleko wa Ibrahimu; mwanipala kunibulaga kwa sababu neno lyango labile kwaa na nafasi nkati yinu, ³⁸ Nalongela makowe ambayo niyabweni pamope na Tate bango, na mwenga nyonyonyo mwapanga makowe ambayo mwagayowine kuoma kwa tate yinu." ³⁹ Kbanyangwa na kummakiya, "Tate yitu nga Ibrahimu."Yesu kaamakiya, kati mwabile na bana ba Ibrahimu, mwalowa panga kazi ya Ibrahimu. ⁴⁰ Hata nambeambe mwalowa pala kunibulaga, mundu ywabakiye ukweli kuwa nayowine kuoma kwa Nnongo. Abrahamu apangite kwaa ayee." ⁴¹ Mwapanga kazi ya tate yinu."Kabammakiya, Tubelekwile kwaa mu'umalaya, tubile na Tate yumo Nnongo." ⁴² Yesu kammakiya, "Mana itei Nnongo nga Tate yinu, mnipendile nenga, kwa maana niboite kwa Nnongo; wala niisile kwaa kwa nafsi yango, ila ywembe ywanitumile. ⁴³ Kwa namani mwelewa kwaa maneno yango? Kwa sababu muweza kwaa vumiliya kugayowa maneno yango. ⁴⁴ Mwenga na wa tate yinu, nchela, nga mpala kuipanga tamaa ya tate yinu. Abile ywamulaga tangu mwanzo na aweza kwaa kuyema mu'ukweli kwa mana kweli yabile kwaa nkati yake. Kabalongela ubocho, alongela kuoma kwa asili yake kwa sababu na mmocho nga tate ba ubocho. ⁴⁵ Nambeambe, kwa sababu nibayile yaibile kweli, muniamini kwaa. ⁴⁶ Ywa nyai nkati yinu ywanishuhudia kuwa nibile ni sambi? mana itei nibile yaibile kweli, kwa mwanja namani mwaniamini kwaa? ⁴⁷ Ywembe ywabile wa Nnongo hugayowa maneno ga Nnongo; Mwenga muyayowine kwaa kwa mana mwenga mwa wa Nnongo kwaa." ⁴⁸ Ayahudi kabanyangwa na kummakiya, twabaya kwaa kweli kuwa wenga wa Msamaria na ubile na nchela?" ⁴⁹ Yesu kayangwa, nibile kwaa na pepo; lakini namweshimu Tate bango, na mwenga mwaniheshimu kwaa. ⁵⁰ Nipala kwaa utukufu wango; kwabile yumo ywapala na hukumu. ⁵¹ Amini, amini, nakubakiya, ywabile yeyote ywalikamua neno lyango, akibweni kwaa kiwo kamwe." ⁵² Ayahudi kabammakiya, "Nambeambe tutangite kuwa ubile na nchela. Abrahamu na manabii kabawaa, lakini wabaya,'Mana itei mundu alikamwile neno lyango, aonjile kwaa kiwo.' ⁵³ Wenga nkolo kwaa kuliko tate bitu Abrahamu ywati waa? Manabii pia bawile. Wenga ujipanga kuwa wa nyai?" ⁵⁴ Yesu kanyangwa, "Mana itei nalowa kuitukuza mwene, utukufu wango na bure; Tate bango ywanitukuza-yolo mwamum'bayite kuwa na Nnongo winu. ⁵⁵ Mwenga mwamyowa kwaa ywembe, lakini nenga namyowa ywembe. Mana itei nibayite,'nimtangite kwaa,' nalowa pangilwa kati mwenga, nambocho. Hata nyoo, nimtangite na maneno yake nigakamwile. ⁵⁶ Tate yinu Ibrahimu atishangilia yatikulibona lisoba lyango, aibweni na atipulaika." ⁵⁷ Ayahudi kabammakiya, "Uikite kwaa umri wa miaka hamsini bado, na wenga umweni Ibrahimu?" ⁵⁸ Yesu kammakiya, "Amini, amini, nakumakiya, kabla Abrahamu abelekwile kwaa. NENGA NIBILE." ⁵⁹ Nga kabalokota maliwe bapala kumpumunda, lakini Yesu atikuificha ni kuboka panja ya hekalu.